～今日的行程～ 12月28日：早：Balcão do Marquês -> Rossio火車站 ->辛特拉 Sintra -> 佩納宮 Palácio da Pena -> 午：Romaria de Baco -> 雷加萊拉宮 Quinta da Regaleira -> 羅卡角 Cabo da Roca -> 晚：Time Out Market Lisboa -> Chef Marlene Vieira我哋今日一早就起身，出發去里斯本近郊嘅一個歷史悠久嘅小鎮 - 辛特拉 Sintra。 出發之前，我哋黎咗酒店附近嘅一間葡撻名店 - Balcão do Marquês，買葡撻黎做早餐。地址：113 ao 119, Av. Duque de Loulé, 1050-089 Lisboa 呢間葡撻店係1980年開業，已經有超過40年嘅歷史。 我哋買咗兩個葡撻，€1.1一個，會有個盒仔裝住架。 我哋買黎搭火車食。 買完葡撻，離遠望到龐巴爾候爵廣場 Marquis of Pombal Square，佢係記念葡萄牙1750年至1777年嘅首相龐巴爾侯爵。廣場中央係一個巨大嘅圓柱，係1934年建成，圓柱頂部係龐巴爾同一隻獅子嘅銅像。 之後我哋就搭地鐵黎Rossio railway station 火車站，呢個火車站係1891年就開始啟用啦。 呢個火車站竟然有透明嘅橋，咁咪可以睇人嘅裙底。 仲有啲時間先搭火車，我哋去咗火車站附近嘅呢間Painel da Baixa買啲小食。地址：Calçada do Carmo 2, 1100-193 Lisboa 我哋比呢d馬介休球吸引住。 我哋買左兩粒馬介休球，€1.5一粒，馬介休係由鱈魚用鹽醃製而成架。 搭咗40分鐘就黎到辛特拉 Sintra啦。辛特拉距離里斯本大約30公里，辛特拉自古以來都係葡萄牙王室同貴族嘅避暑勝地，有好多宮殿、莊園同城堡。辛特拉係1995年被聯合國教科文組織列入世界文化遺產。 我哋買咗火車同嘅巴士套票，€15.8，包左里斯本來回辛特拉嘅火車票同埋辛特拉嘅巴士票。 辛特拉嘅巴士線都可以去到上圖嘅8大景點，包括辛特拉國家宮殿 Palácio Nacional de Sintra、摩爾人城堡 Castelo dos Mouros、佩納宮 Palácio da Pena、雷加萊拉宮 Quinta da Regaleira、賽泰斯宮 Palácio de Seteais、莫塞拉特宮 Palácio de Monserrate、羅卡角 Cabo da Roca、卡斯凱什灣 Baía de Cascais。最後我哋只係夠時間去佩納宮、雷加萊拉宮同羅卡角。我哋首先會搭434號巴士去佩納宮 Palácio da Pena，當時434號勁多人搭，冇位坐，勁迫，車程45分鐘，全程都係山路戥下戥下，有筆直嘅建議搭Uber或者Tuk tuk。 終於黎到佩納宮站落車，要行15分鐘山路先會到佩納宮。 已經有條人龍一齊行上佩納宮。 終於見到佩納宮啦。 就快排到入去佩納宮啦。而家嘅入場費係€17，詳情去呢個網買飛。其實唔洗買飛都可以入去影相，我哋黎到已經下午，完全唔夠時間影相同參觀皇宮，我哋蠢左買左飛但唔夠時間參觀了。 佩納宮原址其實係修道院，1755年里斯本大地震中修道院被夷為廢墟，1854年葡萄牙國王費迪南德二世將佢改建為王室嘅夏宮。1995年被聯合國教科文組織列為世界遺產，亦都係葡萄牙七大奇蹟之一。 呢個部分係宮前廣場同露台。 佩納宮嘅大門採用伊斯蘭建築元素，門上面嘅雕像係希臘神話入面嘅半人半魚怪物 - 崔坦Triton，象徵創世寓意。 係伊斯蘭style建築前面影張相先。 黃色嘅建築係19世紀新建嘅皇宮區域，入面有國王同皇后嘅臥室、宴會廳、接待廳、貴族大廳、書房、廚房等等。 唔同嘅建築風格結合一齊又好夾。 行入大門之後，又係一個廣場同露台。 紅色嘅建築就保留左前身修道院嘅結構，包括鐘樓、小教堂、中央庭院，外牆又用左伊斯蘭摩爾風格嘅磁磚裝飾。 呢度係佩納宮嘅小教堂。 呢個彩色玻璃窗上面啲人像好靚。 佩納宮位於辛特拉山脈上面，所以可俯瞰到辛特拉周圍嘅景色。 可以望到摩爾人城堡 Castelo dos Mouros，係8至9世紀阿拉伯人占領伊比利亞半島期間興建嘅。 佩納宮嘅宮前廣場有啲小碉堡同圓形城塔，好多人都會行上去影相。 當然我都唔執輸行上去影相啦。 呢個黃色圓頂嘅小碉堡好可愛呀。 我哋影完相就離開佩納宮啦。 之後我哋就黎咗雷加萊拉宮附近嘅Romaria de Baco餐廳食午餐先，地址：Centro Historico, R. Gil Vicente 2, 2710-568 Sintra 呢間餐廳都好full，睇黎啲野都應該唔錯。 我哋叫咗支葡萄牙Mateus嘅Rosé，€11，原來呢支酒70年代係香港好出名，啲人會叫佢做「碼頭老鼠」。 餐廳將好大個冰桶放咗係枱上面。 我哋Cheers先。 又幾好飲。 我哋order左Camarão frito com azeite，€13.7，姐係蒜油蝦 Fried Shrimp with Olive Oil and Garlic。 呢碟係Prato pica-pau novilho，€11.9，係將牛肉切成細細舊咁煮 Beef Chopped and Fried with Garlic and Pickles。 