～今日的行程～10月17日：早午餐：The Hardware Société -> South Melbourne Market -> 小西貢 Victoria StreetDay 2 & Day 3 都好chur join左兩日day tour (大洋路睇12門徒石 & Philip Island睇企鵝歸巢)，所以我地今日都無編到d咩行程呀！ 係酒店樓下有間手信店，我地就行下睇下有咩買啦。 最後買左6張明信片，總共AUD$3，我覺得比Day2係Apollo Bay買的大洋路postcard正好多呀。 我地搭Tram 19/57/59黎到墨爾本的人氣Cafe - The Hardware Societe 食brekkie，(brekkie係澳洲人叫breakfast的口語黎架)可以見到間餐廳係坐滿人架！地址：123 Hardware Street, CBD, Melbourne 除左係墨爾本之外，原來係巴黎都有分店。 我叫左杯Cappuccino，AUD$4。 男友叫左杯Iced Latte，AUD$4.5。 Boudin Blanc + 加左 poached eggs 溫泉蛋，AUD$25 + AUD$3，Boudin Blanc係法國的一種腸黎架，呢碟野嘅配料有蘑菇、煙肉粒、迷迭香、麵包。 Lobster Benedict，AUD$26，有龍蝦肉嘅班尼迪蛋！ 見到有間H&M開係棟歷史愈久的建築物入面。 原來呢棟野係General Post Office, Melbourne，係1837年就建成架啦，係2001年呢棟郵政局就暫停營業，政府就租左出去做購物中心啦。 之後我地就搭Tram 96去South Melbourne Market，大家可以上佢個官網睇佢地的開放時間，佢地星期一、二、四都係休息架。地址：322-326 Coventry St, South Melbourne VIC 3205 我地黎呢個"街市"做咩呢?就係黎呢度食海鮮啦！ 除左濕貨之外，呢度都有乾貨行、有d店可以行下架。 唔講咁多，我地睇下食乜先，眼見好多人都會食龍蝦同生蠔！ 我地懶得剝殼，所以只係食生蠔就夠啦！ 我地首先買左一打來自South Australia南澳洲的Smoky Bay Oysters，AUD$20，味道好清甜，帶點海水的咸味，食完真係顛覆我對生蠔的印象，原來係可以咁好食！食食下生蠔發現，係我地隔離食緊龍蝦嘅情侶係Day2大洋路trip的團友！係來自新加坡的情侶，我地咁橋竟然咁都再次遇到對方，我地互相點點頭，say個hi，就繼續專心享受美食啦！ 每人食左半打生蠔都唔夠喉，之後我地就試下一打來自South Australia南澳洲的Coffin Bay Oysters，AUD$18，清甜度同Smoky Bay Oysters差唔多，但就比Smoky Bay Oysters細隻d，所以我會鍾意Smoky Bay Oysters多d！每人食左一打高質新鮮生蠔真係好滿足！大家就算麻麻地食生蠔，都一定要黎試下，信我！食一隻就會愛上呢度的生蠔！ 離開South Melbourne Market後見到呢間Passionfoods Eco-Living Store就行下啦。地址：219 Ferrars St, South Melbourne VIC 3205 最後買左支Emma & Tom's的Pressed Cloudy Apple，旅行都好少食生果&菜，唯有飲下呢d蘋果汁，健康d啦。 行行下見到藍色牆就影返張相先。 之後我地就去左Day1提及過住係Richmond的表弟屋企，見到香港幾乎拆哂的鞦韆，仲要無人玩緊，就即時同表弟上去玩啦。 我地又去左Coles買左零食手信。Cadbury吉百利的Cherry Ripe，AUD$2.3，好鍾意車厘子味要試下，Milo美祿的Dipped Snake Bars，AUD$5，David Beckham碧咸的Deodorant Spray止汗劑，AUD$4 一支，Darrell Lea的Raspberry Choc，AUD$3，我覺得麻麻地，好硬唔好咬，Coles的3 in 1 Sensitive Facial Cleansing Wipes，AUD$2，Lindt瑞士蓮的Heavenly Crème Brulee Milk，AUD$3，法式燉蛋味朱古力，Arnott's的Shapes，AUD$5，入面有15包3種味的餅乾，派手信一流，Pods with Snickers同Pods with Twix (160g)，AUD$4.25，Pods with Mars (280g)，AUD$5，黎澳洲一定要買Pods的朱古力夾心餅，Pods with Mars係三種味最好食，佢係咸味d！Twix係甜少少，Snickers就花生醬味！ 男友有d傷風，就買左Nurofen的Cold and Flu傷風藥12粒，AUD$9。 係Chemist Warehouse買左Lucas Papaw Ointment，AUD$6，澳洲好出名的木瓜霜，佢可以治療輕微割傷、輕微燒傷、輕微燙傷、蚊咬、嬰兒尿布疹等。 之後佢就帶我地行下Richmond的越南街。 呢條Victoria Street有小西貢 Little Saigon或者小越南 Little Vietnam之稱，係呢條街會發現好多越南餐廳/店舖，我地Day7都會黎呢度食越南野架！ 呢度五顏六色的屋令我諗起新加坡的Haji Lane同布吉的Thalang Road呀。 呢棟建築物就係模仿越南胡志明市的濱城市場Chợ Bến Thành啦。 我地去左越南街的Woolworths買野，買左Coles張圖入面嘅Doritos的Guacamole牛油果醬味同Salsa莎莎醬味，AUD$2.5，我地買左d 咖啡膠囊，Map的Cappuccino Blend，AUD$5，Gloria Jean's 的 Classic Hot Chocolate Drink，AUD$5，Baileys的Coffee Pods，AUD$5，仲有Kinder出奇蛋，AUD$4，係細個食個種，外面係朱古力，入面係玩具！之後我地係親戚屋企食飯的相就無影到啦，係呢個trip唯一食左的中餐呀。 晚上返到Flinder Street，見到間Ben & Jerry's好興奮！就立即買雪糕食啦。 我揀左3隻味，AUD$10.3，包括Chocolate Fudge Brownie、Gimme S'more、Coconut Seven Layer Bar，佢地d味都好特別，入面加左好多材料。 臨返酒店醒起未買聽日早餐，於是又去Coles買野啦，買左Coles的Egg Mayo & Bacon三文治，AUD$6。 我地買左Impressed的Cold Pressed Juice 冷壓果汁，AUD$4 一支。 Day1買左Coles的5 Choc Cherry Slices覺得好正，於是再番兜返一條，然後再買埋Hedgehog Slice黎試下，但始終都係5 Choc Cherry Slices正好多。 仲買左Coles的Australian Natural Spring Water，AUD$0.7一支。旅遊日期：2018年10月14日- 2018年10月20日 =========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去墨爾本玩》Day1 (Brighton Beach彩虹小屋,好chill的St. Kilda沙灘)Day2 (大洋路一日遊,12門徒石其實同耶穌冇關?!)Day3 (Phillip Island睇企鵝歸巢,同樹熊近距離影相,餵袋鼠)Day4 (South Melbourne Market食鮮甜生蠔,人氣cafe Hardware Société)Day5 (大洋路15000尺高空Skydive,Eureka Tower 88樓睇全墨爾本市景)Day6 (超過100年歷史嘅蒸氣火車Puffing Billy,澳洲都睇到櫻花?!)Day7 (勁岩打卡嘅塗鴉巷Hosier Lane,初嘗袋鼠肉Burger,越南餐廳推介)住宿篇 (市中心Rendezvous Hotel Melbourne,樓下遇上借錢黨!)
