～今日的行程～10月16日：月光野生動物保護園 Moonlit Sanctuary Wildlife Park -> 丘吉爾島 Churchill Island -> Phillip Island Chocolate Factory -> 樹熊保護中心Koala Conservation Centre -> 諾比斯中心 Nobbies Centre -> 企鵝歸巢巡遊 Penguin Parade今日一早出發去join 菲利普島 Phillip Island睇企鵝歸巢day tour，我地係旅行前係Klook book左呢個菲利普島企鵝歸巢巡遊一日遊，Penguin Parade有3種門票，分別係General Viewing：一般戶外觀景台，睇企鵝由海度上水再行上沙灘。Penguins Plus：戶外超級觀賞台，高處睇企鵝行返個巢度。Underground Viewing：室內地下觀景台，平視睇企鵝行，室內同時有螢幕直播企鵝係海上水再行上沙灘的過程，另外，亦都可以去戶外超級觀賞台睇企鵝行返個巢度，我地當然係揀Underground Viewing，扣除優惠碼，門票＋旅行團當時的價錢係HKD$870.6。當時預計的行程如下：10:30 AM 墨爾本市區酒店接送11:30 AM 月光野生動物保護園 Moonlit Sanctuary Wildlife Conservation Park睇澳洲野生動物1:00 PM 丘吉爾島Churchill Island 睇當地牧民表演剪羊毛show和牧羊犬show2:00 PM 樹熊保護中心Koala Conservation Centre3:00 PM 諾比斯中心 Nobbies Centre睇企鵝巢穴4:30 PM 觀賞企鵝歸巢巡遊 Penguin Parade9:30 PM 返程回到墨爾本市區酒店 離我地最近嘅集合點係St Paul's Cathedral, Melbourne，我地早10分鐘 10:20am就到左啦，10:40am旅遊巴會黎呢座聖保羅座堂接我地。 第一站，黎到月光野生動物保護園 Moonlit Sanctuary Wildlife Conservation Park，呢個動物保護園有好多澳洲本地的動物睇，呢個旅行團包左入場券，而其他活動係要額外加錢嘅，我地就買左Koala Petting (AUD$20一位x2)同埋Kangaroo & Wallaby Food (AUD$2一包)。 入場之後，首先係食左午餐先，旅行團係包左午餐架。 午餐比琴日大洋路個Day tour頹，我地要排隊拎麵包、沙律、腸仔、德國酸菜等。 我地嘅午餐。 photo from https://moonlitsanctuary.com.au/食完野，我地就自由參觀保育公園啦，上圖係公園的地圖，有勁多動物可以睇呀。 呢隻係毛鼻袋熊 Southern hairy-nosed wombat，係澳洲發現到的三種袋熊的其中一種。 小袋鼠 Wallaby，佢地的身型比袋鼠細兩倍有多。 琴日係Kennett River見到紫水雞 Purple Swamphen，點知今日都比我地見到佢，仲餵左佢食野添。 仲餵左隻Wallaby食野，佢個袋入面有隻Wallaby BB架。 呢隻體型大好多就係袋鼠 Kangaroo，佢個為食樣好可愛呀。 唔知點解個得呢張相好搞笑，好似隻袋鼠同緊隻鵝講野咁。呢隻鵝叫做蠟嘴雁 Cape Barren goose，佢係澳洲的南部生活架。 等我餵隻袋鼠食野先。 呢d袋鼠攤係到好歎呀。 呢隻袋鼠係安迪餵緊佢嘅時候，捉住佢隻手呀。 我地book左一點鐘Koala Petting，近距離同樹熊影相，價錢係AUD$20一位。 樹熊係澳洲特有的生物黎，佢地食尤加利樹eucalyptus tree 的樹葉去生存，由於尤加利葉的營養好少，樹熊每日要都瞓接近20個鐘，佢地清醒的時候大部分時間都用左黎食野，所以呢隻樹熊都瘋狂咁食緊野呀。 