～今日的行程～ 1月27日： 去合歡山睇日出 -> 早：清境儷景豪斯登堡 -> 紙箱王 -> 返台中 -> 宮原眼科 -> 晚：一中街夜市我哋旅行前係kkday book左合歡山日出團，所以今朝天都未光就要起身啦。 日出團嘅旅遊巴會去我哋住嘅酒店清境儷景豪斯登堡接我哋。當時5:00am就已經上咗旅遊巴啦，feel到所有團員都未訓醒咁，大家都係車上補眠中，導遊講嘅野都唔係好聽到了。 5:37am黎咗第一站，導遊帶我哋睇星。當時勁凍勁大風，旅遊團會提供保暖嘅外套比團友著。 吹咗陣風終於上返車。係台中買嘅照燒雞溏心蛋三文治，帶到上黎合歡山食。 下一站就係呢個合歡山國家森林遊樂區界碑，合歡山有好幾個界碑，呢個係位於松雪樓，我哋亦由南投縣去咗花蓮縣呀。 開始見到少少日出啦。 6:25am，導遊帶咗我哋行去一個有利位置睇日出，我身上呢件羽絨就係旅行團提供架啦。 凍到要戴返個口罩擋下風。 6:37am，成個咸蛋黃終於出黎啦。 見到咁靚嘅日出，3:30am起身都係值得架。 我都忍唔到要戴返個口罩保暖，實在係太凍啦。 之後又上返旅遊車去另一個打卡位，呢個係太魯閣國家公園界碑 - 昆陽。 當時個天已經光晒啦，仲見到少少雲海添。當時個天真係好靚！ 大約7:20am呢個日出團就完結，然後坐旅遊車返酒店。 返到酒店就浸住浴先。 然後就落去酒店餐廳食個早餐。 然後我哋就check out呢間酒店啦，詳細酒店review可以睇呢篇blog。 我哋將行李寄存係酒店度，然後就行落去巴士站搭車，臨走前行下呢個好天嘅清景。發現都好多人好似我哋咁行落山，因為呢度啲交通都唔係話好方便。 我哋黎小瑞士花園度等巴士。 見到巴士仲有啲時間先到，我哋就行入去小瑞士花園望下，見到要比入場費TWD$150我哋就冇入去啦。 但係門口呢檔賽德克烤肉就吸引咗安迪。 我哋買咗兩碌台灣腸食下。 我地搭呢架清境線巴士，由國民賓館搭一個站去清境農場旅服中心站。 我哋為咗黎呢間清境紙箱王，好可惜係2025年11月底就已經執咗啦。 門口有小火車坐。 我黎呢度係為咗玩呢個瀡滑梯，好多小朋友玩緊，我要同細路爭野玩啦。 都幾刺激好玩 XD 呢間紙箱王其實係以紙箱造景為主題嘅商店黎架。 見到呢張Hello Kitty嘅賀卡勁靚，於是買咗兩張，一張收藏，另一張送比朋友。 打開咗係咁嘅樣，係日本個啲段飾台，傳統節慶用黎陳列人偶或者裝飾品的台座。 用咗4層紙黎整架。 之後我哋就返去酒店拎行李，係便利店買咗個CoCo壱番屋嘅雙起司咖哩雞肉飯糰，超高質！話說台灣便利店嘅飯糰好多都可以熱食架。 同去程一樣，我哋係kkday book咗清境民宿到台中火車站嘅共乘接送服務，1:30pm就出發返台中啦，上車無耐我就熟睡了。 仲係7仔買咗呢包溫泉蛋食。 安迪仲開咗呢包艋舺雞排嘅香酥炸雞皮。 4:30pm終於返到台中，我哋今晚會住係呢間米卡沙旅店，下篇blog再詳細介紹。 check in完酒店之後，我哋就周圍行下，米卡沙旅店就係正臺中火車站對面。 順便就行下臺中火車站隔離嘅宮原眼科。 呢棟建築原來最早係1927年由日本眼科博士宮原武熊興建嘅。 之後由知名的日出蛋糕團隊接手改造呢棟建築，佢地保留咗紅磚外牆與舊牌樓，內部就翻新成英式圖書館風格，有哈利波特霍格華茲嘅vibe。