～今日的行程～10月15日：分離點燈塔 Split Point Lighthouse -> 大洋路紀念碑 Great Ocean Road Memorial Arch -> 肯尼特河 Kennett River -> 阿波羅灣 Apollo Bay -> 午：ILUKA Motel & Restaurant -> 12門徒石 12 Apostles -> 下午茶：McDonald's -> 晚：Chin Chin (泰國菜)今日一早出發去join 大洋路 Great Ocean Road day tour，我地係旅行前係Klook book左呢個墨爾本大洋路經典一日遊，扣除優惠碼，當時的價錢係HKD$652.65，仲送Eureka Skydeck 88觀景台的成人門票添。當時預計的行程如下：6:45 AM - 7:15 AM 墨爾本市區酒店接送7:30 AM 從墨爾本Bunyip門店出發9:00 AM 到達分離點燈塔 Split Point Lighthouse10:30 AM 大洋路紀念碑 Great Ocean Road Memorial Arch11:30 AM 肯尼特河Kennett River野生動物體驗，尋找野生樹熊與本土鳥類12:30 PM 在阿波羅灣 Apollo Bay享受咖啡廳西式午餐1:30 PM Great Otway National Park熱帶雨林體驗 2:00 PM 沿吉布森階梯Gibson Steps步行至沙灘3:30 PM 阿德湖峽Loch Ard Gorge4:00 PM 12門徒石12 Apostles7: 30 PM 返程回到墨爾本酒店 7:15am，我地的酒店同Bunyip旅行社的距離好近，所以我地就行去Bunyip度上旅遊車啦。 因為我地係最後一站先上車，所以d連位都比人坐哂，最後要我地要分開坐 >.<(好彩旅程中段有人讓位比我地一齊坐) 第一站，黎左呢個好空曠的公園，圖中所有人都係團友黎架。 原來我地係黎呢度食早餐，有餅乾、茶、咖啡等等，都幾頹呀。 第二站，到達分離點燈塔 Split Point Lighthouse，呢個燈塔係1891年就建成架啦，而家都仲keep得好好。 呢度望到的海景真係一流！ 然後我地就行落山睇下。 呢度好近海，個view仲靚d。 呢度的資料板寫住，冬天五至十月之間，有機會見到南露脊鯨Southern right whale係度餵食同埋繁殖架。 係一望無際的大海呀。 呢度望返去燈塔，原來我地行左咁遠。 呢度大風到我都係影背面算啦。 不忘幫男友影返張靚靚背景相。 第三站，大洋路紀念碑 Great Ocean Road Memorial Arch。 大洋路係由3000名第一次世界大戰歸來的士兵由1919年開始興建，係1932年建成，全長約243公里。 澳洲政府興建大洋路係為左紀念係第一次世界大戰中犧牲的士兵。 呢度有個沙灘。 無乜野睇，唯有影下相。 第四站，Mount Defiance Lookout，旅遊車短暫停留係度比我地影下相，而家個天真係好靚呀。 呢度有個牌寫住興建大洋路係為左紀念係第一次世界大戰中水手及士兵的服務。 第五站，肯尼特河Kennett River，我地會黎呢度睇野生的樹熊&澳洲的鳥類。 發現到野生的樹熊啦！呢度d樹都好高，d樹熊係樹上面又好少郁動，所以都好難影到佢地呀。 而呢度最多嘅就係葵花鳳頭鸚鵡 Sulphur-crested cockatoo。 好多人都會餵野食比鸚鵡架，佢地會飛上遊客的膊頭或者頭頂架。 除左鸚鵡之外，呢度都好多太平洋黑鴨 Pacific black duck，但佢地當然無葵花鳳頭鸚鵡咁受歡迎啦。 被我捕捉到隻紫水雞 Purple Swamphen，佢地好似偷偷摸摸係側邊偷走咁 lol。 第六站，終於黎阿波羅灣 Apollo Bay食午餐啦，呢度好似郊外中的小鎮咁，d餐廳同鋪頭都集中哂係度。 Day tour係包埋午餐架，今朝上旅遊車無耐，導遊兼司機就派定落單紙比團友order午餐，lunch直接黎到ILUKA Motel & Restaurant坐底就有得食啦，唔洗哂時間諗食咩同買餐啦。地址：47 Charles St cnr Owen St, Iluka, New South Wales 2466 Australia 男友叫左Pizza Capricciosa。 我就叫左Roast Chicken。以呢個價錢的旅行團黎講，午餐&餐廳的質素都唔錯啦。 食完野，我地就行下Apollo Bay的鋪頭。 去左呢間店買左本Postcard，好似有10張，入面都係大洋路嘅相黎，AUD$4.5。 最後我係呢間Bay of Apostles買左野。 我買左兩舊番梘，AUD$7.95一舊。放左係屋企兩年無用過，都仲係好香呀。 第七站，終於都去睇12門徒石 12 Apostles啦！！！見到路牌寫住小心有蛇，有少少驚添！ 當時係3:00pm，開始天陰陰咁，終於見到傳說中的12門徒石。 其實12門徒石同耶穌的十二個門徒係無關係的，當初係叫做 Sow and Piglets，姐係母豬和小豬們咁解，只係當地政府為左吸引遊客黎而改成12門徒石。而點解呢度會有幾舊岩石柱係海邊呢？其實呢d柱係由海岸侵蝕而形成，地理學名叫做海蝕柱。而原本係有9舊海蝕柱係呢度，係2005年&2009年其中兩舊因為海蝕而倒塌左，而家得返7舊炸。 睇呢d海蝕柱，令我諗起中學讀地理的時候去西貢睇海岸地形的field trip。 如果可以早d黎睇12門徒石就更好啦。 原來左邊仲有兩舊海蝕柱係度。 行度黎呢度望返過去，數唔數到有7舊海蝕柱呢？ 睇完12門徒石先見到呢個牌，姐係呢度先係門口 lol，睇黎我地係由終點相反方向行到去起點。 