因為樹熊係尤加利葉入面得到足夠的水分，所以，佢地都好少飲水，因此澳洲原住民的方言Dharug叫佢做gula，意思就是唔喝水咁解，樹熊英文的Koala就係由此而來啦。 原來全澳洲只有三個州係可以合法抱樹熊，分別係昆士蘭 Queensland、南澳州 South Australia、西澳州 Western Australia，由於我地係維多利亞州 Victoria，所以就只可以同樹熊影相。 同樹熊影張Selfie先。 捕捉到樹熊唔係樹上的時候！ 大家識分鴨同鵝嗎? 鴨的頸比較短、鵝的頸長好多。鴨的體型比較小、鵝的體型比較大。鴨的嘴形較長、呈扁平狀、鵝的嘴較短、呈角錐狀。 遇到隻袋鼠仔，餵佢食野先。 餵餵下袋鼠，隻蠟嘴雁走出黎爭食，好搞笑呀。 到安迪餵袋鼠仔啦。 我將剩低的飼料一次過掉哂比d鴨同鵝食。 第二站，黎到Churchill Island睇當地居民畜牧的活動。 當時有5樣畜牧活動睇，包括馬車遊、擠牛奶、剪羊毛、甩皮鞭、牧羊犬表演。我地睇到甩皮鞭、牧羊犬、剪羊毛表演。 呢隻馬的頭髮好長呀。 同佢影返張相先，佢d頭髮遮住隻眼，唔知佢睇唔睇到野架呢？ Whip Cracking甩皮鞭表演開始啦。 佢輕輕用力就可以令皮鞭發出勁大聲，之後佢邀請觀眾試下甩皮鞭，當然無佢打到咁清脆利落啦。 之後就到Working dogs牧羊犬表演啦。 係牧民的指揮下，牧羊犬趕羊群去一個地方，我覺得最得意都係睇羊咩咩被牧羊犬趕走的樣。 最後就係Sheep Shearing剪羊毛表演。 牧民拖隻羊出黎，然後好快手地幫隻羊剪毛，隻羊都好乖，完全無反抗。 表演完左之後，仲可以摸下岩岩剪完嘅羊毛！ d羊毛好柔軟，不過原來摸完隻手係會勁油！ 仲可以去羊欄度睇下剪完毛的羊。 去下一個站的時候係旅遊巴見到蠟嘴雁一家，爸爸帶路，鵝bb係中間，媽媽尾隨鵝bb。(當時落緊毛毛雨)係澳洲郊外搭車，成日都會見到野生的動物，甚至會見到小袋鼠&袋鼠添！ 第三站，Phillip Island Chocolate Factory。 咁細的Phillip Island 都有朱古力工廠。 入黎主要都係買下朱古力做手信。 有朱古力試食。 最後我剩係買左Panny's Milk Pistachio，AUD$4.5，見到係開心果朱古力咁少見就買黎試下， 第四站，樹熊保護中心Koala Conservation Centre。 入面可以遠距離睇下樹熊，好似玩緊Where's Wally，搵下d樹熊匿埋係邊度。 咁岩捕捉到一隻係樹上爬緊的樹熊，佢地每日訓接近20個鐘，見到樹熊有咁大的活動好難得！ 仲要fing頭添，好可愛。 呢度有兩條路徑，分別係Koala Boardwalk同埋Woodland Boardwalk，岩岩行左Koala Boardwalk，呢度寫住Woodland Boardwalk有6隻樹熊，睇下我地搵唔搵得哂啦！ 發現有隻訓成咁好搞笑XD 第五站，諾比斯中心 Nobbies Centre。 入面有餐廳，其實我地要出去海邊。 我地黎呢度係做咩架呢?其實我地係要搵企鵝的巢呀!明明我地今晚都會睇企鵝歸巢，點解仲要黎呢度睇企鵝的巢呢?原來今晚企鵝歸巢係唔比影相架，因為驚遊客的閃光燈會嚇親d企鵝，會令佢地唔記得點樣行返去自己個巢架。 企鵝爸爸日頭出海捉魚，企鵝媽媽&BB就留係巢度，企鵝爸爸天黑就返去巢度餵魚比佢地食啦。 又發現到一個有企鵝的巢啦。 發現兩隻企鵝係木橋底呀！係Phillip Island的企鵝都係小藍企鵝 Little penguin，係企鵝家族中體型最細的企鵝，由於佢地背上都係藍色的羽毛，所以就叫做小藍企鵝啦。 唔好睇企鵝細細隻，佢地由海灘度上水，然後行上山返自己的巢度，自己行都唔容易，更何況係企鵝仔！ 諗起琴日去大洋路見到好多地理堂學嘅海岸地形，今日見到海蝕平台呀。 