～今日的行程～ 10月19日：早：Lord of the Fries -> 午：Cafe Hot Gossip -> Puffing Billy Railway -> 墨爾本唐人街 -> 晚：Stalactites (希臘菜)今日我地會去搭Puffing Billy，係擁有過百年歷史嘅蒸氣火車鐵路！ 我地會係Flinders Street火車站搭Belgrave線火車去Belgrave。 我地係車站入面嘅Lord of the Fries買d早餐上車食先。 買左條熱狗食。 仲買左盒芝士薯條，兩樣總共係AUD$19。 搭左一個鐘，終於到左Belgrave啦，跟據指示就可以行到去Puffing Billy啦。 搭Puffing Billy蒸氣火車可以預早係網上買飛，或者黎呢度先至買，但可惜最近個班火車已經full哂，我地要搭下一班啦。 呢度竟然有繁體中文的旅遊指南，加分！ 整條Puffing Billy有7個站。 由Belgrave出發可以買到Menzies Creek/Lakeside/Gembrook目的地的車飛，我地個個時段係去Lakeside架。 Day1係機場拎個本旅客小冊子買Puffing Billy火車飛有8折添！大家如果會去搭Puffing Billy，都要拎返本旅客小冊子。當時嘅價錢係AUD$59一張飛，表弟係學生，係AUD$46.5一張飛，除左我地兩個正價享有8折之外，優惠飛都可以8折！總共慳左AUD$32.9，三人只係AUD$131.6。 呢度仲有紀念品店。 未夠鐘坐Puffing Billy，於是我地就影下相先。 呢張櫈寫左車站個名Belgrave。 好岩一家大細影相的佈景板。 時間尚早，於是我地就行去附近食個lunch先。 咁岩見到間郵局，我就入去寄明信片先。Day2 & Day4 都買左好多靚靚的明信片！ 行行下見到樹上的花好靚，望真d應該係櫻花呀！ 4月係東京睇完櫻花，點知10月係墨爾本都見到櫻花！(心心眼) d櫻花開得好靚呀。 同櫻花影返張合照先。 黎張close up先。 當時已經係櫻吹雪，成地都係櫻花瓣。 影完櫻花，我地就揀左呢間Cafe Hot Gossip，地址：1692 Burwood Hwy, Belgrave, Victoria, Australia 安迪叫左呢杯應該係凍mocha。 左面係橙汁，右面係士多啤梨奶昔。 男友同表弟都叫左Chicken Schnitzel，姐係炸雞排。 我都同表弟影返張合照先。 我叫左Eggs on Toast，我揀左Poached eggs溫泉蛋，仲加左牛油果添。 食完lunch，我地就去搭Puffing Billy啦。 Puffing Billy最出名係可以坐係窗邊，將手腳伸出車外，但可惜係2018年3月的時候發生左一單Puffing Billy同一架旅遊巴相撞的事故，所以Puffing Billy就禁止左乘客坐係車窗邊緣&將腿懸在車廂外。如果我地早幾個月黎就好啦 :(。 Puffing Billy開車前，職員會探頭出車外檢查。 車外的廣告都好有懷舊feel。 雖然唔可以坐係窗邊&伸隻腳出去，但都可以伸個頭出去嘅。 Puffing Billy係1900年就通車，至今超過100年歷史！中途會經過呢座木橋，好有歷史感呀。 建議大家唔好坐咁近火車頭，會搞到成臉都係煤炭屎。 我地坐左係中頭位置，所以塊臉都食左唔少炭屎呀。 我著左琴日係Melbourne Central買嘅裙，建議大家都唔好著白色衫黎，因為都會整污糟件衫架！ 我地懶係型影返張合照先。 我地搭一個站到Menzies Creek就回程返Belgrave啦。 返返CBD之後，我地就去左墨爾本的唐人街行下。 見到呢個中式嘅牌坊，就知道呢度就係唐人街啦。 呢度有好多亞洲餐廳&商店。 表弟帶左我地黎呢間佢好鍾意嘅希臘餐廳 - Stalactites，係由一個希臘家庭係1978年開業的。地址：177 - 183 Lonsdale St Melbourne, VIC 3000 首先黎左餐包。 Homemade Hummus，鷹嘴豆蓉，AUD$6，係中東菜式，用黎點麵包食架，由鷹嘴豆、芝麻醬、檸檬汁整成嘅。 我叫左杯白酒，AUD$9。 男友叫左杯Greek Coffee，AUD$4。 表弟叫左Grilled Lamb Fillet Souvlaki，AUD$15，一塊大嘅薄餅包住羊肉串燒。Souvlaki串燒係希臘嘅地道小食，用橄欖油、檸檬汁、香料、少少紅酒去醃，然後拎去燒，最後配埋番茄、洋蔥、希臘沙律醬一齊食。中間個碟share嘅係Mixed Giro Platter，AUD$29.5，有雞肉同埋羊肉嘅燒肉。 Giro係希臘旋轉烤肉，顧名思義係將d肉放置係一個高大的迴轉烤肉架Rotisserie上面燒，食個陣就會用把刀係烤肉架上面切d肉出黎。男友叫左Pork Oregano，AUD$28，慢煮豬肉伴檸檬汁、牛至、橄欖油配飯。我叫左Beef Kokkinisto，AUD$26，Kokkinisto係一種希臘嘅烹調方式，用紅酒&番茄汁慢煮牛肉。 出面好多人排緊隊食呢間餐廳，就知呢度嘅野食係幾有水準啦。我地總共食左AUD$117.5。旅遊日期：2018年10月14日- 2018年10月21日 =========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去墨爾本玩》Day1 (Brighton Beach彩虹小屋,好chill的St. Kilda沙灘)Day2 (大洋路一日遊,12門徒石其實同耶穌冇關?!)Day3 (Phillip Island睇企鵝歸巢,同樹熊近距離影相,餵袋鼠)Day4 (South Melbourne Market食鮮甜生蠔,人氣cafe Hardware Société)Day5 (大洋路15000尺高空Skydive,Eureka Tower 88樓睇全墨爾本市景)Day6 (超過100年歷史嘅蒸氣火車Puffing Billy,澳洲都睇到櫻花?!)Day7 (勁岩打卡嘅塗鴉巷Hosier Lane,初嘗袋鼠肉Burger,越南餐廳推介) 住宿篇 (市中心Rendezvous Hotel Melbourne,樓下遇上借錢黨!)