入面嘅手信太貴，我哋都無幫襯到。 宮原眼科雪糕店有長長嘅人龍，上次已經試過，今次就唔買啦。 之後就周圍行下買野，黎咗黑橋牌買啲手信。 左面4件都係黑橋牌買，右面個啲就係藥妝店買。當時周圍都無口罩賣，比我哋見到有3M口罩，就買咗3個。 晚餐時間，我哋去咗一中街夜市搵食。 見到現炸起司棒呢個名好吸引！ 原味起司，TWD$20。我哋幻想呢個起司棒入面會有芝士拉絲，或者流心芝士，點知係無芝士架，只係一條芝士味嘅麵包咁樣，十分失望。 然後比呢間嘅熱狗腸吸引咗。 熱狗腸，TWD$25。 見呢間店好多人圍住就幫襯下。 有好幾款味道嘅紅豆餅。 買咗紅豆味同芋頭味，TWD$15各一。佢話啲紅豆係用屏東萬丹嘅九號品種，而芋頭係就用台中大甲嘅新鮮芋頭。 跟住就試下呢間嘅珍珠包。 買咗4粒珍珠包，TWD$20。 而家仲有冇人會飲幸福堂呢？幸福堂係香港已經執哂啦。 黑糖珍珠鮮奶，TWD$55，店員原來會用火槍燒一燒個面。 呢間鋪頭名叫做香蕉你個芭樂，原來係源自1988年電影《最佳損友》嘅對白，神父教牛頭帆用生果代替講粗口，牛頭帆原本廣東話係講：「金山橙你個提子」(金山橙係指加洲新奇士橙)然後台灣就改成：「香蕉你個芭樂」，呢句對白就變咗台灣嘅經典meme。 去台灣嘅夜市都要買包芭樂加梅粉食。 話說黎咗咁多次台灣，竟然第一次買蘋菓西打黎飲，好好飲！ 太鍾意台灣便利店嘅熱食飯糰，今次試日式雞五目烤飯糰，。 黎到台中總要食下洪瑞珍三文治，今次再黎台中，原來連便利店都有洪瑞珍賣！當初1947年洪宜杉創立嘅「洪瑞珍餅店」，其實係1985年已經分家，Wiki話分咗5家咁多，上次黎台中都試咗兩家洪瑞珍，便利店呢個洪瑞珍又係另一家黎，呢家仲開到黎香港添！旅遊日期：2020年1月24日 - 2020年1月28日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去台灣玩》Day1 (高雄鈴鹿賽道樂園玩卡丁車,台南花園夜市食棺材板?!) Day2 (台南打卡必去台江國家公園,台中彩虹眷村,高美濕地,逢甲夜市)住宿篇 (台南遠東香格里拉 Shangri-La's Far Eastern Plaza Hotel, Tainan)Day3 (清境農場同綿羊玩遊戲,台中第二市場食早餐)住宿篇 (清境儷景豪斯登堡 - 歐式古堡民宿)Day4 (清境出發去合歡山睇日出,觀星＋日出＋雲海一次過睇哂,台中一中街夜市搵食)Day5 (台中文青必去審計新村&暮暮市集,由台中去桃園機場)《快閃高雄閨蜜遊》Day1 (文青必去駁二藝術特區,食米芝蓮鴨肉珍,行瑞豐夜市)Day2 (旗津打卡景點,踩電動單車,食海鮮)Day3 (去鈴鹿賽道樂園玩,玩VR game,最美捷運站 - 美麗島)住宿篇 (樂逸旅居LAINN,4人房完美設計唔洗驚爭廁所,早餐有驚喜!)《去台灣歎》Day1 (長榮航空,桃園機場去台中,逢甲夜市)Day2 (宮原眼科,第二市場,太陽餅街,台中去台北,蘋果工房)Day3 (宜蘭,礁溪,溫泉魚,Afternoon Tea)Day4 (永康街,西門町,度小月,府城,天天利)台中住宿篇 (理想與現實,Airbnb中伏)台北住宿篇 (台北車站,凱撒大飯店)戰利品篇
