~今日的行程~10月18日:早餐:McDonald's -> Skydive Great Ocean Road 大洋路高空跳傘 -> 午:Miznon (地中海菜) -> Melbourne Central -> Eureka Skydeck 88 -> Crown Melbourne -> 晚:San Telmo (阿根廷菜)我地今日會挑戰 Skydive 跳降落傘!旅行前係Klook book左呢個大洋路高空跳傘 Skydive Great Ocean Road,我地加埋拍片&相,扣除優惠碼後,價錢係HK$2156.3一個人,去到現場仲要額外支付每人AUD$35的跳傘稅。 當日7:30am就要係Urban Central Hostel集合,係酒店附近搭Tram12就黎到,見有小小時間剩,我地就去左附近的M記。 由於要Skydive,我地都唔敢食咁飽,驚跳個陣嘔哂出黎呀lol,就咁買杯Cappuccino咖啡提提神就算,AUD$4.25。 shuttle接我地去跳傘的地點啦。 今日的天氣麻麻地,好多雲呀。 呢度就係跳傘前準備的地方啦。 跳之前就要填資料,簽「生死狀」啦! 呢度有座位比人坐係度休息下。 今日skydive的人數都唔係好多。 我地著好跳傘的衣服&安全帶啦。 等上機!好緊張呀! 我地Skydive之前,見到上一場Skydive的參加者準備降落。 捕捉到降落的一刻。 我地會坐呢架小型飛機skydive。話說我地第一次飛的時候,由於雲層太厚,我地唔可以skydive,要原機折返。好彩係地面坐一陣之後,天氣好少少,第二次飛就可以skydive啦,我地跳嘅高度係15,000尺。 一位教練會同一位參加者一齊跳降落傘,我地買左拍片服務,教練會帶住部GoPro幫你拍片架,而你係唔可以帶GoPro/相機/電話skydive架。 飛機的內籠。 安迪的教練影埋機師入鏡lol 機師的表情好搞笑,佢心諗:唔好阻住我起飛啦! 教練仲影埋個飛行儀表添。 上到飛機之後,教練會坐係你的後面,隨時準備skydive!飛到上空真係越黎越緊張呀,安迪係後面攝左鏡。 我地前面已經有兩個人跳左啦,架機空左好多位。 下一個到安迪準備跳啦,我個樣都好呆滯,我的教練好似睇緊張貓紙? 安迪要跳啦,佢好似一d都唔驚咁呀。 係由教練去控制你跳落去,其實就好似肉隨針板上咁,安迪個教練的拍攝角度好好,影到我地搭個架飛機添。 教練仲舉起Good的手勢。 重溫一下安迪跳落去個一刻的畫面啦。 開始降落啦,可以慢慢欣賞到大洋路的景色。 安迪跳完之後就到我啦,等我抖啖氣先。 唔知發生左d咩就跳左出去啦。 我個教練都舉起Yeah的手勢。 重溫一下我個未ready就跳左出去的樣啦。 好似雀仔咁停左係半空中,感覺好離地。 跳完之後會有張證書比返你架!仲會比埋隻usb手指你添,入面有教練剪左嘅片&來自影片入面cap出黎的相添。 跳完降落傘之後,我地就黎左呢間Miznon食地中海菜,呢間餐廳來自以色列的特拉維夫Tel Aviv,之後係巴黎、維也納、墨爾本、紐約開分店。地址:59 Hardware Lane, Melbourne VIC 3000 男友叫左杯Red Spritz。 而我就叫左杯Swedish Donkey。 Cheakypita,AUD$13,入面有鷹嘴豆餅漢堡、蕃茄、酸忌廉、辣椒、洋蔥、酸瓜。Steak & Egg,AUD$16,入面有牛扒、蛋、酸忌廉、蕃茄、洋蔥、黎巴嫩的青瓜,最特別係插左一棵蔥係度。Pita包係中東、地中海的流行的食物黎架,成個袋咁嘅包。 之後我地去左Melbourne Central商場行街。 呢個商場個頂係圓錐形的透明玻璃,下面係一座製造散彈槍彈丸的塔,叫做Coop's Shot Tower,呢座塔係1888年興建,係1961年就停止運作啦。 有個好大的陀錶,同座古老的Coop's Shot Tower好夾呀。 好鍾意個商場有d自然光透入黎。 男友係Mr Simple買左個Herschel背囊。 買左呢個black的Herschel Pop Quiz™ backpack,AUD$83.97。 買左澳洲牌子Jurlique的限量版的Sweet Peony & Tangerine 牡丹柑蜜潤手霜,AUD$59。