▶︎ 中 環 | Gargen Lounge ☀︎ 𝗦𝘂𝗺𝗺𝗮𝗿𝘆： 最近同老公、爸媽一齊計劃食餐好既，見到 「Garden Lounge」新推出左海鮮半自助晚餐，【快閃買一送一】海鮮半自助晚餐，真係好抵食！於是就帶埋一家四口一齊黎食返餐豐富既，順便聚一聚，感受下高質既用餐環境。 . ◈ 烤安格斯肉眼牛排 主菜每人可以揀一款，我地四個索性揀左吾同款，一次過試晒所有主菜。當中烤安格斯肉眼牛排真係好正，牛扒厚身得黎肉質嫩滑，配埋黑松露薯蓉、西蘭花苗同芥末牛肉汁，味道層次豐富，牛肉既油香同汁醬夾得岩岩好，食完好滿足。 . ◈ 清蒸鱸魚 另一款主菜試左清蒸鱸魚，魚肉鮮嫩滑溜，帶有羅勒葉、辣椒同青檸汁既清新香氣，入口酸酸辣辣好開胃，完全吾會覺得腥，食到魚既鮮味同調味既平衡，幾正！點擊圖片放大 +2 . ◈ 雲南野菌米型麵 第一次食米型麵，口感真係好特別，滑溜又帶咬勁，混入左意大利軟芝士同松露，表面鋪滿菌菇，香氣撲鼻，食落濃郁又有層次感 . ◈ 烤原隻加拿大龍蝦 雖然要額外加 $128，但真係值得！龍蝦膏好多，肉質彈牙，上面鋪滿蒜蓉，蝦鉗仲幫你脫好殼，唧d檸檬汁再配香草牛油，鮮甜同香濃既味道一齊爆發，食完仲回味。 . ◈ 第二道分享菜 主菜之後有第二道分享菜，包括是拉差辣椒醬烤雞串，香辣惹味；炸軟殼蟹配咖喱汁，酥脆同咖喱香好夾；日式清酒煮蜆，鮮甜又帶酒香；蒜蓉牛油烤大頭蝦，蝦肉爽口，蒜香濃郁，每款都好有特色，幾個人分黎食真係好開心。 . ◈冰鎮海鮮 冰鎮海鮮吧真係一大亮點，有鮑魚、長腳蟹腳、青口、生蠔、蜆同帶子等等，全部都新鮮得黎冰涼爽口，特別係長腳蟹腳同生蠔，食到海水既鮮味，簡直停吾到口。點擊圖片放大 . ◈ 亞洲風味沙律、凍盤同其他熱菜㗎啦 沙律同凍盤選擇好多，有魚籽玉子豆腐、蒜尼白肉、涼拌木耳、凍蝦同八爪魚等，熱菜方面有即切牛肋骨，肉質軟嫩；炸羊架，香烤可口；特別要推介北京填鴨，熱辣辣即叫即切即包，皮脆肉嫩，encore左好幾次都吾夠喉點擊圖片放大 . ◈ 甜品同雪糕 甜品同雪糕真係好多選擇，有雲呢拿雪糕、覆盆子雪葩、焦糖燉蛋雪糕、意式奶凍雪糕，仲有純素朱古力蛋糕、紅豆酥、綠茶紅豆心太軟、朱古力慕絲蛋糕、松露朱古力、海鹽焦糖芝士蛋糕、葡撻、蘋果提子撻、朱古力心太軟、水果同意式奶凍等等。特別推介純素朱古力蛋糕，朱古力味濃郁得黎吾會太甜，再滿足埋甜品胃，真係完美ending。 . 有興趣可以睇返呢條link啦😘 https://www.klook.com/zh-HK/activity/67688?aid=14983 . ⚘ 同區餐廳：#fcb周圍食_中環 ⚘ 𝗪𝗲𝗹𝗰𝗼𝗺𝗲 𝘁𝗼 𝗳𝗼𝗹𝗹𝗼𝘄 @fcbfoodiehk ♥︎ _____________________________________ 𖠘 香港中環紅棉路22號尼依格羅香港美利酒店UG花園樓層 ☑ 10% 𝗰𝗵𝗮𝗿𝗴𝗲 點擊圖片放大 +3
