話說我哋1月去咗清邁,成個trip 9日咁長,就順便去埋寮國Laos嘅龍坡邦 Luang Prabang快閃3日2夜。寮國 aka老撾係有網上簽證(e-Visa)俾香港特區護照申請,申請過程都幾方便。注:BNO係冇得申請網上簽證(e-Visa),要自己去領事館搞。首先上寮國官方網上簽證的網站:https://www.laoevisa.gov.la/index。 見到呢個畫面就撳"Apply Now"。 入你嘅電郵同埋打驗證碼。 跟住去你嘅郵箱度拎驗證碼,然後打落去。 之後揀"Ordinary/普通護照"。 (按圖放大)黎到呢個畫面就要填你既個人資料同埋旅行資料。 確認所有資料正確就撳"Continue"。 如果你想幫人整埋簽證,就可以撳"Add More People"去填佢嘅資料。 安迪就幫我整埋簽證,所以呢度就有兩個人嘅資料。如果冇問題就揀信用卡,然後撳"Process To Checkout"。每張簽證係要俾USD$50+USD$1.75手續費㗎。 (按圖放大)填埋信用卡資料就可以俾錢啦。 見到呢一幕之後會收到電郵確認收到錢。 仲會收到呢封確認收到你嘅簽證申請嘅電郵,上面有申請編號。之後可以去返官網度check簽證嘅批核狀況:https://www.laoevisa.gov.la/index。 呢度入返申請編號、護照號碼同埋打返個驗證碼,然後撳"Check"就可以睇簽證批咗未。 當時我哋係夜晚11點整,第二日嘅下午4點就收到簽證成功嘅email喇。封電郵會有eVisa嘅PDF,亦都可以上返官網度去Download。記得旅行前要print張eVisa出黎呀,黑白或彩色打印都可以架。後記:除咗eVisa之外,去寮國都可以申請落地簽證,但當時入境寮國嘅時候,發現申請落地簽證條龍都好長架,而eVisa條隊就快好多,得幾個人排,關員望兩眼,係passport度給印仔,然後對鏡頭影張相就過咗關啦,大家想快快手過關就旅行前申請定eVisa啦。 =========================覺得呢篇blog幫到你,記得like Facebook Page https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/收到個blog的最新update!=========================