～今日的行程～ 12月26日：聖家堂Sagrada Família -> 上聖家堂塔頂 -> Plaça de Gaudí -> 午：Chocolat-Box -> 聖十字聖保羅醫院 Hospital de la Santa Creu i Sant Pau -> 加泰羅尼亞音樂宮 Palau de la Música Catalana -> 巴塞羅那主教座堂 Barcelona Cathedral -> 晚：Teòric Taverna Gastronòmica -> 海洋聖母聖殿 Santa Maria del Mar, Barcelona西班牙有才華嘅建築師除左有高第，仲有Lluís Domènech i Montaner 多梅內克！我哋今日參觀完高第嘅神作 - 聖家堂，就會參觀兩個多梅內克嘅作品，想知係咩就睇落去啦！ 我地住間Ayre Hotel Rosellon酒店房可以睇到聖家堂Sagrada Família!上篇blog介紹左係酒店嘅頂樓非常打卡，下篇blog會詳細介紹間酒店房。 今日一早就起身出發行去聖家堂，我地預先係網上book左 9:00-9:15am入場參觀聖家堂，然後9:30am會上聖家堂座塔。大家可以去官網睇門票資料，我哋當時買Sagrada Familia with Towers，當時只係€30一個人。 聖家堂嘅模型。聖家堂係由西班牙加泰隆尼亞著名嘅建築家高第Antoni Gaudí設計，由1882年開始興建，但係到1926年高第過身，工程都仲未完成，之後西班牙內戰而停工，聖家堂又因戰爭受到破壞，到我同安迪參觀個刻都仲未起完，不過聖家堂預計會係2026年，即係高第逝世一百週年終於會起完。另外，高第係安葬於聖家堂嘅地下室。 佢成層嘅裝修都好有氣派。 聖家堂係1984年被聯合國教科文組織列入世界遺產名錄。 高第用咗《聖經》入面各個場景呈現係建築上面。 呢個應該就係耶穌出世之後，東方三博士朝拜耶穌嘅畫面。 聖家堂有三個立面façades，東面係誕生立面，西面係受難立面，南面係榮耀立面，我面前應該就係誕生立面啦。 欣賞完聖家堂嘅外部建築，我地就入去參觀啦。 一入去教堂入面，就會感覺到裡面嘅設計同其他歐洲興建嘅教堂好唔同，好有高第獨特嘅風格。 用左好多條柱。 一條柱嘅頂部又會分拆開4條柱。 再高啲嘅頂部又會再分拆開4條柱。 好似樹木咁有好多分支。 中央嘅拱頂高達45米，樓底非常之高。 影個360度比大家睇下啦，由於片太長要分開兩part。 當時係被聖家堂驚艷到！係目前為止去過最靚嘅教堂。 之後我哋就上去聖家堂塔頂啦。唔似之前我哋上科隆大教堂塔頂，聖家堂有得搭電梯上塔頂!我哋當時上網買飛係有得揀上邊一個塔頂，有Nativity Facade 誕生立面同埋Passion Facade受難立面，見網民推薦上午揀Passion Facade受難立面，而下午就揀Nativity Facade 誕生立面。所以我哋就揀咗向東嘅Passion Facade受難立面啦。 係塔頂望出去啲樓都好矮。 聖家堂總共有十八個尖塔。呢個較低嘅尖塔上係一個盛著葡萄串的聖杯，代表聖餐禮。 望上去就有高啲嘅尖塔。 巴塞隆拿嘅城市景都好靚。 不敢想像我哋係聖家堂嘅塔頂上面。 聖家堂當時都仲興建緊，聖母瑪利亞同耶穌基督嘅尖塔將會係2025年同2026年完工。 上聖家堂塔頂就有得搭電梯啦，落去就要行樓梯啦！ 條樓梯非常之窄，好難行。 切勿模仿，我拗住腰咁影條樓梯XD。 參觀完聖家堂，我哋就去咗聖家堂前面嘅公園Plaça de Gaudí影相。 呢個公園影聖家堂係非常靚。 當然唔少得影返張合照啦。 大家覺得我著褸定唔著褸好睇呢？ 大概影咗100張相我哋先捨得走。 行行吓覺得肚餓，我哋就入去間朱古力店Chocolat-Box食午餐。地址：Av. de Gaudí, 32, L'Eixample, 08025 Barcelona Day2又食西班牙油炸鬼churro!呢個朱古力同churro set €4.1。 呢杯應該係mocha。 餐廳送咗兩粒朱古力比我哋試，好好食！ 呢個係galette咸嘅法國可麗餅。 呢個係crêpe甜嘅法國可麗餅。飲品＋galette＋crêpe嘅set €8.5。 我哋下一站就行去聖十字聖保羅醫院 Hospital de la Santa Creu i Sant Pau。聖十字聖保羅醫院係由加泰隆尼亞現代主義建築師Lluís Domènech i Montaner多梅內克設計。雖然Lluís Domènech i Montaner無高第咁出名，但佢嘅設計都有強烈個人風格。 聖十字聖保羅醫院係1930年建成，係1997年被聯合國教科文組織列入世界遺產名錄。 