我地今次stay係墨爾本7日6夜都係住係Rendezvous Hotel Melbourne，佢係位於墨爾本市中心CBD的Flinders Street，酒店對面就係Flinders Street Railway Station啦。地址：328 Flinders Street, Melbourne VIC 3000 Rendezvous Hotel Melbourne係1913年建成，擁有超過100年的歷史！佢係澳洲其中一間最古老的酒店黎架。 酒店前台，雖然酒店已經過百年歷史，但入面都唔覺得好舊呀。我地係Expedia度book呢間酒店，入住的日期係14/10-20/10，房型係Guest Queen Room，價錢扣埋優惠碼連稅係HK$4702.03 六晚，即係大約HK$783.67 一晚。 升降機，有少少懷舊感。 我地要入去啦。 入門口的左手面有個衣櫃，打開左入面有茶几&雪櫃添。 有澳洲牌子Aurora的茶包，仲有法國的La Maison Du The的茶包。可惜酒店係唔會提供支裝水，雪櫃的飲品都要比錢架，好彩酒店附近都有Coles同埋Woolworths Metro超級市場。 浴室好簡潔feel。 得一個鋅盤。 佢係用Kudos Ebony呢個牌子的沖涼用品，係用Mānuka蜂密&椰子油，用個陣都有陣膠膠地嘅椰子味。浴室無提供到牙刷牙膏，大家要自備牙刷牙膏，或者叫酒店送上黎啦。 馬桶位置。 估唔到浴室係有浴缸的。 睡房的空間都好大，有張凳&書枱係隔離。 窗出面就無咩景，可以同隔離房say hi。 張床對住部好細嘅電視機。左面就係門口隔離的衣櫃啦，衣櫃同浴室之間仲有個好大的空間放喼，呢間酒店房真係好大呀。 竟然有Welcome snack，係士多啤梨＋朱古力。 酒店的後樓梯位好特別。 個樓梯都係用木造架。 大堂個層有間Business Centre，姐係電腦房，全靠呢度有電腦，我先至可以即刻抄返d Day5 Skydive d片&相落手機。 另外，經常係酒店都見到唔同的新加坡航空的空姐空少，睇黎Rendezvous Hotel Melbourne係新加坡航空墨爾本layover的指定酒店。=====話說有日我地係酒店樓下遇到借錢黨！有一對年約50歲身光頸靚，操普通話的夫婦，滿口笑容地截停左我地。。。大媽：（好好笑容） 欸！美女，你會講華語嗎？我：嗯。大媽：（佛口婆心的語氣）美女你好，我有一件事情想你們帥哥美女幫幫忙的。我：（心諗，講你就講啦，婆婆媽媽，係咪問路呀？）大媽：我們掉了錢包，想借一點錢吃東西。我：（心諗，第一次見人唔見銀包都臨危不亂之餘，又滿口笑容問人借錢）我：我們刷卡的，不帶錢。（然後急急腳跑番酒店）借錢黨遍布世界各地，大家做好心前真係要check清楚，唔好助長借錢黨再繼續呃錢！=====總括黎講，Rendezvous Hotel Melbourne呢間酒店都幾舒適，位置非常方便，正正就係墨爾本最繁忙的Flinders Street Railway Station附近，去遠少少的地方都好方便，而且酒店周圍有好幾個電車站，去市中心唔同地方都係咁快。旅遊日期：2018年10月14日- 2018年10月21日 =========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去墨爾本玩》Day1 (Brighton Beach彩虹小屋,好chill的St. Kilda沙灘)Day2 (大洋路一日遊,12門徒石其實同耶穌冇關?!)Day3 (Phillip Island睇企鵝歸巢,同樹熊近距離影相,餵袋鼠)Day4 (South Melbourne Market食鮮甜生蠔,人氣cafe Hardware Société)Day5 (大洋路15000尺高空Skydive,Eureka Tower 88樓睇全墨爾本市景)Day6 (超過100年歷史嘅蒸氣火車Puffing Billy,澳洲都睇到櫻花?!)Day7 (勁岩打卡嘅塗鴉巷Hosier Lane,初嘗袋鼠肉Burger,越南餐廳推介)住宿篇 (市中心Rendezvous Hotel Melbourne,樓下遇上借錢黨!)
