～今日的行程～ 9月22日：早：Hong Lim Food Centre 芳林巴剎與熟食中心 -> Peranakan Houses -> 午：Maxwell Food Centre -> 下午茶：328加東叻沙 328 Katong Laksa -> Jewel 星耀樟宜 -> 樟宜機場 -> 新加坡BLOSSOM - SATS & Plaza Premium Lounge今日係快閃新加坡嘅最後一日啦，我哋爭取剩返嘅時間去食嘢，首先去hawker centre熟食中心食早餐！ 我哋搭巴士黎咗牛車水站，然後行去芳林巴剎與熟食中心嘅途中，見到呢座非常綠化嘅建築物，原來係PARKROYAL COLLECTION Pickering酒店黎架。 終於到Hong Lim Food Centre 芳林巴剎與熟食中心啦，外表好似普通嘅工業大廈咁，同老巴剎美食廣場好唔同。 入面嘅設計就係好典型嘅熟食中心咁，有好多食檔，買完就拎返位度食。 我就對呢間亞王咖喱雞米粉麵有興趣，佢仲上咗米芝蓮指南添。 我就叫左碗咖喱雞米粉，SGD$5。 安迪就對呢間基記麵家有興趣。 安迪就叫左招牌叉燒雲吞麵，SGD$4.5，佢就揀左乾撈，所以就會有碗湯。 然後係呢檔度叫咗杯酸梅水，SGD$1.5。 食完嘢我哋就去咗加東 Katong打卡影下相啦。呢度係Peranakan Houses峇峇娘惹屋，峇峇娘惹係指中國移民同東南亞原住民通婚嘅混血後裔， 男性會叫做峇峇，而女性就會叫娘惹。 呢啲柔和色彩嘅建築喺20世紀20年代興建，曾經係峇峇娘惹嘅住屋，都係下舖上居嘅設計。 落咗filter之後就靚好多啦。 呢啲娘惹屋雖然有百年歷史，但個外表都仲keep得好好，吸引咗好多遊客黎打卡。 大家黎加東食嘢都可以順便黎呢度打卡！ 之後我哋就黎左牛車水嘅Maxwell Food Centre。 每次黎新加坡都會食天天海南雞飯！暫時新加坡食過嘅Chatterbox、津津同天天黎講，我覺得天天嘅海南雞飯係最好食。 我哋唔係好肚餓，所以就叫左細雞飯，SGD$3.5，佢地嘅雞係好滑！ 仲喺呢間麥士威 Maxwell度買嘢飲。 買左個椰青，SGD$3。食完之後我哋就返酒店拎行李出機場！ 頭先喺Peranakan Houses經過328加東叻沙，心思思想試埋呢間叻沙，既然去機場都會經過加東，所以我哋就決定食埋328加東叻沙 328 Katong Laksa先去機場！地址：216 East Coast Road, Singapore 入面唔算好大間，好彩呢個鐘數冇乜人食，唔洗排隊。 牆上面又係貼左好多明星黎328加東叻沙食嘢嘅相。 叫左兩碗細叻沙，SGD$5.5一碗，青檸汁，SGD$2.2，計埋7%稅之後總共係SGD$13.2。 去機場check in 之前，必黎機場T1隔離嘅Jewel星耀樟宜，係2019年4月先開的打卡景點，詳細介紹睇呢篇新加坡新地標 - Jewel 星耀樟宜＋全世界機場內最高的瀡滑梯啦。 仲去左T3度玩全世界機場入面最高的瀡滑梯添！新加坡新地標 - Jewel 星耀樟宜＋全世界機場內最高的瀡滑梯入面有第一身視角影片！ 行完星耀樟宜終於黎機場嘅T4啦，寄行李前，首先黎GST Refund嘅機度整refund先！ 然後過左海關之後，就黎GST Cash Refund度拎退稅啦。 之後就行下街，呢度啲鋪頭都係免稅，平過出面架。 我好鍾意食TWG嘅Macaron，臨上機就緊係買返啲啦。 其實香港嘅TWG都有Macaron賣，但係新加坡買就平啲，機場入面仲要免稅添。 我哋買左12粒Macaron，SGD$1.87一粒。 仲買左盒Singapore Breakfast Tea茶包，SGD$23.36。 Bengawan Solo又係我黎新加坡機場必買嘅。 佢地嘅班蘭蛋糕係好出名架，仲有好多糕點賣添。 我就買咗Pandan Cheese Roll 班蘭芝士卷，SGD$9.5，入而啲芝士好濃，超正！