~今日的行程~5月19日:早:Aux Gaufres de Bruxelles -> 布魯塞爾機場 -> The Suite by Brussels Airlines -> 香港機場 我地一陣會搭1:10pm機返香港,姐係10:00am就要check out出發去機場啦!我地於是晨早起身,8點9就出去食個比利時最後早餐啦。 比利時嘅早餐就緊係食窩夫啦!Aux Gaufres de Bruxelles地址:Rue du Marche aux Herbes 113, Brussels 1000 Belgium 呢間餐廳嘅座位都幾好坐。 間餐廳有兩層,我地被安排左係樓梯底嘅位置。 左面個杯係安迪嘅coffee latte,€3.5,右面個杯係cappuccino,€3.5,兩杯咖啡都有塊餅仔。 呢度有classic襯好左嘅窩夫,或者自訂窩夫,我地就緊係自訂窩夫啦,想食咩配料就揀咩。 比利時有兩款窩夫架,分別係Brussels waffle同埋Liege waffle,我就揀左Liege waffle列日窩夫,€3.50,係比利時列日市起源嘅窩夫,比另一款窩夫軟身啲,入面有珍珠糖,口感煙韌,我鍾意列日窩夫!雪糕係Movenpick嘅,我揀左開心果味,€1.90,而toppings就揀左比利時朱古力,€1.50。 安迪就揀左Brussels waffle 布魯塞爾窩夫,€5.10,佢就會比較鬆脆,面頭會有一層糖霜,入口即溶。安迪揀左香蕉雪糕,€1.90,toppings佢揀左3樣咁多,真係肥!分別有比利時朱古力,€1.50,士多啤梨,€2.00,香緹鮮忌廉,€1.50。 食完早餐,我地又黎左Day 6都行過嘅Galeries Royales Saint-Hubert 聖休伯特拱廊街,個日係呢間Neuhaus買左啲手信! 趁朝早冇乜人就影張相先。 琴日係一年一度比利時嘅LGBT Pride Parade,但係我地去左德國科隆睇唔到個盛況,估唔到今日仲見到一街都係琴日巡遊留低嘅垃圾!之後我地就返酒店拎行李,然後搭火車去機場啦,車費係€8.90。 托運行李之前,我地就去Customs - Douane - Zoll搞退稅VAT refund先!Douane係法文同荷蘭文、Zoll係德文海關嘅意思。 退稅第一步就係吸海關印先啦。 吸海關印之前記得準備以下4樣嘢:護照機票/航班資料退稅form/購買單據退稅產品!注意!冇退稅產品就冇海關印架啦,所以記得退好哂稅,先至pack件產品落喼度。 吸完海關印就可以係格離嘅Tax refund度拎錢啦! 退完稅就可以黎check in寄存行李啦!我地去程係搭英國航空 (British Airways)嘅Business Class商務艙,而回程就係搭國泰航空 (Cathay Pacific) aka因航嘅Business Class!張機票都係用Asia Miles換,同《去澳洲玩》一齊出嘅 OneWorld機票,想知我地當時嘅OneWorld機票兌換心得,可以睇呢個post。 排隊出境過關啦。 呢度可以睇到停機坪架。 入左禁區之後就有好多duty free嘅手信賣,大家可以係呢度做最後衝刺!有大量比利時嘅朱古力賣。 連比利時啤酒都有賣呀。 Day6介紹過嘅Trappist beer修道院啤酒都有得賣,一次過試哂三間修道院出嘅啤酒! 呢度仲有比利時牌子Delvaux嘅袋仔賣! 呢度竟然放左一大舊The Smurfs 藍精靈,藍精靈係比利時漫畫家Peyo係1958年創作嘅一部漫畫。 係免稅店買左呢隻比利時牌子Jules Destrooper嘅Special Occasion Set,€13.00,入面有4款餅,分別係Butter Crisps、Almond Thins、Chocolate Virtuoso、Cashew Nut Thins。 仲買左Chloé嘅Nomade Eau De Parfum香水set,€82.30,有支75ML同20ML嘅香水,仲送左個Chloé嘅clutch袋仔添,好抵買。 行完街我地就去lounge度食下野啦。 由於我地搭國泰嘅Business,所以就可以黎呢間The Suite by Brussels Airlines。