上個張係入去個陣影，呢張係走個陣影，烏雲走左，太陽出咗黎，張相靚好多。 呢個聖十字聖保羅醫院嘅門口，我覺得好似啲大學學院咁靚。大家可以上官網買聖十字聖保羅醫院嘅門票，當時唔知點樣有7折，門票只係€10.5一個人。 聖十字聖保羅醫院嘅模型，係咪似一間大學多過似醫院呢？ 黎個360度比大家睇下入面嘅環境啦。 呢度好多座建築物，每座都建築都好適合影相。 呢度有棵橙樹，樹上結哂果實，好靚呀。 當時嘅病人係呢間咁靚嘅醫院醫病，都會覺得心曠神怡呀。 舊烏雲飛走咗，天氣好咗好多，爭取時間影多啲相先。 我覺得呢度靚到好似皇宮咁樣。 病房好簡陋，但都好有空間感。 醫院仲種左薰衣草，當時仲開左花，好靚呀。 我覺得聖十字聖保羅醫院最打卡就係呢條迴廊，天公造美，呢個時候陽光射落黎真係好靚。 呢度可以俯瞰聖十字聖保羅醫院內園。 聖十字聖保羅醫院係我去過最靚嘅醫院！ 粉紅色圓拱形天花板都好靚。 參觀完多梅內克設計嘅啲聖十字聖保羅醫院，我哋就參觀埋佢另一個作品加泰羅尼亞音樂宮Palau de la Música Catalana。 加泰隆尼亞音樂宮係1908年建成，係1997年被聯合國教科文組織列入世界遺產名錄。 我哋join咗Guided Tour，會有人帶住一group人參觀個音樂宮，當時嘅價錢係€20一個人。大家可以上官網睇最新嘅門票資料， 我哋出發去參觀音樂廳啦。 樓梯嘅雕刻十分之華麗呀。 一入到黎就比呢個音樂廳嘅設計震撼咗。 天花板嘅彩色玻璃天窗好誇張。 非常之華麗嘅設計。(之後上上層影架) 側邊係啲包廂位。 音樂廳外面有個露台，啲柱都係馬賽克，色彩繽紛，好靚。 枱頭望上去，個頂頂都有馬賽克，真係每一個角落都設計得好靚。 之後就黎左音樂廳嘅最上層，俯瞰表演台。 係我暫時參觀過最靚嘅音樂宮。 參觀完音樂宮就周圍行下，呢間美術用品店Raima個門口好靚。 之後就黎到巴塞羅那主教座堂 Barcelona Cathedral，呢個教堂係1298年動工，1913年先至建成。 我哋只係係門口度影相，冇入到去。 晚上我哋黎咗呢間Teòric Taverna Gastronòmica，係食傳統嘅加泰羅尼亞菜。地址：Carrer de Bailèn, 117, L'Eixample, 08009 Barcelona 間餐廳嘅情調都幾好。呢個建築物係中世紀嘅時候係馬棚黎，比村莊黎巴塞隆納賣嘢嘅商人去停泊驢仔同馬。 天氣幾凍下就叫咗杯mulled wine香料酒暖下，€3.5，我哋叫咗一人一杯。 仲試埋巴塞隆拿嘅手工啤Espiga，呢隻係Blonde Ale，€4.4。 左面係Green salad with marinated octopus with baby potatoes，€8.8，旅行一定要叫沙律食，呢個係醃八爪魚沙律。右面係Platter of Iberian Paletilla cured ham，半份€9.9，(From Huela, southern Spain. Aged 24 months)黎西班牙緊係要食伊比利亞火腿啦，呢個係風乾咗24個月。 "TA TA TA" savoury tarte tatin with foie gras mi-cuit and red wine marine salt，€9.5。呢個係反轉蘋果撻，上面有半熟鵝肝同紅酒海鹽。 "Botifarra" Catalan pork sausage，€11.9，加泰隆尼亞嘅豬肉香腸。今晚總共食咗€51.5。 食完嘢就行下街，去咗呢間西班牙牌子Toni Pons，最出名就係手造嘅草織鞋espadrilles。 最後係Toni Pons買咗對草織鞋，仲去Carrefour Express買左啲零食飲品。 著上腳幾靚，不過好難行，好驚成日甩鞋，所以我都好少著。 行行下經過海洋聖母聖殿 Santa Maria del Mar, Barcelona，我哋就入去參觀下啦。 呢個教堂係1384年建成。海洋聖母聖殿雖然冇今朝參觀嘅聖家堂咁震撼，但都係一個宏偉嘅教堂。 建築風格係屬於加泰隆尼亞哥德式建築。 教堂嘅模型。今日去咗好多景點，聽日我哋就暫時離開西班牙，出發去葡萄牙啦。旅遊日期：2019年12月25日 - 2020年1月1日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去西葡歎 Day1》Day1 (坐瑞士航空到巴塞隆拿,高第作品精華遊,鬥牛場改建成商場睇靚景,Casa Lolea必飲Sangria)Day2 (巴塞隆拿必遊高第神作 - 聖家堂, 參觀世界最美醫院 - 聖十字聖保羅醫院, 最華麗的加泰隆尼亞音樂宮)
