斷過嘅膝頭，終於識得再跑。舊年，我入咗手術室。一年前，我企都企唔穩。一年後嘅一個晚上，我企咗喺場上面。練習賽，強度唔高。有個反擊機會，我由後場衝入禁區。見到一個隊友出盡力，喺邊線追到個波，我都盡力由中線沖到門前。佢傳咗個地波出嚟。我小心翼翼掃左個波入空門。入咗! 隊友歡呼!我表面上只係笑一笑。其實心入面好激動!呢一球，唔係咩金球。踢波，基本。但對我嚟講，係我呢一年最重要嘅事。一步一步努力，逐少逐少進步。用心學習鍛鍊，盡力保持信念。了解邊度弱，去搵方法練。重生，唔係坐喺度等傷口埋口。而係用行動話俾自己知——你仲企得喺度。我知道其實我心入面，仲未肯認輸。每次受傷，傷口慢慢會埋口。信心同鬥志，要自己親手重建。香港魯冰2026 春夏之間
