～今日的行程～ 3月4日：Sydney Harbour Bridge -> Australian Reptile Park -> Port Stephens -> 午：Bub's Fish & Chips -> Dolphin Watch Cruise 海豚巡遊 -> Stockton Bight Sand Dunes 滑沙體驗 -> 晚：Ester (11道菜)我地今日會join day tour去史蒂芬港Port Stephens玩， 旅行前係Klook book左呢個悉尼史蒂芬港一日遊， 扣除優惠碼，當時的價錢係HKD1010.35一個人。史蒂芬港Port Stephens位於新南威爾斯州New South Wales的Hunter Region，由悉尼去史蒂芬港的車程係約2.5小時，係一個岩出海、玩滑沙，感受大自然的地方。當時預計的行程如下：7:00 AM 從酒店出發途徑悉尼海港大橋Sydney Harbour Bridge10:30 AM 到達中央海岸爬蟲公園 Australian Reptile Park12:30 PM 史蒂芬港 Port Stephens（自行購買午餐）1 :30 PM 海豚巡遊 Dolphin Watch Cruise3:30 PM 四驅車滑沙 Stockton Bight Sand Dunes7:30 PM 返回酒店 今日晨早就起身出發啦，旅遊巴7:05am係酒店接我地上車，當時只係岩岩日出炸。 第一站，導遊就係悉尼海港大橋Sydney Harbour Bridge下面停車比我地影相，琴日我地睇左日落同夜晚嘅Harbour Bridge，今日睇埋日出嘅Harbour Bridge！ 係橋下影返張相先。 影到個剛日出的咸蛋黃，仲影到悉尼歌劇院 Sydney Opera House添。 估唔到琴日影左夜景的悉尼歌劇院，今日會影埋日景。 悉尼港灣大橋係1932年就開通啦，係世界上最高的鋼鐵拱橋。而悉尼歌劇院由丹麥建築大師Jorn Utzon設計，係1973年建成，仲係2007年比聯合國教科文組織評做世界文化遺產。 第二站已經離開左Sydney，黎到Australian Reptile Park睇動物！地址：Pacific Hwy, Somersby NSW 2250, Australia Australian Reptile Park係一個爬蟲動物公園黎，一開始職員就同我地介紹呢隻「小動物」啦。 無記錯佢係American Alligator 美國短吻鱷BB。 仲有得觸摸條短吻鱷BB。 美國短吻鱷大人就係湖入面，呢種短吻鱷係來自美國東南部架。 雖然短吻鱷比鱷魚溫馴但大隻的短吻鱷都幾危險架。 佢地就係棲息係呢個咁大嘅湖入面。 見到呢個巨型的樹熊雕塑就知我地黎睇樹熊啦！呢度除左爬蟲動物外，仲有澳洲獨有嘅動物睇架。上次我地join Phillip Island個tour去Moonlit Sanctuary Wildlife Park都有得近距離同樹熊影相， 但要比AUD$20一個人，而今次黎Australian Reptile Park係免費架！ 職員抱住隻樹熊出黎，好可愛呀！ 上次比左AUD$20係單對單同樹熊見面，而今次免費就係一團人睇幾隻樹熊，免費都有免費嘅唔好處。 有隻樹熊仲好眼瞓咁。樹熊係澳洲特有的生物黎，佢地食尤加利樹eucalyptus tree的樹葉去生存，由於尤加利葉的營養好少，所以樹熊每日都要瞓接近20個鐘架。 呢隻樹熊瞓到好淋咁。 得職員身上個隻樹熊最精神。 全澳洲只有三個州係可以合法抱樹熊，分別係昆士蘭 Queensland、南澳州 South Australia、西澳州 Western Australia，由於我地係新南威爾斯州New South Wales， 所以就只可以同樹熊影相。