Lemper Udang，SGD$1.6，係峇峇娘惹嘅糕點黎架，係將糯米飯包住蝦米，然後用班蘭葉包住。Lapis Sagu without Egg 九層糕，SGD$1.2，係香港嘅印尼鋪都成日見，係用薯粉加班蘭葉嘅汁整成糕點。 行完街就黎左Plaza Premium Lounge，BLOSSOM - SATS & Plaza Premium Lounge (International Departures, Terminal 4) Singapore Changi Airport (SIN)係樟宜機場入面嘅環亞貴賓室。地址：Level 2 Mezzanine, Departure/Transit Lounge, Terminal 4, Singapore Changi Airport 入口係咁嘅，當時冇乜人，唔洗排隊入去。 入面嘅設計都同香港相似。 呢度放左啲酒同果汁。 呢度係沙律bar。 新加坡冇魚蛋粉，但有得叫Vegetarian noodles、Singapore Laksa叻沙同Black glutinous rice黑糯米飯。 熟食區。 雪櫃飲品，可惜同香港一樣都係冇支裝水拎。 有汽水機。 我就拎左啲甜品食。 安迪叫左叻沙。 發現樟宜機場入面有機打。 係街機黎架。 黎新加坡轉機都可以黎呢度打下機。 可惜我地就黎上機，唔係就玩多陣先呀。 我地終於上機啦，今晚搭國泰8:10pm機返香港，機型係Boeing 777-300。 座位上面有頭枕幾舒服。 飛到上空之後，空中服務員派咗花生同飲品。 之後就食飛機餐啦，我呢個係雞飯，有餐包、生果、水同橙汁。 安迪個主菜係魚長通粉。3日快閃之旅話咁快就完結啦，下篇blog會介紹我地住咗兩晚嘅Royal Plaza on Scotts Singapore！旅遊日期：2019年9月20日 - 2019年9月22日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《快閃新加坡》Day1 (《我的超豪男友》拍攝場地,食盡海南雞飯,肉骨茶,辣椒蟹!)Day2 (聖淘沙玩電動代步車Segway,Universal Studio Singapore,食文華海南雞飯)Day3 (打卡彩色娘惹屋,去熟食中心食好西)新加坡新地標 - Jewel 星耀樟宜＋全世界機場內最高的瀡滑梯《去新加坡嘆》去新加坡嘆 之 Day1a (樟宜機場,電話卡,兌錢)去新加坡嘆 之 Day1b (聖淘沙,環球影城,Vivo City)去新加坡嘆 之 Day2 (金沙購物中心,ION Orchard,牛車水,Maxwell Food Centre)去新加坡嘆 之 Day3 (Merlion,牛車水寄明信片,Garden by the Bay,機場shopping)去新加坡嘆 之 住宿篇 (Marina Bay Sands,無邊際泳池)去新加坡嘆 之 住宿篇 (Ritz-carlton Millenia)《西歐五國星馬畢業遊》行程篇 (27日景點行程分享,機票資料)Day21 (點係香港機場hea遊4個鐘,新加坡酒店篇,Fragrance Hotel - Crystal)Day22 (新加坡酒店篇,Four Seasons Hotel Singapore,Grandma's新加坡菜,三巡海南雞)Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點)Day24 (新加坡,Garden by the Bay,天天海南雞飯,小印度,哈芝巷)Day25 (樟宜機場退稅,馬印航空去吉隆坡,亞羅街,Shangri-La酒店分享)Day26 (Berjaya Times Square室內樂園,雙子塔,新峰肉骨茶)Day27 (吉隆坡影相打卡必去Kuala Lumpur City Gallery,茨廠街,保記沙河粉)Day28 (吉隆坡馬印航空番香港,退稅,吉隆坡Plaza Premium Lounge)
