我哋係巴塞隆拿三日兩夜都係住係呢間睇到聖家堂嘅酒店！ 我哋就係住呢間Ayre Hotel Rosellon，酒店門口個樣好modern。我哋係Expedia度book，入住日期係25/12-27/12，房型係Superior Double Room, Park View，連稅價錢係HKD$1970.96兩晚， 一晚大約係HKD$985.48。 酒店嘅走廊都幾光猛。 走廊對住天井，所以採光度好好。 帶大家參觀下間房啦。 入房間嘅左手面就係浴室。得一個洗手盤。 上面放咗啲梳洗用品。 有浴缸，不過沖涼個陣花灑同頭頂花灑都一齊出水，另外，浴缸係冇水龍頭。 有歐洲我最愛嘅暖爐架，洗完的衫可以放上去烘乾。 馬桶嘅位置。 最搞笑係馬桶上面有塊鏡，呢啲放大鏡通常都係係洗手盤附近，但呢間房 個放大鏡竟然係馬桶上面..... 睡床 張床對住電視機，下面個行李架好長。 書枱上面放咗啲咖啡、茶、水壺。 書枱後面就係衣櫃啦。 雪櫃都係衣櫃嘅一部分，入面有4支水。 衣櫃入面有夾萬。 間房最正嘅地方就係窗口對住聖家堂啦。 呢個view就係超正，勁近距離見到聖家堂。 住呢間酒店一定要上天台影相。 酒店嘅天台可以睇到聖家堂，而且人唔算多，超級適合打卡影相。更多天台嘅靚相可以睇《去西葡歎 Day1》。 位置方面，酒店超近聖家堂，好近地鐵站，去其他景點都好方便，另外附近有Carrefour Express家樂福超市，買日用品都好方便！不過間房嘅缺點係隔音有啲差，而且唔提供拖鞋，要比€6買一對。其他方面都冇乜挑剔啦。旅遊日期：2019年12月25日 - 2020年1月1日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去西葡歎 Day1》Day1 (坐瑞士航空到巴塞隆拿,高第作品精華遊,鬥牛場改建成商場睇靚景,Casa Lolea必飲Sangria)Day2 (巴塞隆拿必遊高第神作 - 聖家堂, 參觀世界最美醫院 - 聖十字聖保羅醫院, 最華麗的加泰隆尼亞音樂宮)住宿篇 (巴塞隆拿睇到聖家堂嘅酒店 - Ayre Hotel Rosellon,超打卡嘅天台)