呢碟係Arroz negro，€17.8，墨魚汁飯 Black Rice with Nortindal Cuttlefish ink (Cuttlefish, Shrimp and Scallop)，入面仲有蝦同帶子。 最後呢碟係Magret de pato，€16.9，鴨胸肉 Duck Magret with Smashed Sweet Potato and Sauteed Vegetables。今晚總共食咗€71.3。 跟住我哋就行去雷加萊拉宮 Quinta da Regaleira。 雷加萊拉宮係1910年建成，呢座莊園由富商Carvalho Monteiro打造，佢想建立一個撲朔迷離的地方，設計上加入左鍊金術、共濟會、聖殿騎士團同玫瑰十字會等神秘符號。 呢座係雷加萊拉小堂，係羅馬天主教小聖堂。就咁睇呢座教堂嘅設計都好有神秘咁。 呢座就係雷加萊拉宮嘅主宮殿，當時開始日落，所以個天都開始暗啦。 近睇會唔會有啲魔法學校嘅feel?雷加萊拉宮係1995年被聯合國教科文組織列為世界遺產。 行到黎正面影返張合照先。 主宮殿總共有五層樓，入面有客廳、飯廳、臥室、書房、陽台、熨燙室同地下廚房等。 呢個係宮殿飯廳嘅壁爐。 呢度有人表演鋼琴。 呢度當然冇皇宮咁靚，但作為富商嘅大宅黎講，都真係好靚。 由於我哋想趕去羅卡角 Cabo da Roca睇日落，所以我哋就放棄咗參觀雷加萊拉宮嘅神秘花園，希望下次可以再黎。 By Stijndon - Own work, CC BY-SA 3.0, https://commons.wikimedia.org/w/index.php?curid=32033471呢個係神秘花園最出名嘅啟動井 Initiation Well，深達27尺，井入面有螺旋樓梯同隱秘通道，據說係同塔羅儀式有關。 由於當時已經開始日落，我哋就放棄搭巴士，立即call uber去羅卡角 Cabo da Roca。 去到羅卡角已經差唔多日落完。 羅卡角 Cabo da Roca係歐洲嘅最南點，係睇日落最佳嘅地方。 呢度係一個山崖，俯瞰無邊際嘅大西洋。 羅卡角呢度有個十字架紀念碑。 紀念碑上面刻住葡萄牙詩人Luís de Camões嘅名句 "Onde a terra se acaba e o mar começa”，意思係陸止於此、海始於斯。 係我睇過最靚嘅日落啊。 月亮都出咗黎啦。 我哋兩個影返張自拍先，雖然後面個日落爆哂光。 好似點影都係爆光XD人靚就可以啦 :P 羅卡角呢個area好大，所以影日落都唔洗擔心個背景影到人。 個天越黎越黑啦。 我哋打算天黑哂之前就搭巴士走啦，因為驚再晏啲就有排等巴士。 羅卡角呢度仲有座1772年建成嘅古老燈塔。影完個燈飾，我地就離開辛特拉，回程搭巴士又係冇位坐又迫！ 返到里斯本市區，我哋就去咗Time Out Market Lisboa食晚餐。地址：Mercado da Ribeira, Av. 24 de Julho, 1200-479 Lisboa 呢個Time Out Market Lisboa前身係建於1892年嘅傳統市場Mercado da Ribeira，係2014年重新改造成美成廣場Time Out Market Lisboa。 香港啲food court大部分都係好頹，而呢個Time Out Market個vibe就正好多，裝修好時尚、好年輕化。 我哋就揀咗呢間Chef Marlene Vieira，Marlene Vieira係一位葡萄牙廚師，亦都係里斯本Time Out Market廚師團隊嘅唯一女性，2025年佢另一間餐廳Marlene,仲拎左米芝蓮一星。 我哋order完就會比部取餐機仔你。 Salada de alfaces e sapateira，€9.5 ，蟹肉牛油果沙律。 我叫咗杯Periquita嘅Vinho Branco Península de Setúbal，€3.5，係葡萄牙嘅白酒。安迪就叫咗Kopke酒莊嘅Porto 10 Anos，€5，係葡萄牙必飲嘅波特酒Port wine，仲要陳年咗10年嘅茶色波特酒Tawny Port。 安迪嘅主菜係Arroz cremoso à Bulhão Pato，€12.5，係海鮮嘅意大利飯，上面有炙燒旗魚、檸檬、芫荽。 我嘅主菜Arroz cremoso de bacalhau，€12.9，係鱈魚嘅意大利飯，上面有芫荽、蕃茄、三文魚籽。呢餐我哋總共食咗€43.4。聽日繼續遊里斯本。旅遊日期：2019年12月25日 - 2020年1月1日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去西葡歎》Day1 (坐瑞士航空到巴塞隆拿,高第作品精華遊,鬥牛場改建成商場睇靚景,Casa Lolea必飲Sangria)Day2 (巴塞隆拿必遊高第神作 - 聖家堂, 參觀世界最美醫院 - 聖十字聖保羅醫院, 最華麗的加泰隆尼亞音樂宮)住宿篇 (巴塞隆拿睇到聖家堂嘅酒店 - Ayre Hotel Rosellon,超打卡嘅天台)Day3 (巴塞隆拿去葡萄牙里斯本,必食蟹膏人氣海鮮餐廳,搭電車睇日落)Day4 (里斯本近郊Sintra辛特拉一日遊,到佩納宮&雷加萊拉宮打卡,羅卡角世界級日落)
