有個數學題，我係網上睇到。1.0001 嘅 365 次方，等於 1.44。即係話，如果你每日進步萬分之一，一年之後，你唔係叻咗少少，而係成個人都唔同咗。進步咗 44%。我第一眼睇到呢條數，覺得好荒謬。萬分之一？即係咩？你今日做多咗一下深蹲？你今日飲多咗一杯水？你今日臨瞓前，同自己講咗一句「我今日做得夠好」？呢啲嘢，細到好似冇發生過。細到你做咗一年，身邊嘅人都未必會發覺。但數學唔會呃人。一年之後，你唔會係同一個人。我而家嘅生活，就係 1.0001。每日磅重，記錄數據。每星期去 Gym，做力量訓練。星期五下晝，陪太太落街行個圈。臨瞓前，諗一諗今日有邊張「紙巾」要摵走——一個內疚、一個比較、一個「點解又係我」。每一樣都係萬分之一。每一樣都唔起眼。但加埋一齊，一年之後，佢哋會變成 1.44。我上半場唔信呢套。上半場嘅我，係 要快，要爆，要即刻見到結果。我操到盡，搏到盡，然後身體啪一聲。我而家明。1.001 嘅 365 次方，數學上等於 1.44。同萬分之一都係一樣。但現實上，你行到第三十日就會崩潰。你嘅身體唔係機器，你嘅精神都唔係。你逼自己每日進步千分之一，你頂唔到一年。所以我揀咗 1.0001。呢個速度，啱啱好。佢唔會令我受傷，唔會令我 burnout。佢可以俾我行足一年，兩年，十年。新兵要爆。老兵知道，1.0001 一樣可以行到最後。新兵追求不斷嘅爆發；老兵知道，1.0001 嘅堅持，先係真正嘅力量。香港魯冰2026 春
