不知不覺上篇blog 續領BNO分享 (Adult first time,無交副簽) 本BNO已經用咗接近10年啦，係時候要renew本新嘅BNO。大部分國家同地區入境時都要求passport必須有至少6個月嘅有效期，否則航空公司有可能會拒絕你登機，或者會被拒入境。所以建議大家係護照到期前6-9個月前就好申請續領護照啦。首先上呢個英國政府網站 https://www.gov.uk/overseas-passports。 撳"Start now"開始申請BNO啦。 呢題問你係咪住喺英國，答NO就要揀返你居住嘅國家或地區。 填你嘅出生日期。 呢題問你係咪曾經擁有英國護照，我有BNO，所以答Yes。 然後就會話你知申請護照嘅流程。有三大重點要注意：影BNO規格嘅證件相準備所需嘅文件標準34頁護照嘅費用係：GBP£116.5 + 速遞費GBP£28.64 = GBP£145.14 我apply之前就去咗影證件相嘅鋪頭度影BNO證件相，職員同我講BNO證件相嘅要求都幾高，張相係千祈唔可以微笑，必須莊嚴咁話喎。留意返影完張證件相係冇上圖顯示嘅code提供架，之後直接upload張digital相上黎就得架啦。 所以呢題我就會揀"I'll take or upload a digital photo"。 呢步就可以upload影相鋪度影咗嘅digital相。 Upload完即刻就會有證件相嘅合格結果啦。 呢題問你本passport有冇唔見過或者被偷。 呢題就問你本護照嘅發出日期同埋係咩機構發出，一般黎講都係揀"UKPA, UKPS, IPS or HMPO"。 呢題就問你本passport有冇損壞。 呢題就問你有冇其他國家嘅護照，我有香港特區護照，所以會答Yes。 呢題就問你本英國護照係寫咩國藉，BNO都係揀"British National Overseas"。 然後系統就歸類我呢次BNO續領係Adult Renewal。一般黎講佢地收到我嘅申請文件之後，預計4星期內我就會收到本新passport，除非佢要我提供更多嘅資料。 然後就要填本BNO嘅號碼&到期日期。 填你嘅名。 呢題問你有冇用過其他名。 你嘅性別。(竟然只有兩個選項 @@) 呢題問你係咪喺英國出世。 填你嘅住址。 填你嘅email同電話。 我就揀咗email同SMS都接收申請嘅update。 我過去9.5年都飛得好多，就算中間covid有2年冇得飛，本passport 34頁都用得7788，只係得返5頁係未用，安全起見，我今次就比多少少錢，申請54頁嘅Frequent traveller passport，GBP£130.5。 呢題問你需唔需要盲人凸字貼紙。 呢度就提你收到新護照後要係入面簽名。 呢題問本護照係邊個嘅。 呢頁就list左有咩文件要寄過去英國HM Passport Office。以下係我寄咗嘅文件：BNO的正本彩色影印香港身份證(兩面)彩色影印香港特區護照(每一頁，包括底面)過去12個月內嘅住址證明 (我用咗政府機構send比我的信) 然後就磅水啦，54頁護照比咗GBP£159.14。34頁護照嘅費用係：GBP£116.5 + 速遞費GBP£28.64 = GBP£145.1454頁護照嘅費用係：GBP£130.5 + 速遞費GBP£28.64 = GBP£159.14 然後就要寄申請文件去英國HM Passport Office啦。 我係9月8號喺郵局寄空郵＋掛號信。大家可以去http://www.hongkongpost.hk/tc/mail_tracking/ check封郵件的status。紅色間左個個item no.就係郵件編號啦，用黎追查郵件。 9月14號成功派遞到HM Passport Office，即係用左6日時間就由香港送到去英國辦事處到，效率都幾快！ BNO申請都可以check status架，上呢個網站http://www.passport.service.gov.uk/track，入返你嘅application reference、email同出生日期，就可以睇到申請status架啦。9月22號我本新passport終於批核成功兼print咗啦。 之後就會收到DHL嘅email同埋WhatsApp通知你份郵件送緊過黎。留意返新的BNO同舊的BNO會分兩份郵件寄出。 9月28號，我首先收到新passport嘅郵件， 9月30號，收到剪咗角嘅舊passport同埋其他我寄去嘅申請文件。 由我寄出申請文件9月8號開始計，如果只計收到本新passport個日9月28號，整個申請過程只係用咗20日，效率同10年前一樣都非常高。Btw，英國護照因為英國脫歐Brexit，2020年開始由以往配合歐盟標準嘅酒紅色轉返做傳統嘅深藍色，所以大家會見到新同舊個本BNO係唔同色架。=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================以下係我用BNO的小小經歷～[羅馬機場] BNO vs. 特區護照代遇[吉隆坡機場] BNO被以為係BC?[馬累機場] 搭國泰都遇到呢個情況?!收到BNO發現出生地Place of Birth出錯?