(由於疫情而家暫時關閉)位置:Terminal B, Non-Schengen (Inside Security). Pier B, at the end of the lounge corridor 呢個lounge有好大個落地玻璃,令自然光照射入黎,有種乾淨舒服嘅感覺。 可以睇到停機坪添,呢架應該就係我地一陣上嘅機啦。 影下當時有咩食啦,呢度係沙律。 呢度有麵包、火腿、芝士。 有果醬同牛角包。 熱葷有兩盤。 有飯同長通粉。 有支裝水拎! 有酒同汽水。 比利時牌子Rombouts出嘅茶MAJES-T。 呢度有Leffe啤酒飲,佢只係修道院風格啤酒Abby Beer,而唔係Trappist beer。 乾個杯先啦。 飲飽食醉之後,我地就登機啦。 呢班機係A350-900。 當時係第一次坐新的機上娛樂system嘅機,個mon比上一次搭個架國泰biz大呀! 個位係咁嘅,上面放左個枕頭。 扶手有兩個掣可以調教個座位。 呢度有夜燈、控制個mon嘅遙控、控制座位嘅掣。 呢個櫃仔打開左入面有塊鏡係度,貪靚嘅你可以無時無刻照鏡啦,仲有個網袋可放下手錶。入面就掛住頭戴式耳筒,有支水同埋有過夜包。 入面有USB差電頭同三腳插。 過夜包冇分男女裝,入面有眼罩、牙膏牙刷、漱口水、耳塞、襪、澳洲牌子Jurlique出的旅行裝護手霜、日用面霜&潤唇膏。過夜包的設計都幾型格,而且幾高質。 諗定一陣食乜野先。 飲品都好多選擇呀。 今次搭國泰biz有張卡比你揀定個早餐,可以揀嘈唔嘈你起身食野。 我地認真諗諗食咩好啦。 個mon可以成個擰哂出黎。 起飛左之後空姐就問我地飲咩,安迪揀左Oriental Breeze,係無酒精嘅,用梅子汁+蔓越莓汁沖成,再加上蜜糖、檸檬汁同玫瑰水。空姐仲比左杯腰果&杏仁比我地送酒。 我就叫左Cloud Nine,由Vodka、Cointreau橙酒同雪碧沖成,再加上檸檬汁,杯邊有鹽巴。 之後空姐就幫我地開枱,然後上午餐啦,前菜有沙律、包、醉香滷水鴨伴醃蓮藕&甘筍,我仲叫左杯白酒飲。 上主菜啦,安迪揀左四川辣醬牛柳,仲有碗白飯。 我就揀左芝士釀雞卷,伴碟有薯仔。 餐後叫左杯咖啡。 甜品揀左士多啤梨香蕉慕絲伴蜜瓜&忌廉。 最後空姐仲每人派左粒朱古力。 食完午餐,空姐就熄燈比乘客休息,但係安迪竟然唔夠飽,佢叫左碗雲吞麵同可樂。 而家係俄羅斯嘅上空,仲有接近7個鐘先飛到香港。 我地唔係坐窗邊,唯有係機上個system睇機身鏡頭,望出面嘅景啦。 我躺平張床,準備訓啦。 臨降落前2個鐘就有早餐食啦。安迪揀左歐陸早餐,有生果、麵包、希臘乳酪伴Granola&芒果醬。 我就揀左西式早餐,有生果、麵包,芝士火腿奄列、茄汁焗豆、蘑菇、蕃茄。我地都係叫左杯香蕉藍莓乳酪飲。 唔係坐窗邊,我地唯有睇住機身鏡頭降落啦。旅遊日期:2019年5月11日- 2019年5月20日=========================覺得呢篇blog幫到你,記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update!=========================《西歐四國遊》出發篇 (英航商務艙初體驗,一次過去哂4間國泰貴賓室)Day1 (倫敦歎Fortnum & Mason下午茶,食米芝蓮推薦威靈頓牛扒)Day2 (去倫敦Borough Market掃街,世界上最出名嘅地址?到達荷蘭阿姆斯特丹)倫敦住宿篇 (交通勁方便嘅時尚酒店 - Pullman London St Pancras)Day3 (荷蘭阿姆斯特丹,童話般嘅羊角村,走入紅燈區,去咖啡店食大麻?)Day4 (荷蘭阿姆斯特丹近郊勁靚Zaanse Schans風車村,初試Space Cake大麻蛋糕)Day5 (教大家點食荷蘭國民美食Herring,又飲又玩嘅喜力博物館,食迷幻松露注意事項!)Day6 (捉住荷蘭嘅鬱金香尾巴,去比利時睇尿尿小童,必食青口)阿姆斯特丹住宿篇 (地點優越,時裝主題酒店Hotel The Exchange)Day7 (布魯塞爾即日來回德國科隆,同閨蜜遊香水發源地,行左一千層樓梯!)Day8 (比利時原來有兩種窩夫?布魯塞爾機場,國泰商務艙)布魯塞爾住宿篇 (Hilton Brussels Grand Place,有靚靚雲石浴室)