今次係開恩茲玩左4日4夜都住係呢間Pullman Cairns International。 地址：17 Abbott St, Queensland Cairns Pullman 係屬於Accor Hotels雅高酒店集團， 係集團入面眾多酒店牌子黎講歸類為高檔酒店品牌。 我地當時係Amoma度book，(Amoma已經係2019年初9月倒閉左) 入住的日期係6/3-10/3， 房型係Twin Room (Moutain View)， 價錢連稅係HKD$3720 四晚， 即係HKD$930一晚。 每間酒店房都有露台架， 好有度假feel呀。 酒店門口的頂係用左玻璃， 令自然光可以透入黎。 酒店嘅門口係自動門， 唔似一般的酒店有個bell boy企係門口開門。 酒店大堂係高樓底， 空間感好大。 酒店大堂餐廳， 我地book個間酒店房唔包早餐， 所以試唔到呢度啲早餐啦。 酒店大堂有時會放左啲果汁， 有時係出面行到好熱， 返到酒店即刻有免費野飲都好正。 唔知係咪因為check in個日搭夜機， 10點幾先到酒店， 得返啲賣剩蔗嘅房， 我地間房係302， 係酒店最底個層！ 帶大家參觀下間房先， 呢度係浴室， 得一個洗手盤。 呢度係馬桶位， 個風筒係馬桶隔離， 仲要係好弱雞冇乜風個款風筒！ 浴室入面係有浴缸架。 沖涼用品係用紐約牌子C. O. Bigelow。 當時係夜晚， 所以間房會比較暗。 呢度有個茶几同埋張梳化椅。 有一啲收費嘅小食。 有好多Dilmah的茶包。 我地貪平啲，book左兩張單人床。 床嘅隔離係衣櫃。 入面有浴袍。 張床對住張書枱同埋電視機。 窗邊有張食飯枱， 兩張梳化椅。 我地第一晚叫左room service食， 叫左支Queensland嘅啤酒Summer Bright Lager，AUD$9， 仲叫左個Pullman Pizza，AUD$22， 竟然收左AUD$6 delivery fee！ 我地間房都有露台， 露台出面都有戶外枱櫈。 我地係最底個層， 可以望到哂樓上嘅露台位。 我地係底層， 所以都睇唔到啲咩景。 我地間房型係寫住睇山景， 果然係睇到山架喎。 紅色星星就係Pullman Cairns International所在的位置， 藍色星星就係旅遊熱點(Cairns Zoom & Wildlife Dome、Cairns Esplanade Lagoon、Cairns Night Markets)同埋超級市場， 去其他地方要行一小段路，都唔會太遠。 總括黎講，間房都好夠大好舒適， 如果住到高層有景觀就更好啦。 旅遊日期：2019年3月3日- 2019年3月10日 ========================= 覺得呢篇blog幫到你， 記得like Facebook Page: https://www.facebook.com/fatbjai.travel/ follow Instagram: fatbjai.travel https://www.instagram.com/fatbjai.travel/ YouTube: 曳豬到爆炸 收到個blog的最新update！ ========================= 《去澳洲玩》 悉尼篇 Day1 (Qantas商務艙初體驗,最岩睇悉尼港灣大橋日落的酒吧推介) 悉尼篇 Day2 (突然去左沙漠滑沙？史蒂芬港Port Stephens出海睇海豚＋滑沙體驗) 悉尼篇 Day3 (QVB勁華麗嘅商場,Bondi Beach,必食網紅士多啤梨西瓜蛋糕) 悉尼篇 Day4 (Sydney Fish Market食海鮮,悉尼都有女人街?維珍內陸機有驚喜) 悉尼住宿篇 (雪梨中央車站隔離Mercure Sydney,估唔到房間有靚景睇!) 開恩茲篇 Day5 (挑戰笨豬跳,只有某d州先可以合法抱住樹熊影相?) 開恩茲篇 Day6 (大堡礁潛水巧遇香港人教練[多圖],親手掂大硨磲!) 開恩茲篇 Day7 (飲左一公升河水嘅激流體驗,真人版Mario Party河川生存戰?) 開恩茲篇 Day8 (國泰商務艙初體驗,澳洲手信分享) 開恩茲住宿篇 (度假風酒店Pullman Cairns International)
