我哋係西班牙馬德里三日兩夜都係住呢間Hotel Riu Plaza España。 我哋係Expedia度book Hotel Riu Plaza España，入住日期係29/12-31/12，房型係Deluxe Room (King)，包早餐，連稅減埋折扣，價錢係HKD$1930.7兩晚， 一晚大約係HKD$965.35。 帶大家參觀我哋間房啦。 一入門口嘅左手面就係浴室。 浴室用左雲石嘅設計。 淋浴的位置。 Aqua Senses嘅三合一沐浴露，可以洗手、洗頭同沖涼。最憎酒店用呢種cheap cheap嘅三合一沐浴露。 洗手盤同鏡，可惜影漏咗個風筒。 有兩塊Aqua Senses番梘提供。 睡床對住書枱同電視機。 有一支水、茶包、水壺、杯、啤酒開瓶器。 雪櫃有啲飲品，都係收費嘅。 睡床 房嘅主調都係灰白啡色，但有幅粉紅色綠色嘅畫。＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 我哋book呢間酒店係包埋早餐。 枱上面有咖啡壺同奶比你自己斟。 間餐廳睇到好開揚嘅馬德里市景，當時8:45am個天仲日出緊。 有遮擋仲有feel添。 影下自助早餐有咩食先，呢度係芝士同火腿。 火腿、腸、熟嘅菜。 沙律菜 有唔同形狀嘅Churro西班牙油炸鬼。 勁多Pastoret嘅希臘乳酪任食。 我哋拎咗呢啲野食。 主力都係拎芝士、火腿。 唔少得拎甜品同乳酪啦。＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 我哋住間酒店嘅360º Rooftop Bar好出名架，佢係酒店嘅27樓，酒店嘅住客係免費入場，而非酒店住客就根據入場嘅時間收錢，入場費係€5至€20不等，入場費詳情就睇360º Rooftop Bar嘅官網啦。 呢個bar睇日落真係一流，想睇詳細review同更多靚相就睇Day6的blog啦。旅遊日期：2019年12月25日 - 2020年1月1日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去西葡歎》Day1 (坐瑞士航空到巴塞隆拿,高第作品精華遊,鬥牛場改建成商場睇靚景,Casa Lolea必飲Sangria)Day2 (巴塞隆拿必遊高第神作 - 聖家堂, 參觀世界最美醫院 - 聖十字聖保羅醫院, 最華麗的加泰隆尼亞音樂宮)住宿篇 (巴塞隆拿睇到聖家堂嘅酒店 - Ayre Hotel Rosellon,超打卡嘅天台)Day3 (巴塞隆拿去葡萄牙里斯本,必食蟹膏人氣海鮮餐廳,搭電車睇日落)Day4 (里斯本近郊Sintra辛特拉一日遊,到佩納宮&雷加萊拉宮打卡,羅卡角世界級日落)Day5 (里斯本Belém區,葡撻發源地Jerónimos修道院,發現者紀念碑,貝倫塔)住宿篇 (葡萄牙里斯本精品酒店推薦 - H10 Duque de Loulé) Day6 (西班牙古城Segovia塞哥維亞一日遊, 馬德里天台酒吧360度睇日落, 聖米格爾市狂食tapas)Day7 (西班牙馬德里王宮,麗池公園,係飛機上倒數新一年體驗,45分鐘轉機可行嗎?)住宿篇 (西班牙馬德里酒店推薦 - Hotel Riu Plaza España，日出日落都睇到)
