～今日的行程～3月10日：凱恩斯國際機場 -> The Cairns Reef Lounge -> 香港機場我地今日就返香港啦，一陣會坐8:20am早機，所以我地晨咁早5:45am就call uber去機場啦。 去到機場都只係岩岩日出。 黎到凱恩斯國際機場Cairns International Airport，航班check in櫃檯一眼望哂。 個機場大堂都好有開恩茲熱帶的特色。 入左閘之後，我地就行下duty free，而家咁早好彩d舖頭都有開。 我地去程搭左澳洲航空(Qantas)去悉尼，而回程就搭國泰航空(Cathay Pacific)返香港，試哂兩個airline的Business Class商務艙！張機票係用Asia Miles換架，想知我地當時嘅OneWorld機票兌換心得，可以睇呢個post。由於我地坐Business Class，所以有得去The Reef Lounge食下野休息下。 好大個國泰牌棟係度呀。 Reef Lounge的門口，佢係位於Gate1&2的附近。 Reef Lounge個logo係一條熱帶魚，佢嘅開放時間可以睇呢度。 可能未訓醒，影呢張相個陣手震添。Lounge入面有好多空位，圖中係其中一個拎野食嘅地方。 而我地坐嘅位後面，就有野飲拎。 頭先係duty free度買左樣野！ 係Jo Malone嘅產品黎架，好特別，唔係用平時嘅紙盒裝住，而係用左鐵盒。 登登登登登！我買左100ml嘅Nectarine Blossom & Honey Cologne，姐係杏桃花與蜂蜜味，佢係一種清新嘅甜味，好似去左春天嘅花園咁。當時嘅價錢係AUD$158，以當時匯率HKD$900都唔洗，而香港個陣賣緊HK$1200，足足平左HK$300，好抵買。(btw而家香港加價到HK$1240了) Lounge入面有Chicken, Cheese & Pesto三文治食。 仲食左多士、麵包、茶、果汁。 未訓醒嘅樣就唔比大家睇啦。 食到飽飽，準備去登機，我地係第一次坐國泰嘅business class呀。 呢度都好多食肆同商店行下。 今日嘅天氣都唔錯，我地陣間會坐呢架機。 飛香港，所以有香港嘅報紙拎，當時仲有蘋果日報拎添，邊個諗到3個月後香港就有翻天覆地嘅改變，2年多後，蘋果日報都被打壓摺埋。 商務艙平時搭飛機經過得多啦，今次終於可以坐係度啦。由於窗邊都係單人位，所以我地就揀左坐中間2個連位，雖然係連位，但係兩個位的距離無Qantas咁close。 國泰的座位比Qantas迫狹，郁動的空間無咁大。 儲物方面，基本上個座位都無乜儲物的空間，過夜包都要放係台上面，如果你有d細袋都要放係艙頂置物櫃。個座位可以伸出黎平訓，腳掌位有張好似凳支撐住，所以腳掌位唔會無安全感的問題，全程比Qantas訓得舒服 飛機起飛之前空少都派左橙汁比我地飲。 影返張相留念先。 有夜燈、搖控、控制座位嘅㩒掣等等，特別有三腳插頭，可以差電腦。 仲有個位掛住頭戴式耳筒，最正係有塊鏡係度，貪靚嘅你可以無時無刻照鏡啦。 為左同安迪一齊排排坐，就冇揀到窗邊位！唯有係去廁所個陣，順便影下窗邊嘅景。 機程約7個鐘多d，晨咁早8:20am起飛，下午1:35pm到香港，全程會有早餐&午餐食。 睇定menu諗定食乜先。 終於派過夜包啦，過夜包冇分男女裝，入面有眼罩、牙膏牙刷、漱口水、耳塞、襪(質地比Qantas好，襪底有防滑膠，比你著住襪去廁所！)、澳洲牌子Jurlique出的旅行裝護手霜、日用面霜&潤唇膏。過夜包的設計都幾型格，而且幾高質。 澳洲牌子Jurlique的旅行裝護手霜、日用面霜&潤唇膏，細細支好方便拎出街用。 夠鐘食早餐啦，有生果、天然乾果穀麥、牛角包，仲有杯草莓香蕉乳酪飲品。 主菜我同安迪都揀左雜菜蛋批配煙肉、香草鮮菌及焗豆。 食完早餐就睇陣戲先，空姐會派野飲同nuts食。 我地係開恩茲買左隻扮樹熊的熊仔，佢手上面都有隻樹熊添，好可愛。 