我...最鐘意與大自然親近 拋低煩惱，享受生活 米埔--呢個地方有幾多人聽過，有幾多人去過?? 米埔姐係米埔自然護理區，係一片位於香港元朗區米埔一帶的濕地。 進入米埔嘅沿途，景色都非常優美，感覺好似唔係香港咁，好靚，好靚!! 左邊，全部都係一大片嘅魚塘，高樓大廈都不見，只見一隻隻嘅小白鷺在飛。 系冬季嘅時候，濕地有唔少來自中國北部及西伯利亞嘅候鳥係呢度過冬。 世界自然基金會香港分會自1983年管理米埔自然保護區。呢一隻咁可愛嘅熊貓，就係世界自然基金會嘅logo啦!! 世界自然基金會一直係保護區內進行研究同增設教育設施，同時推出多項保育工作維持濕地。世界自然基金會舉辦多種米埔導賞團，適合個人、學生、老師及專業人士參與。真係一家大細都啱去架!!更可以同下一代認識大自然，人與人之間嘅關係都可以拉近一點!! 進入米埔自然保護區係需要登記架，因為裡面系禁區嚟架。世界自然基金會可協助申請進入米埔自然保護區嘅許可證。申請個人全年通行證嘅方法或海外博物/自然學家參觀米埔嘅許可。 ________________________________________________________________ 穿過小樹林點擊圖片放大 香港人，係時候要放鬆下啦，走出冷氣房，看看大自然，美麗而又不多嘅保護區，就係我地附近，付出小小時間，換來嘅可能比你賺到嘅金錢更多。「錢」可以長搵長有，但保護區面對多方面威脅，好難做到「長搵長有」。所以，又呢一刻開始，一齊嚟保護本港嘅生物多樣性和獨特嘅棲息地啦!! ________________________________________________________________ 有興趣參與保育工作嘅朋友，可以click入世界自然基金會香港分會嘅網頁查看詳情... ________________________________________________________________至於到達米埔自然保護區嘅交通方面，其實係無任何公共運輸工具直達!! 不過最接近嘅公共運輸工具是行經青山公路的九龍巴士76K線，來往元朗朗屏邨至上水，但乘客於米埔村外的巴士站下車後要再沿担竿洲路步行前往。 前往米埔濕地的人士亦可於西鐵線元朗站、錦上路站或東鐵線上水站轉乘的士前往。 ________________________________________________________________ FaceBook: https://www.facebook.com/fat.bighead.1 Instagram:http://instagram.com/fat_chanfanatictrip ★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆
