～今日的行程～ 1月24日：香港機場 -> 環亞貴賓室 Plaza Premium Lounge -> 高雄機場 -> 鈴鹿賽道樂園 -> 台南 ->下午茶：呷霸浮水魚羹 -> 下午茶：里來飲 -> 晚餐：花園夜市 2020年嘅農曆新年4日連假，於是我哋就請一放5日去台灣玩。我哋首先飛高雄，最後係桃園走！呢5日嘅旅程，會玩高雄、台南同台中三個地方。我哋去程搭港龍航空，(後記：港龍航空已經係2020年10月21日因為疫情而停運咗啦！)回程搭國泰航空，都係用Avios (英國航空British Airways的飛行里數計劃)換嘅，用咗9000Avios分一個人，另外稅同附加費總共比咗HKD$588一個人。 當年33號登機閘口係Plaza Premium Lounge，開咗冇耐就遇上疫情封關，而家已經易手做Kyra Lounge啦。 呢度有QR code比你點餐，點完餐就有姐姐拎黎你張台。當時係7:10am，有早餐order食，我哋叫咗腸粉、英式早餐、雪菜腐皮麵，啲嘢食都幾吸引。 係出面拎咗啲乳酪。 我哋仲去埋60號登機閘口樓上嘅Plaza Premium Lounge，當年2020年疫情時新開，而家都仲係度架。 呢個lounge特別在於有意大利牌子Lavazza嘅咖啡，不過係收費嘅，當年價錢係$38-68，特別嘅係有手沖滴漏咖啡(Filter coffee) & 冷萃咖啡(Cold Brew)，好過買星咩克咖啡啦係咪？ 呢個lounge都好寬敞，當時早餐得三文治、薄餅、沙律、乳酪食，熟食係11:00-00:00先供應， 個陣有燒烤伊比利亞豬叉燒飯、魚蛋粉、雪菜腐皮麵、茄醬直通粉、英式早餐等，可惜早機試唔到。 當年搭港龍都冇機場空橋，要搭機場巴士去飛機度，再行登機梯上機。(後記：港龍航空已經係2020年10月21日因為疫情而停運咗啦！) 當年坐嘅機型係A330-300。 我哋班機係8:50am起飛，10:20am降落高雄，機程只係個半鐘。 有機上娛樂。 機程雖然得個半鐘，但都有飛機餐食，係炒麵。 11:13am已經過完關，拎埋行李，上左捷運啦，當年剛開始疫情，要戴口罩！ 上次同老best去鈴鹿賽道樂園玩唔到賽車，今次再同安迪去！黎到捷運草衙站，發現今日仲有P助兔兔嘅活動，我哋實在太幸運啦！ 呢個大魯閣草衙道 Taroko Park當時仲有好多美食檔。 (2022年8月已經改建成SKM Park Outlets 高雄草衙) 連飲品販賣機都係P助兔兔！ 我哋最後買咗兩罐返香港。 上次同老best黎鈴鹿賽道樂園玩唔到賽車，但玩咗機動遊戲、雷射war game、VR game (詳細睇《快閃高雄閨蜜遊》)。今次我同安迪剩係黎玩賽車，當時單人卡丁車係TWD$650，想睇而家嘅價錢請上鈴鹿賽道樂園的官網。 見到出面嘅賽道，我哋想即刻落場玩啦。 賽車前職員會講解注意事項。 然後就戴面罩同頭盔。 如果你冇著波鞋，呢度有得租借鞋子。 呢度仲會提供手套。 我哋仲帶咗Go Pro黎拍片，呢度嘅頭盔係可以插Go Pro架。 玩之前個mon會show你架車嘅冧把。 我哋準備出去賽道啦。 我係17號車，安迪係27號車。 我哋攬好安全帶準備出發。 係頭一個圈，安迪已經爬咗我頭啦呢個係安迪嘅畫面， 呢個就係我嘅角度，安迪係我左手面爬頭。 賽車嘅過程大部分都係比人爬我頭 (本人太廢了)，呢個係少有我爬人頭嘅畫面。 呢個POV，我仲要一次爬兩個人頭呀。 今次嘅賽事有13架車比賽，最後我同安迪排第8同第9名，我哋揸得好慢呀。 玩完賽車，我哋就行下P助兔兔嘅期間限定店。個P助好黃呀！ 有扭蛋機同影相機。 唔同款式嘅影相機。 我哋都影咗P助兔兔嘅相紙留念。 當時係鼠年，有個鼠年嘅P助兔兔打卡牆。 兔兔好可愛呀。 限定店都好多野賣XD我哋都買咗少少 :P下面再分享。 安迪即買即換左個手機殼 XD 充氣兔兔。 之後我哋就行下大魯閣草衙道嘅藥妝店，當時正值口罩短缺 周圍撲口罩嘅時期，好彩仲有細細包嘅口罩頂住先，仲要係台灣製造。 左手面係P助兔兔限定店買嘅戰利品，右面係藥妝店嘅戰利品。 我哋搭台鐵由新左營到臺南站，車程係36分鐘。 我哋係台南會住一晚，stay係呢間Shangri-La's Far Eastern Plaza Hotel, Tainan，下篇blog會詳細介紹。 我哋台南嘅第一餐，黎到呢間呷霸浮水魚羹，呷霸台語嘅意思係食飽咁解。地址：700台灣臺南市中西區民族路二段343號 當時嘅menu，都係啲小食。 必食嘅白腹魚羹，TWD$60。 左面係腐皮蝦捲，TWD$50，右面係鮮魚餅，TWD$50。 行行下見到呢間里來飲就試下，佢主打古早味飲品。 可惜呢間飲品似乎敵不過疫情，已經結業啦。 入夜之後，我哋黎咗花園夜市，佢逢星期四至日先開架。 首先就試下呢間正好排肉酥。 冇記錯買咗小包，TWD$50，鹽酥雞就食得多，鹽酥豬真係第一次試。 之後就幫襯咗呢間三代香酥鳥蛋。 買咗兩串黎試下，TWD$50，其實就係將鵪鶉蛋煎成太陽蛋，然後係上面加香腸、芝士，最後有唔同嘅醬同調味粉比你任落。 仲買左呢間傑旗魚黑輪，TWD$10。 想食少少蔬菜，買咗呢間玉米杯杯嘅粟米杯，TWD$60。 安迪仲試埋呢間譚家滷味。 當時係年30晚，我哋唔怕邪，試左呢個台南嘅名物 - 棺材板。 佢係將多士炸成金黃色，然後中間挖空再放入雞肉、粟米、蘿蔔等等嘅芡汁，再蓋返多士嘅蓋。 食咗咁多野，就買返杯珍奶潤下喉嚨。 呢間叫做義玫捌陸，我哋叫咗黑糖波霸鮮奶，TWD$60。 試下台南嘅臭豆腐先。 呢間係京典酵素臭豆腐。 最後再飲多杯冠軍嘅木瓜牛奶，TWD$60。食左咁多野好滿足呀！旅遊日期：2020年1月24日 - 2020年1月28日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《快閃高雄閨蜜遊》Day1 (文青必去駁二藝術特區,食米芝蓮鴨肉珍,行瑞豐夜市)Day2 (旗津打卡景點,踩電動單車,食海鮮)Day3 (去鈴鹿賽道樂園玩,玩VR game,最美捷運站 - 美麗島)住宿篇 (樂逸旅居LAINN,4人房完美設計唔洗驚爭廁所,早餐有驚喜!)