睇完戲眼瞓啦，我準備訓教啦。 訓醒教之後都差唔多食午餐啦，首先就黎左前菜，中間係鴨肝凍紅菜頭沙律伴砵酒啫喱，左上角係南瓜籽鮮蔬菜沙律伴意大利黑醋汁，仲有個餐包。 主菜安迪揀左中式，係雜椒炒牛肉配白飯、芥蘭及甘荀。 我就揀左慢煮鴨胸配香茜藜麥及烤蔬菜。主菜黎講，我地都覺得國泰係比Qantas好食架。 之後仲有芝士&生果食。 仲有Movenpick雪糕食添，呢隻味係好少見嘅碎朱古力Stracciatella味。 空姐仲派每人兩粒朱古力。 安迪有粒係唔同味。總括黎講，國泰的biz冇Qantas咁大，但其他方面，如食物、過夜包、飛機餐都唔錯，另外國泰的空姐空少都比Qantas後生，養眼d，送餐的時間都會叫你X先生/X小姐先，而且講廣東話係有親切感d嘅。 發現Carins有好多中文譯音，有開恩茲、凱恩斯、肯因斯，我就叫開開恩茲啦。 之前Day5分享左係超市買左啲咩，呢篇blog再繼續分享啦。呢一大包係Top 20 Variety Potato Chips 20 pack，入面有5款薯片，全部都係澳洲製造，拎黎做手信一流呀。 好掛住雲呢拿味可樂，所以係超市見到就買黎飲啦，依然係咁好味，點解香港唔再賣呢?! Jumpy's Chicken 6 pack，好似香港嘅魚仔餅咁，不過係袋鼠造型，係澳洲製造，都係拎黎做手信一流呀。 Cadbury的Cherry Ripe Double Dip Chocolate Bar，好鍾意買車厘子朱古力試下。 Pods with Snickers，黎澳洲一定要買Pods的朱古力夾心餅，中間係Snickers花生醬味。 Bare Bakers rich & delish brownie bites，見到有brownie就買黎試下。 Maltesers Raspberry flavour，麥提莎紅桑子味咁特別就買黎試下。 Cadbury的Caramello Koala Chocolate，比個樹熊樣吸引而買，又係派手信一流，不過味道好甜。 Marco的 High Fibre Coconut Muesli，去墨爾本玩個陣買過覺得好好食，今次再黎澳洲就翻兜，臨訓前倒Muesli落個杯到，加奶然後放入雪櫃，第二朝拎出黎就食得！ O&G Bircher Muesli Apple Pecan & Coconut，同Marco個包一樣都係放過夜嘅燕麥粥，我覺得Marco個包嘅椰子、提子乾好食啲。 Twinings的Australian Afternoon Tea Bags，係office好鍾意飲茶，就買呢個澳洲下午茶試下。 Dominate Men's Hair Styling Pomade with Argan Oil，安迪買嘅髮泥，佢買黎試吓，效果普通。旅遊日期：2019年3月3日- 2019年3月10日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去澳洲玩》悉尼篇 Day1 (Qantas商務艙初體驗,最岩睇悉尼港灣大橋日落的酒吧推介)悉尼篇 Day2 (突然去左沙漠滑沙？史蒂芬港Port Stephens出海睇海豚＋滑沙體驗) 悉尼篇 Day3 (QVB勁華麗嘅商場,Bondi Beach,必食網紅士多啤梨西瓜蛋糕)悉尼篇 Day4 (Sydney Fish Market食海鮮,悉尼都有女人街?維珍內陸機有驚喜)悉尼住宿篇 (雪梨中央車站隔離Mercure Sydney,估唔到房間有靚景睇!)開恩茲篇 Day5 (挑戰笨豬跳,只有某d州先可以合法抱住樹熊影相?)開恩茲篇 Day6 (大堡礁潛水巧遇香港人教練[多圖],親手掂大硨磲!)開恩茲篇 Day7 (飲左一公升河水嘅激流體驗,真人版Mario Party河川生存戰?)開恩茲篇 Day8 (國泰商務艙初體驗,澳洲手信分享)開恩茲住宿篇 (度假風酒店Pullman Cairns International)