呢度都匿埋左隻企鵝呀。 睇完企鵝的巢，終於都出發去第六站睇企鵝歸巢 Penguin Parade啦！由於天黑佢地先至上水歸家，所以就7:30pm先開始，如果夏天黎睇企鵝歸巢就會夜d先開始啦，因為夏天夜d先至天黑。 睇企鵝之前就係Penguin Parade入口外的food court食晚飯啦，晚飯係自費的。 Food court都有足夠的位比所有睇Penguin Parade的遊客食野。 我叫左Slow cooked open lamb souvlaki，AUD$19，慢煮羊肩肉彼得包配薯條&菲達芝士Feta&希臘沙律醬Tzatziki。 Gippsland roast beef dinner，AUD$23，燒Gippsland的牛肉配蔬菜&麵包&西洋山葵忌廉horseradish cream。仲加左杯熱朱古力，AUD$4.8由於企鵝歸巢都唔可以影相，唯有用網上圖片啦。 from https://www.penguins.org.au/呢個就係General Viewing：一般戶外觀景台，睇企鵝由海度上水再行上沙灘。 from https://www.penguins.org.au/樓上就係Penguins Plus：戶外超級觀賞台，高處睇企鵝行返個巢度。樓下室內就係Underground Viewing：室內地下觀景台，平視睇企鵝行，亦都可以隨時上樓上個Penguins Plus架。而我地就係買左Underground Viewing的飛啦。 from https://www.penguins.org.au/呢個就係Underground Viewing入面的樣，當日落緊毛毛雨，Underground Viewing的好處就係有瓦遮頭！ from https://www.penguins.org.au/Underground Viewing可以平視睇到企鵝行。 呢張係我地影嘅相，Underground Viewing同時有螢幕直播企鵝係海上水再行上沙灘的過程。 from https://www.instagram.com/phillipislandnp/d企鵝真係傻下傻下咁，行行下企左係度，好似諗緊點返屋企咁。 from https://www.penguins.org.au/我地個導遊都非常幽默，佢話如果想post企鵝歸巢的相上社交平台，不妨google搵攝影師影的企鵝相黎post，話唔定你的朋友會以為你做左National Geographic的攝影師添呀。導遊仲分享左以前曾經有個遊客偷左隻企鵝仔走，叫我地估下呢個遊客的國藉。答案係澳洲人，仲要係飲醉左的澳洲大漢，佢話飲醉左的澳洲男人都好顛架，真係令我地全車人都笑左！睇完企鵝都好夜啦，回程都係訓教，返到酒店都已經成12點！旅遊日期：2018年10月14日- 2018年10月20日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去墨爾本玩》Day1 (Brighton Beach彩虹小屋,好chill的St. Kilda沙灘)Day2 (大洋路一日遊,12門徒石其實同耶穌冇關?!)Day3 (Phillip Island睇企鵝歸巢,同樹熊近距離影相,餵袋鼠)Day4 (South Melbourne Market食鮮甜生蠔,人氣cafe Hardware Société)Day5 (大洋路15000尺高空Skydive,Eureka Tower 88樓睇全墨爾本市景)Day6 (超過100年歷史嘅蒸氣火車Puffing Billy,澳洲都睇到櫻花?!)Day7 (勁岩打卡嘅塗鴉巷Hosier Lane,初嘗袋鼠肉Burger,越南餐廳推介)住宿篇 (市中心Rendezvous Hotel Melbourne,樓下遇上借錢黨!)
