今次stay係悉尼玩左4日3夜都住係Mercure Sydney，地址：818/820 George St, Sydney NSW 2000, Australia佢係屬於Accor Hotels雅高酒店集團，係集團入面眾多酒店牌子黎講歸類為中檔酒店品牌，我地之前去馬爾代夫都係住Mercure，印象都唔錯，酒店設計簡單舒服，好抵住。我地一於睇下悉尼呢間Mercure係點啦。 Mercure Sydney就係左面個棟建築物，附近個棟好綠化的建築就係Central Park Mall，入面有好大間的Woolworths超級市場同Priceline藥妝店，都好方便大家去買下手信、日用品。 另一個角度嘅Mercure Sydney，酒店只有14層。酒店隔離就係Central Railway Station 雪梨中央車站，係悉尼鐵路網絡嘅中心，去邊度都好方便。 酒店大堂好大，有張大的梳化櫈比人執下喼。(有碌柱係度影到好衰添)我地係官網度book呢間酒店，入住的日期係3/3-6/3， 房型係Standard Room 1 Queen Bed， 價錢連稅，連埋額外加HK$33.87的自助早餐，係HK$3584.92 三晚， 即係大約HK$1194.97 一晚，都唔平呀！比我地係墨爾本住嘅酒店貴左4舊水多d 一晚！ 我地住係低層401號房。 睡房的size都正常，床隔離有張櫈、仲有書枱，書枱上面竟然掛左電視機。 床頭櫃有部Nero藍芽speaker，最正係有usb頭比人插線差電。 床的另一面有衣櫃、茶几。 衣櫃入面有夾萬、風筒、燙衫板、熨斗等等。 茶几上面有Dilmah茶包、熱水壺等。 雪櫃入面的飲品都係收費嘅。 呢度係浴室，得一個洗手盤。 浴室入面係有浴缸架。 呢間房最surprise係有城市景睇！左面個棟係Marcus Clark Building，前身係Marcus Clark & Co百貨公司，而家係澳洲專上學院TAFE的building。右面個棟前身為郵局，之後改建成Adina Apartment Hotel Sydney Central酒店。 望住呢個景，覺得個房價都算係值得。＝＝＝＝＝＝＝＝＝＝＝＝＝＝＝＝＝＝＝＝＝ 雖然我地加左自助早餐，但最後只係食左一日炸，因為個早餐都只不過係HK$33.87，除開每人只係HK$16.935，(每人每日更只係HK$5.645)食一次都回到本啦。 餐廳都好大，好多空位。 拎野食嘅area。 食物種類唔係好多，都係煙肉、腸、茄汁豆、麵包，有薯餅都可以加分嘅。 有Vegemite拎！Vegemite係澳洲好常見的醬黎， 係由釀酒業的副產品酵母萃取物經加工而成， 澳洲人通常係用黎查麵包食嘅。個味道又鹹又苦，對我黎講真係麻麻地，之前去墨爾本玩都試過一次，今次見又有得免費試下，就比多次機會佢，結果都係不了。 除左果汁之外，呢度都有Dilmah的茶包沖黎飲！總括黎講，呢間酒店的位置十分方便，雖然Mercure係國際酒店牌子，但房價都係偏貴，唯一吸引嘅地方係間房望到幾座悉尼歷史建築物，如果有優惠都值得悉尼旅行book黎住下。旅遊日期：2019年3月3日- 2019年3月10日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去澳洲玩》悉尼篇 Day1 (Qantas商務艙初體驗,最岩睇悉尼港灣大橋日落的酒吧推介)悉尼篇 Day2 (突然去左沙漠滑沙？史蒂芬港Port Stephens出海睇海豚＋滑沙體驗) 悉尼篇 Day3 (QVB勁華麗嘅商場,Bondi Beach,必食網紅士多啤梨西瓜蛋糕)悉尼篇 Day4 (Sydney Fish Market食海鮮,悉尼都有女人街?維珍內陸機有驚喜)悉尼住宿篇 (雪梨中央車站隔離Mercure Sydney,估唔到房間有靚景睇!)開恩茲篇 Day5 (挑戰笨豬跳,只有某d州先可以合法抱住樹熊影相?)開恩茲篇 Day6 (大堡礁潛水巧遇香港人教練[多圖],親手掂大硨磲!)
