～今日的行程～ 9月21日：早：Royal Plaza on Scotts Singapore Buffet -> 早：Ya Kun Kaya Toast 亞坤 -> Sentosa 聖淘沙 -> Universal Studio Singapore 新加坡環球影城 -> Segway Eco Adventure -> FairPrice Xtra超級市場 -> 晚：ChatterBox我哋今日會去Sentosa聖淘沙玩，次次去新加坡都會去Sentosa玩呀。 我哋住Royal Plaza on Scotts Singapore包左早餐，所以我地係酒店食左個早餐先出發。 我哋好似上次西歐五國星馬畢業遊咁搭地鐵去Harbourfront 站，個度有個商場叫做 Vivo City，Vivo City的B2有好多餐廳，我哋同樣黎咗Ya Kun Kaya Toast 亞坤食早餐，地址：B2-26, Vivocity, Singapore 當時嘅menu，我哋已經係酒店食左早餐，又黎咗亞坤食早餐啦，真係肥呀。 我哋叫左Set A，SGD$4.8，有咖央牛油多士、兩隻半熟水煮蛋同中杯熱咖啡/奶茶，我哋升級左大杯凍美祿，要額外加SGD$2，另外，仲叫左咖央花生醬多士，SGD$2.4，總共SGD$9.2。個半熟水煮蛋係加鼓油＆胡椒粉，然後撈勻黎食架。 食完嘢，我哋就上Vivo City的3樓搭Sentosa Express入聖淘沙！搭Sentosa Express係要買飛架。(由2023年4月1開始，可以用EZ-link(新加坡八達通), Mastercard, Visa, AMEX搭Sentosa Express啦) 我哋出發去Sentosa啦。 張飛每人SGD$4，包左聖淘沙的入場費以及可以無限次搭Sentosa Express。Sentosa Express有4個站，分別係VivoCity -> Resorts World -> Imbiah -> Beach。 我地首先由VivoCity搭去Resorts World去Universal Studio Singapore環球影城。 黎Universal Studio嘅指定動作！就係要係門口個地球影相啦。今次係我地第二次入黎USS玩！ 我哋第一個玩嘅係Madagascar: A Crate Adventure，以荒失失奇兵為主題嘅遊船河遊戲，原來佢之後係2022年3月就關閉咗啦。 之後就去Far Far Away區玩Shrek 4-D Adventure，係史力加嘅4D電影體驗。 跟住就玩Puss In Boots' Giant Journey，係以無敵貓劍俠為主題嘅BB版機動遊戲。 之後就去左The Lost World區玩Canopy Flyer，可以鳥瞰成個侏羅紀公園嘅機動遊戲。 跟住就去左Ancient Egypt區，呢個係USS必玩嘅Revenge of the Mummy: The Ride，上次黎玩咗覺得好正，所以今次都要玩呀。 佢係室內的過山車，有急速轉彎，失驚無神快速向後行，又有4D元素，e.g.火球場景 會覺得好熱，十分刺激。 跟住就黎左Sci-Fi City區，TRANSFORMERS The Ride: The Ultimate 3D Battle又係USS必玩嘅，唔單止係戴住副3D眼鏡睇戲咁簡單，你個座位係不斷地郁，升高升低，不同角度，有快有慢，仿如置身於電影入面，非常緊張刺激 USS最突出就係呢個Battlestar Galactica: HUMAN vs. CYLON過山車，上次黎個陣呢個過山車壞左冇得玩，今次終於玩到啦！ 呢度其實有兩個過山車組成，紅色個邊叫做Human，藍色個邊叫Cylon，Cylon係刺激過Human，因為係倒後咁行，而且係隻腳係冇野搭住，凌空架。 咁岩遇到MINIONS表演。 USS6點就會關架啦，臨完場我地就影下相。 好耐冇試過去主題樂園唔洗點排隊，今次黎USS覺得好舒服呀。 之後我就想玩Segway電動代步車，所以就黎左Gogreen Eco Adventure嘅counter度睇下有冇得玩啦！好好彩下一個timeslot仲有位比我哋參加！ Segway係2012年係外國好hit，可惜香港係玩唔到，隔左咁多年，終於可以係新加坡度玩Segway啦。 Segway對我黎講比想像中難控制，上/落斜路嘅時候好難平衡，有一次唔小心撞到個人添，好彩個人冇乜野事。成個Segway Aventure歷時30分鐘，大部分時間都係好似gif咁嘅平路，所以都唔洗太擔心。 玩完Segway有啲熱，就係呢間Gelatissimo買雪糕食，Gelatissimo係澳洲嘅雪糕店，可惜我電話啲相冇哂，冇雪糕相睇。