仲去左Sephora買左d化妝品添 (當時香港仲未開Sephora),Fenty Beauty的Killawatt Freestyle Highlighter (Girl Next Door + Chic Phreak),AUD$50,Tarte的Quench Lip Rescue,AUD$27,Tarte的Tartelette Flirt Eyeshadow Palette,AUD$29,KVD的Ink Liner - Trooper Black,AUD$28,仲送左Alpha-H的Triple Action Cleanser。 仲去左澳洲牌子TEMT的一條裙,AUD$29.95。 Day2我地join的大洋路一日遊送左Eureka Skydeck 88觀景台的成人門票,於是我地今日就去下啦。 Eureka Tower位於墨爾本的商業區Southbank,所以會見到好多商業大廈。 呢間傢俬舖Gainsville的外型好特別,好多隻金色的大蜜蜂。 我地終於黎到Eureka Skydeck 88觀景台的入口啦。 Eureka Tower有91層樓高,係墨爾本最高的建築物,係全澳洲第二高的大廈。而觀景台就位於Eureka Tower的88樓,Eureka呢個名係點黎呢?原來係源自於1854年發生嘅Eureka Stockade,當時金礦礦工發起反抗英國殖民政府強迫徵收採礦費的抗議活動,導致27人死亡,最後係1857年,維多利亞議會通過授予男性白人普選權的法案,維多利亞殖民地成為澳洲首個有普選權的地方。 可以睇到哂成個墨爾本市區的景。 個天開始日落啦,可惜個天太多雲睇唔到個咸蛋黃。 墨爾本的夜景都好迷人呀。 離開Eureka Tower之後,望到我地住個間酒店 - Rendezvous Hotel Melbourne。 之後我地去左Crown Melbourne,係墨爾本的賭場黎架。 賭場入口前面的中庭,好有去左澳門的感覺,我地係賭場入面玩左一陣就走啦。 晚上,我地黎左呢間San Telmo食阿根廷菜。地址:14 Meyers Place, Melbourne, VIC, 3000, Australia 光猛嘅開放式的廚房,但座位就燈光昏暗,形成強烈的對比。 呢度放左一整排紅酒,配牛扒係一流。 左面係Salsa醬,係用番茄&辣椒整成的醬,右面係源自阿根廷的Chimichurri醬,係用番茜parsley、蒜、橄欖油、牛至oregano、紅酒醋整成嘅,係用黎點燒烤的肉。 雖然我地會食牛扒,但我地無叫到紅酒,叫左cocktail黎飲。左面係Pisco Sour,AUD$14,係源自秘魯的雞尾酒,用秘魯&智利傳統的一種由葡萄發酵蒸餾而成的烈酒Pisco加檸檬汁製成。右面係Palermo Sour,AUD$20,Palermo係位於意大利西西里島的一個城市。 源自紐約的Waldorf salad,AUD$14,,用蘋果、西芹、提子、合桃仁、加蛋黃醬整成嘅。 我地order左Solomillo西冷扒,AUD$68,係500g的O’Connor’s premium dry aged pasture fed sirloin,但我地就覺得唔值得咁貴啦,因為呢塊牛扒係勁韌。 最後唔少得就係呢間餐廳最出名的甜品 - Flan 焦糖布甸,AUD$15,真係超好食!係成晚最好食個碟野!而家見到都好想再食呀!旅遊日期:2018年10月14日- 2018年10月20日=========================覺得呢篇blog幫到你,記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update!=========================《去墨爾本玩》Day1 (Brighton Beach彩虹小屋,好chill的St. Kilda沙灘)Day2 (大洋路一日遊,12門徒石其實同耶穌冇關?!)Day3 (Phillip Island睇企鵝歸巢,同樹熊近距離影相,餵袋鼠)Day4 (South Melbourne Market食鮮甜生蠔,人氣cafe Hardware Société)Day5 (大洋路15000尺高空Skydive,Eureka Tower 88樓睇全墨爾本市景)Day6 (超過100年歷史嘅蒸氣火車Puffing Billy,澳洲都睇到櫻花?!)Day7 (勁岩打卡嘅塗鴉巷Hosier Lane,初嘗袋鼠肉Burger,越南餐廳推介)住宿篇 (市中心Rendezvous Hotel Melbourne,樓下遇上借錢黨!)