(預告：我地Day4會去昆士蘭 Queensland！) 捕捉到隻食緊尤加利葉嘅樹熊，食到好麻甩呀佢。 呢個係南方鶴鴕 Southern Cassowary，南方鶴鴕係世界上第三大的鳥，僅次於鴕鳥同鴯鶓。 呢個好似松鼠咁的係短尾矮袋鼠 Quokka，係小型袋鼠黎架。 係2019年有一個打卡熱潮係同Quokka自拍，最出名的打卡勝地就係澳洲西岸的Rottnest Island啦，島上住左好多Quokka，佢地個樣笑得好傻，連雷神Chris Hemsworth都有同Quokka自拍架。 可惜我地無得同Quokka近距離影相。 呢隻係澳洲鴕鳥Emu，正名係鴯鶓，係鴕鳥以外，世界上最大的鳥類。 呢度仲有袋鼠添，導遊比左包飼料我地。我地上次去Moonlit Sanctuary Wildlife Park要比AUD$2買飼料，呢度竟然唔洗錢。 男友餵袋鼠仔食野。 捕捉到袋鼠望鏡頭的一刻。 呢隻袋鼠同我對望呀。 到我餵袋鼠媽媽。 袋鼠仔仲入去媽媽個袋入面飲奶。 袋鼠呢個樣勁可愛!! 呢d係Indian Star Tortoise 印度星龜。呢度仲有好多唔同的動物睇，唔一一介紹啦。睇完動物之後，旅遊巴終於黎到Port Stephens的Nelson Bay！到埗後第一個活動就係自由食午餐啦。 導遊介紹呢間Bub's Fish & Chips，於是我地就行去試下啦！地址：1 Teramby Rd, Nelson Bay NSW 2315 Australia 呢間餐廳都係戶外的座位。 我地叫左Fishermen's Basket，AUD$19.9，入面有1 Prawn Cutlet 蝦, 1 Sea Scallop 帶子, 3 Calamari 魷魚圈, 3 Fish Cocktails 魚塊, 1 Seafood Stick 蟹柳，同埋唔少得叫番碟Fish & Chips，AUD$11.9，醬要額外加AUD$2.5，有8款醬揀，包括Tartare、Dill & Parsley Mayo、Pesto Mayo、Coriander & Mint Mayo、Aioli、Mango Mayo、Chipotle Chilli Mayo、Cocktail醬，我地揀左Aioli，係源自地中海菜式的蒜泥蛋黃醬。導遊真係無介紹錯，呢間Fish & Chips真係炸得好脆，係個港口隔離食，硬係覺得d魚好新鮮，比我地係英國食個間Fish & Chips好食！ 今朝趕住出門口唔記帶防曬同太陽眼鏡，所以食完飯就買返支防曬同太陽眼鏡啦，呢支係Marine Blue Sunscreen Lotion SPF50+，AUD$9.9。導遊話澳洲的太陽太猛烈，要塗澳洲出嘅防曬先有用，我地就一於試下啦。 之後我地就上船睇海豚巡遊 Dolphin Watch Cruise啦，我頭頂副太陽眼鏡就係頭先買嘅，AUD$34.9。 船入面好似餐廳咁嘅裝修。 之後我地就去左船頭睇海豚，我地坐呢艘船叫Moonshadow。 大家發唔發現到海豚呢? 佢地越游越近架船呀，呢種係bottlenose dolphin，中文寬吻海豚屬。 睇完海豚之後，船尾有得玩瀡滑梯，滑梯出口有個網罩住，唔洗擔心沖走左出大海。我都想玩瀡滑梯，可惜我地之後會去滑沙，而且我地無諗過有得落水，所以無帶衫黎換。 終於黎到最後一個目的地 - Stockton Bight Sand Dunes，我最期待的滑沙啊，活動前工作人員會每人派一支水，呢支水最後可以用黎沖走身上的沙。 我地要搭4WD四驅車到滑沙的沙丘。 條路好崎嶇，架車揸到鄧下鄧下，好似坐緊過山車咁。 坐完「過山車」之後我地終於可以滑沙啦，每人都會有一塊滑板。 滑沙之前，我地要行上去個沙丘頂，行上去都幾吃力，好似做緊gym咁！ 上到沙丘頂係望無際的沙！好似去左個沙漠咁！