地址：53 Siloso Beach Walk, Singapore 099012 食完雪糕又想飲嘢，係7仔竟然見到有蘭芳園嘅奶茶賣！我哋就梗係冇買啦，去香港間蘭芳園飲唔好? 之後我哋就離開Sentoa，返咗Vivo City度行下，見到呢間FairPrice Xtra當然又入去買手信啦。地址：1 HarbourFront Walk, #01-23 & #B2-23, 1 HarbourFront Walk, #B2-23 VivoCity, Singapore 098585 由於Day1係牛車水間FairPrice都買左好多，今次係呢間Xtra買左少少嘢，左上係F.EAST嘅Singapore Laksa Potato Chips，SGD$2.95，左下係Snack'em by Gardenia嘅Lentil Chips，Parmesan Cheese味，SGD$2.8，右面個兩包係馬來西亞牌子myEureka嘅爆谷，去馬來西亞必買嘅爆谷，買左Savoury Cheese同埋Golden Salted Egg味，SGD$3.5一包。 搭地鐵個陣見到有新加坡警察嘅廣告，原來新加坡警察嘅制服會繡上警員個名。 夜晚我地就黎左Chatterbox，呢間餐廳係Hilton Singapore Orchard 新加坡烏節希爾頓酒店嘅5樓，(間酒店22年2月先改名做Hilton Singapore Orchard，之前係叫Mandarin Orchard Singapore)最出名就係食海南雞飯啦，Chatterbox係19年9月都黎左香港開分店。地址：333 Orchard Road Mandarin Orchard Singapore Level 5, Hilton Singapore Orchard 首先黎就咗Chatterbox Lobster Laksa 龍蝦叻沙，SGD$38，本身係平民菜式嘅叻沙配埋龍蝦就高級左好多，上餐嘅時候有埋圍裙好貼心呀。個龍蝦好好味 多龍蝦肉 我嘅食相有啲衰，著左圍裙係咁樣嘅。 主角Mandarin Chicken Rice文華雞飯終於到啦，SGD$27，我覺得佢個油飯好食過津津餐室，佢比較乾身，味道濃啲，但雞胸肉就比較鞋。我叫左杯Barley Water Cold凍薏米水，SGD$9，安迪叫左杯Soursop Juice刺果番荔枝汁，SGD$10，味道酸，杰杰地，幾好飲。 我地仲叫左碟小食Rojak羅惹，SGD$17，係源自印尼爪哇島嘅一種沙律黎嘅，係印尼、馬來西亞同新加坡都好流行。入面有青瓜、菠蘿、蘋果等，然後加上甜蝦醬同花生碎。成餐加埋服務費同稅之後，總共食左SGD$118.9。聽日就係我地快閃新加坡最後一日啦。旅遊日期：2019年9月20日 - 2019年9月22日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《快閃新加坡》Day1 (《我的超豪男友》拍攝場地,食盡海南雞飯,肉骨茶,辣椒蟹!)新加坡新地標 - Jewel 星耀樟宜＋全世界機場內最高的瀡滑梯《去新加坡嘆》去新加坡嘆 之 Day1a (樟宜機場,電話卡,兌錢)去新加坡嘆 之 Day1b (聖淘沙,環球影城,Vivo City)去新加坡嘆 之 Day2 (金沙購物中心,ION Orchard,牛車水,Maxwell Food Centre)去新加坡嘆 之 Day3 (Merlion,牛車水寄明信片,Garden by the Bay,機場shopping)去新加坡嘆 之 住宿篇 (Marina Bay Sands,無邊際泳池)去新加坡嘆 之 住宿篇 (Ritz-carlton Millenia)《西歐五國星馬畢業遊》行程篇 (27日景點行程分享,機票資料)Day21 (點係香港機場hea遊4個鐘,新加坡酒店篇,Fragrance Hotel - Crystal)Day22 (新加坡酒店篇,Four Seasons Hotel Singapore,Grandma's新加坡菜,三巡海南雞)Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點)Day24 (新加坡,Garden by the Bay,天天海南雞飯,小印度,哈芝巷)Day25 (樟宜機場退稅,馬印航空去吉隆坡,亞羅街,Shangri-La酒店分享)Day26 (Berjaya Times Square室內樂園,雙子塔,新峰肉骨茶)Day27 (吉隆坡影相打卡必去Kuala Lumpur City Gallery,茨廠街,保記沙河粉)Day28 (吉隆坡馬印航空番香港,退稅,吉隆坡Plaza Premium Lounge)
