～今日的行程～3月5日：The Galeries -> 早餐：Black Star Pastry -> Queen Victoria Building -> 午：Yama (日本菜) -> Bondi Beach -> 甜品：Gelato Messina -> 晚：Ho Jiak (馬來西亞娘惹菜)琴日坐左幾個鐘去Port Stephens，今日就留係悉尼市區度玩啦。 我地首先搭Sydney Trains去Town Hall站，呢度的火車係雙層架。 我地坐左上層的火車。 出左地鐵站就見到悉尼市政廳 Sydney Town Hall，佢係1869年建成。 我地就黎左悉尼市政廳斜對面的The Galeries商場。 我地黎呢個商場唔係為左shopping，係為左食早餐嘅。 就係為左呢間蛋糕店 - Black Star Pastry，佢位於一間書店的外面。地址：The Galeries, Shop 26, Ground Floor 500 George Street (Enter off Pitt Street) 呢間餐廳主要都係賣蛋糕仔同埋咖啡。 好多蛋糕呀，最多果然係呢度最出名的士多啤梨西瓜蛋糕！ 我當然要叫返件必打卡嘅Strawberry Watermelon cake，AUD$8，近年香港開嘅LIFETASTIC的士多啤梨西瓜蛋糕都係參巧澳洲呢間Black Star Pastry。 另一件就揀左Raspberry & Lychee cake 紅桑子荔枝蛋糕，AUD$8，最好食最打卡始終都係Strawberry Watermelon cake。 食完早餐，我地就過左去隔離的維多利亞女王大廈 Queen Victoria Building，簡稱QVB，佢係1898年建成，又係超過一百年歷史嘅商場，比我地係墨爾本去嘅Royal Arcade同埋Block Arcade更大更宏偉。 Queen Victoria Building 總共有4層。 好鐘意呢度嘅玻璃頂，天然光可以滲入黎個商場。 吊係度個個鐘叫做Royal Clock。 鐘上面寫住"By appointment to Her Majesty Queen Elizabeth II. Turret Clockmakers Thwaites & Reed Ltd Hastings England"，個鐘係由大鐘製造商Thwaites & Reed製造。鐘上面有立體透視模型，總共有6個場景，都係同英國皇室的歷史有關。 除左Royal Clock之外，呢度仲有另一個大吊鐘 The Great Australian Clock。 鐘上面都同樣有立體透視模型，總共有33個場景，都係同澳洲的歷史有關，會見到一d 澳洲土著同埋歐洲人架。 我覺得The Great Australian Clock比Royal Clock靚好多！ 我地行到咁上下就黎左呢間日本餐廳Yama食野，特別在於可以坐係QVB的走廊食野，望呢個商場景都唔錯。地址：Shop 2-4 Level 2 Queen Victoria Building 455 George Street Sydney NSW 2000 我叫左Yama's Bento Box with tempura prawn & veges，AUD$35，呢個豪華便當有有沙律、刺身、壽司、天婦羅，一次過滿足幾個願望，比想像中好食呀。 男友叫左Yama's Teriyaki Chicken Don，AUD$19。 我地仲叫左Agedashi Almond Tofu，AUD$9，係日式炸豆腐黎，上面加左d杏仁碎、柴魚、蔥。 等我影返張相打卡先。 男友都影返張。 食完野我地就繼續行下QVB，呢度靚到好似一個睇opera劇院咁。 好似去左歐洲嘅博物館咁。 呢度就好似去左教堂咁。 架lift都好有懷舊感。 行完QVB，我就去左附近嘅Sephora買野啦，當時Sephora都仲未回歸香港開鋪。 我買左ZOEVA的Spice Of Life Eyeshadow Palette、KVD Beauty的Tattoo Waterproof Liquid Eyeliner - Mad Max Brown、Sephora的Slanted tweezers、Tarte的Quench Lip Rescue x2、 Tarte的Shape Tape Concealer。 之後我地返酒店換泳衣，黎左悉尼最出名的沙灘Bondi Beach。(Bondi係讀bon die) Bondi Beach大約長一公里。 除左沙灘之外，呢度有個叫做Bondi Icebergs的泳池。 Bondi Icebergs位於Bondi Beach的南面。 佢係海水游泳池黎架。 呢個碧綠海水的游泳池吸引好多人專程黎影相。 入場費係AUD$8，比想像中平。 影返張背多分相先。 今日好大風呀。 我地行落去沙灘影下相。 間唔時都發現到海鷗。 呢度海灘都幾乾淨。 雖然著左泳衣，但係我都無落到水。 發現好多人係度滑浪，係咪因為Bondi Beach的浪特別大呢? 行完Bondi Beach，我地就去左附近一間好出名嘅雪糕店Gelato Messina，佢地嘅雪糕係被譽為全悉尼最好食架。地址：G6/61 Hall Street, Bondi 2026 有好多口味的雪糕揀，呢邊就水果味。 呢邊就堅果味為主。 我地揀左3球，AUD$8.8，有Raspberry紅桑子、Salted Coconut & Mango Salsa 咸椰子&芒果莎莎、Pistachio Praline開心果果仁糖味，雪糕有開心果味的話我地一定會揀架。 之後我地返左酒店，然後換件衫就出黎食晚飯啦，黎左悉尼的唐人街食馬來西亞&娘惹菜 Ho Jiak。地址：92 Hay Street Haymarket NSW 2000峇峇娘惹Peranakan (馬來語係Baba Nyonya) 係指中國移民同東南亞原住民通婚嘅混血後裔，男性會叫做峇峇，而女性就會叫娘惹，娘惹菜鍾意用華人傳統的食材加埋多種馬來料理嘅配料煮成。 首先黎左蟹肉炒貴刁。 跟住呢碟叫Pie Tee派迪，亦都會叫做娘惹小金杯，係一道好受歡迎嘅娘惹菜黎架。 將蘿蔔絲、蟹肉、辣椒醬加入呢個脆杯入面食，呢碟菜係最辣架，我食唔到辣嘅人真係頂唔順。 我地叫左奶茶同咖啡奶飲。 最後上左海南雞飯，呢餐總共食左AUD$77.22。我地聽晚會飛去開恩茲啦！旅遊日期：2019年3月3日- 2019年3月10日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去澳洲玩》悉尼篇 Day1 (Qantas商務艙初體驗,最岩睇悉尼港灣大橋日落的酒吧推介)悉尼篇 Day2 (突然去左沙漠滑沙？史蒂芬港Port Stephens出海睇海豚＋滑沙體驗) 悉尼篇 Day3 (QVB勁華麗嘅商場,Bondi Beach,必食網紅士多啤梨西瓜蛋糕)悉尼篇 Day4 (Sydney Fish Market食海鮮,悉尼都有女人街?維珍內陸機有驚喜)悉尼住宿篇 (雪梨中央車站隔離Mercure Sydney,估唔到房間有靚景睇!)