呢度有個地圖，除左12門徒石，其實仲有其他風景睇架。 我地行到黎阿德湖峽Loch Ard Gorge。 原來Loch Ard Gorge名稱的由來係有意思嘅，1878年6月1日一艘由英國駛往澳洲的移民船 - 阿德湖號 Loch Ard 係呢度觸礁遇難，船上52人死亡，只有2人生還，為左紀念呢d遇難者，所以就將呢個峽谷命名為 - Loch Ard Gorge。 呢度仲見到d鍾乳石添。 呢度又見到兩舊比較大嘅海蝕柱，佢地叫做Tom and Eva，係紀念上面提及過阿德湖號 Loch Ard的兩位生還者。 呢個就咁睇係一個好長嘅海蝕崖。 原來佢係同陸地分離左，其實係一個巨型的海蝕柱！佢個名叫做The Razorback。見完咁多大自然的「作品」之後，我地就上旅遊車回程啦。雖然有d景點無時間去，(因為大洋路都有好多道路工程進行緊，經常要等紅綠燈單線行車，所以車程都好長)但睇到墨爾本的自然景色都好值得，特別係讀過地理的朋友都會覺得幾吸引！另外，值得一提係導遊真係一份辛苦工，要一邊揸車、一邊介紹下景點 (同時覺得幾危險)，作為一個團友咁早起身坐成日車都覺得好攰，更何況係要全日聚精會神的導遊！ 回程的時候，導遊係一個叫做Colac的小鎮停低比團友們休息30分鐘，我地就去左M記買野食。 雖然呢度係小鎮，但都有order機買野食。 我地買左Custard Pie，AUD$1.5，吉士批好正！ 仲叫左細嘅 Gravy Loaded Fries，加左shaved Parmesan Cheese，AUD$4.5， 中文姐係碎巴馬臣芝士肉汁薯條，咦...姐就係加拿大嘅Poutine？ M記放茄汁調味料的位有Vegemite拎！！！Vegemite係澳洲好常見的醬黎，係由釀酒業的副產品酵母萃取物經加工而成，澳洲人通常係用黎查麵包食嘅。我地拎左兩舊返香港試下，唔洗係超市買成支咁浪費啦，佢味道又鹹又苦咁，對我黎講試一次就夠啦。 我地返到酒店休息一下之後，就黎左呢間Chin Chin食泰國野。地址：125 FLINDERS LANE, MELBOURNE VIC 3000. T. 03 8663 2000 呢間餐廳的裝修到好似間酒吧咁，好有情調。 Chin Chin Pork "Roll Ups"，AUD$23.5。 將慢煮手撕豬肉同香菜放係薄餅上面，再卷埋佢，然後點醬黎食。 Pad Thai Noodles，AUD$27.5，去泰國餐廳我都好鍾意嗌金邊粉食。 Butter Chicken Curry，AUD$28.5，Coconut Rice，AUD$5.5，我怕辣所以就揀左牛油雞咖哩，仲加左個椰子飯，夾埋好正呀。 我叫左杯Cocktail，叫做Molly Boom Boom，AUD$20。澳洲的酒稅高，所以飲酒都好貴。 Traditional Thai Red Tea served over ice with coconut condensed milk，AUD$7.5，男友叫左杯泰式奶茶。 呢個兔仔係Chin Chin的吉祥物黎架。 食完野我地就行返酒店，經過唐人街。 上篇blog提及澳洲有兩大超級市場，分別係Coles同埋Woolworths，Day 1去左Coles，今日就行下Woolworths，不過呢間Woolworths Metro係比平時Woolworths細間好多架。 買左好多包呢d Macro出的健康小食，AUD$1包，用黎做手信都係一流。 自從係瑞士食過一次Ben & Jerry's之旅就愛上左，呢隻味係Chocolate Chip Cookie Dough，AUD$3.95。 Marco的 High Fibre Coconut Muesli，AUD$4.2，呢個好好食，臨訓前倒Muesli落個杯到，加奶然後放入雪櫃，第二朝拎出黎就食得！Marco的 White Quinoa，AUD$7.7，Mariani的Kangaroo Jerky，AUD$4.95，係袋鼠肉乾，個人覺得牛肉乾好食d，Kit Kat的 Chunky Choc Fudge Sundae，AUD$1。 仲買左呢支Heinz的Garlic Aioli醬，AUD$4.39。成日係餐廳見到Aioli醬，所以就買黎返香港試下，其實係源自地中海菜式的蒜泥蛋黃醬。旅遊日期：2018年10月14日- 2018年10月20日=========================覺得呢篇blog幫到你，記得like Facebook Page: https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/YouTube: 曳豬到爆炸收到個blog的最新update！=========================《去墨爾本玩》Day1 (Brighton Beach彩虹小屋,好chill的St. Kilda沙灘)Day2 (大洋路一日遊,12門徒石其實同耶穌冇關?!)Day3 (Phillip Island睇企鵝歸巢,同樹熊近距離影相,餵袋鼠)Day4 (South Melbourne Market食鮮甜生蠔,人氣cafe Hardware Société)Day5 (大洋路15000尺高空Skydive,Eureka Tower 88樓睇全墨爾本市景)Day6 (超過100年歷史嘅蒸氣火車Puffing Billy,澳洲都睇到櫻花?!)Day7 (勁岩打卡嘅塗鴉巷Hosier Lane,初嘗袋鼠肉Burger,越南餐廳推介)住宿篇 (市中心Rendezvous Hotel Melbourne,樓下遇上借錢黨!)