D沙都好乾淨、幾好摸。 呢度勁大風，d沙係每分每秒都撲緊埋黎。 我地準備滑落去啦，玩滑沙都係赤腳架。 咁高滑落去都真係有d驚架。 個人物品同鞋都係放係紅色個個帳篷下面，無人看管的，所以都唔好帶咁貴重的野黎滑沙呀。 我係咪滑得好快呢？ 其實滑左4-5次都已經好攰啦，但都真係好好玩。玩完成身都係沙，頭髮、衫褲的每一個罅隙都係沙，就算拍左幾多野都有沙。滑完沙之後，旅遊巴就返悉尼啦。 我地返酒店沖個涼、換件衫就出黎食野，原本我地想食LP's Quality Meats，可惜無開！之後我地就黎左呢間Ester，誤打誤撞去左間高質素的餐廳！地址：46-52 Meagher St, Chippendale NSW 2008 Australia 餐廳的燈都好暗淡，幾有feel。 我地被安排坐吧枱位，可以睇住bartender整野飲。 唔知有咩食呢？ 佢得一個menu，餐廳幫你諗哂11道菜，唔洗煩惱食咩真係好方便呀。 唯一煩惱就係飲咩啦，我飲cocktail。 男友飲紅酒。 呢間餐廳都係open kitchen。 首先就黎左roasted rock oyster 燒生蠔，蠔入面仲加左sake清酒、pepperberry胡椒莓，胡椒莓係澳洲塔斯曼尼亞生長的莓，有胡椒味架。 第二道菜係potato bread，用薯仔取代部分小麥麵粉製成的麵包，呢度的麵包唔係查牛油，而係kefir cream克菲爾乳酪＋trout roe鱒魚籽，呢個配搭真係好正！ 第三道菜係smoked bonito煙燻鰹魚刺身，配左burned lemon燒檸檬、pork fat 豬脂肪，口感好似吞拿魚，好好味。 第四道菜炸到好似天婦羅咁，其實係粟米黎！ 上面吱左好多parmesan巴馬臣芝士、仲有fermented chilli發酵左的辣醬，呢碟都係勁好食！ 第五道菜係grilled lamb intercostal羊肋骨的肉，雖然係羊肉，但一d都唔羶，仲有芥末醬點添，呢碟都係好好食。 第六道菜係blood sausage sanga 血腸三文治，sanga係澳水的slang黎，係sandwiches的意思。 第七道菜係cauliflower椰菜花，仲配左almond 杏仁、mint 薄荷葉。 第八道菜係hanger steak封門柳，配左anchovy鯷魚汁、harissa哈里薩辣醬、onion洋蔥。 第九道菜係zucchini翠玉瓜，仲有d pepita praline 點左糖嘅南瓜子、parmesan巴馬臣芝士碎。 第十道菜係甜品，Burnt Pav，呢道甜品似乎係由Pavlova巴甫洛娃蛋糕演變而成，中間係入口即溶的蛋白脆餅，個底係passionfruit 熱情果醬，面頭用左white chocolate 白朱古力整成的cream，再輕輕燒過個表面，真係超級好食呀。 最後一道菜係Left Over Sourdough Ice Cream，Sourdough係酸種麵包，呢個甜品係咪姐係用食剩的酸種麵包整成雪糕？食左11道菜都只係AUD$88，以呢個質素黎講，真係好抵食呀！旅遊日期：2019年3月3日- 2019年3月10日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去澳洲玩》悉尼篇 Day1 (Qantas商務艙初體驗,最岩睇悉尼港灣大橋日落的酒吧推介)悉尼篇 Day2 (突然去左沙漠滑沙？史蒂芬港Port Stephens出海睇海豚＋滑沙體驗) 悉尼篇 Day3 (QVB勁華麗嘅商場,Bondi Beach,必食網紅士多啤梨西瓜蛋糕)悉尼篇 Day4 (Sydney Fish Market食海鮮,悉尼都有女人街?維珍內陸機有驚喜)悉尼住宿篇 (雪梨中央車站隔離Mercure Sydney,估唔到房間有靚景睇!)
