～今日的行程～ 5月11日：九龍站check in -> 香港機場 -> The Wing 寰宇堂 -> The Deck 玲瓏堂 -> The Bridge 逸連堂-> The Pier 玉衡堂 -> 倫敦希斯路機場 Heathrow Airport今次歐遊會搭英國航空 (British Airways)去倫敦，我地又係會搭Business Class商務艙，再次興奮！張機票都係用Asia Miles換，同《去澳洲玩》一齊出嘅 OneWorld機票，想知我地當時嘅OneWorld機票兌換心得，可以睇呢個post。8日半嘅旅程，我地會途經英國、荷蘭、比利時、德國四個國家。 我地今晚會搭11:45pm機，British Airways的登機櫃台係航班起飛前3個鐘先開(姐係約8:45pm開)，我地想早d入機場貴賓室度食個晚餐、沖個涼先，所以就黎左九龍站試下免費市區預辦登機服務。(可惜而家疫情期間呢個服務暫停左) 原來九龍站的BA櫃檯係起飛個日的凌晨5點就可以去check in架啦，我地就5:00pm黎左check in。注意！要搭機場快綫先可以用免費市區預辦登機服務架，除左九龍站，香港站都可以預辦登機架。 寄存左行李之後，我地就兩手fing fing咁搭機場快綫去機場。 我地都好耐冇搭過機場快綫，對上一次應該係2015年嘅《去新加坡歎》。發現張櫈有得較speaker大細聲！ 我地今次咁早去九龍站check in，就係為左去哂國泰4間貴賓室！ 我地第一間黎左寰宇堂 The Wing，位置：離境大堂6樓鄰近1號至4號登機閘口。 下面個層主要係休息區，所以我地就上上層睇下有咩食啦。 呢個lounge除左有自助野食之外，仲有「風味坊」，姐係即叫，姐姐即煮的麵食。 呢度仲有個咖啡閣，可以叫咖啡、有甜點、雪糕食。 我就拎左少少野食，留肚食下一間！ 下一間我地去嘅係玲瓏堂 The Deck， 位置：離境大堂7樓鄰近16號登機閘口。 呢間感覺好warm好cozy。 呢間lounge都有「風味坊」，除左麵之外，仲有點心叫添。 當然都有自助區啦。 呢度有d 英國牌子Jing嘅茶包，有9隻味咁多。 呢度仲有酒飲添。 竟然有Hong Kong Beer Co.出的本地啤，有Hong Kong Beer - Amber Ale 同埋Dragon's Back - Pale Ale兩款，仲拎左我地覺得風味坊最正嘅擔擔麵，順便拎埋雲吞麵試下，始終擔擔麵都係最正。 下一站就黎左逸連堂 The Bridge，位置：西客運廊5樓近35號登機閘口及捷運列車。 個lounge就係電梯落去啦。 個reception好大呀，The Bridge分咁左右兩邊，我地行去左邊睇睇先。 呢度有啲自助野食拎。 行入啲有電腦、printer，岩哂啦，我地仲有啲旅行野未print出黎。 盡頭有個好似cafe咁嘅咖啡閣。 仲有個好大的休息食野區域。 我地就叫左mojito、雪糕，仲拎左brownie同葡撻食。 之後我地仲去埋The Bridge嘅另一邊睇下，呢邊人流多啲，都係有自助野食。 呢度仲有bar枱叫下酒飲，仲有d佐酒小食。 我拎左蝦多士同墨西哥脆片食。 最後一站 - 玉衡堂 The Pier， 位置：離境大堂6樓鄰近65號閘口。我地上次《去澳洲玩》都有黎The Pier，所以今次就冇乜點影到相。 安迪又叫左碗擔擔麵食啦，仲拎左啤酒、果汁、小食，真係飽住咁上機。 臨上機前我地係The Pier沖個涼先。 同上次黎The Pier一樣，都係用左Aesop的產品，呢個blog詳細講左有咩Aesop的產品提供&風筒的牌子。 呢個係淋浴的位置，沖涼用品都係Aesop架。 馬桶的位置。The Pier係國泰4間貴賓室之中，我地最鐘意嘅一間，首先佢係最大嘅lounge，食物總類都係最多，鐘意食嘢嘅人唔好錯過，最特別係有「茗茶坊」，可以沖壺茶慢慢飲。如果想要一個chill啲嘅休息空間可以揀The Deck，有時間就緊係好似我哋咁4間去晒啦！ 行勻哂4個lounges，我地都差唔多夠鐘上機啦，6號閘口，應該第一次係咁前number的閘口登機。 英國航空的business class比國泰航空同澳洲航空細好多，窗邊有兩個座位，兩個座位係對住坐架。我都後悔冇揀到窗邊兩個位，最後我地揀左坐中間。 中間有4個座位，中間個兩個位平排坐，最外兩個座位係相反方向。左邊兩個座位係互相對望，右面兩個座位又係互相對望，所以我地冇揀到相中平排個兩個位，而係揀左對望相反方向的兩個座位。 呢個角度就影到相反咗方向的座位啦。 我揀左走廊位坐，安迪就同其他乘客平排坐，我地兩個座位係對望住架，如果坐住個陌生人，都真係幾尷尬。 腳下嘅櫃桶仔放左耳筒。 空姐派左支水同過夜包，過夜包係英國牌子The White Company出架，個袋仔係假皮，好靚呀。 床鋪都係The White Company出嘅。 過夜包冇分男女，入面有牙刷、牙膏、眼罩、襪、耳塞、仲有The White Company嘅護膚品，有Luxury Lip Balm、Gentle Moisturiser、Pulse Point。 BA的座位的長度都足夠，但就唔夠闊。起飛前，空姐比左杯酒我地飲。 今晚嘅晚餐，有頭盤、沙律、主菜、甜品。 Menu除左可以睇定一陣晚餐食咩之後，佢仲有張紙可以揀定聽日嘅早餐你想點！如果你想食早餐就會降落前個半鐘叫醒你，如果你只係想早餐飲啲野，就會係降落前50分鐘叫醒你，如果你想訓耐啲，就會係降落前40分鐘叫醒你。 話說我之前部電話壞左冇左一整年電話影嘅相，機上的食物只係得呢幾張相。有餐包、牛油、橄欖油，隔離個兜係沙律。安迪揀嘅頭盤係Balik salmon，有三粒三文魚，有啲柚子醬同埋紅酒汁，佢覺得好好食。而我個頭盤應該係Leek and potato soup京蔥薯仔湯 (冇圖) 。 安迪嘅主菜係Pan-seared tenderloin of beef，煎牛柳，有薯仔伴碟，安迪覺得個牛麻麻。另外兩個主菜係Seabass鱸魚同Rigatoni Pasta長通粉，唔知當時我揀左邊樣主菜呢？最後甜品嘅相都冇左，有Cheese board芝士拼盤、New York-style cheesecake紐約芝士蛋糕、Warm apple, raspberry and almond strudel酥皮捲揀，相信為食嘅我地都係揀左紐約芝士蛋糕同酥皮捲。食完野空姐就幫手鋪床訓覺啦。 訓醒之後有早餐食啦，餐包有牛角包、牛油、果醬，隔離個兜係乳酪，仲有碟生果，好健康呀！飲品我揀左水果奶昔。 之後仲黎左碟薯仔奄列添。 12小時45分鐘嘅機程，倫敦時間5:30am，我地終於到達倫敦希斯路機場 Heathrow Airport啦。下一篇blog我地開始day1倫敦嘅旅程！旅遊日期：2019年5月11日- 2019年5月20日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《西歐四國遊》出發篇 (英航商務艙初體驗,一次過去哂4間國泰貴賓室)Day1 (倫敦歎Fortnum & Mason下午茶,食米芝蓮推薦威靈頓牛扒)Day2 (去倫敦Borough Market掃街,世界上最出名嘅地址?到達荷蘭阿姆斯特丹)
