我地今次快閃三日兩夜宿霧係入住Shangri-La's Mactan Resort & Spa，旅遊套票係Expedia度買，包左機票＋酒店住宿的，包括有2人來回香港-宿霧的國泰機票＋2晚香格里拉酒店(包早餐)，而我地住的房型係Ocean Wing的Premier Room，有一張King size床，價錢總共係HK$8,174.78，除開每人係HK$4087.39。 酒店有車免費的shuttle由機場接我地去酒店。 呢個resort買左兩大棟building，分別係Main Wing同埋Ocean Wing，顧名思義，Ocean Wing係比較近海的，而Main Wing個building就大好多，目測大Ocean Wing 3-4倍架。 我地的酒店房就位於Ocean Wing，個building細好多，所以個reception 大堂都相對細d。 Check in的時候送上左一杯welcome drink。 當時已經係2:30pm，但酒店竟然仲未有房！ (酒店check in時間係2:00pm已經開始！)當時酒店就送PHP$2000 credit (相當於約HK$318)比我地係酒店的餐廳入面消費。1）Room Tour 最後我地4點終於有房啦！ 一入門口轉左就係浴室。 沖涼用品係香格里拉自家用品，特別一提備品入面竟然有洗衣粉，應該係比客人用黎洗泳衣，好貼心呀！ 浴缸，當時好急影完相落去沙灘玩，所以無留意到影唔哂個浴缸！ 衣櫃＋茶几的位置。 張King size睡床好闊呀，隔離有張梳化。 電視機&書枱。 仲有個小露台。 出面係園林景。 勉強睇到極少量海景架。 呢張就係Resort的地圖啦， 可以見到呢間resort都相當大呀。2）早餐Shangri-La's Mactan Resort & Spa有兩個地方食早餐，分別係Aqua同埋Tides，兩個都係自助早餐黎，Aqua細d，位於Ocean Wing，而Tides就大間好多，位於Main Wing。我推薦大家去Tides，因為Tides的食物種類比Aqua豐富d架。 我地Day2去浮潛玩下水，所以唔食咁飽，就揀左少d野食的Aqua。 詳細食左d乜可以睇番Day2。 呢間就係位於Main Wing的Tides，好多人黎食，要等一等位，大家想食Tides就要早d起身呀。 好大間餐廳，擺放食物的位置都好多。 除左普通西式早餐的野之外，有湯、冷麵拎！ 另外仲有甜品、雪糕添！詳細分享請睇Day3。3）午餐/晚餐 頭先早餐介紹嘅Acqua餐廳，雖然早餐食物種類比較少，但坐戶口座位係可以離遠望到海架。 而開頭提及酒店送左PHP$2000 credit比我地食野，我地就黎左呢間Acqua食午餐啦，Day1會詳細分享我地食左d乜。 Resort最打卡就係呢間Cowrie Cove餐廳的The Observatory，成間餐聽只有一個涼亭位炸，係海邊超高私隱度的位呀。呢個涼亭位於海邊的小懸崖上面， 當時落緊細雨， 間唔中行雷閃電添， 一路食一路感受大自然的威力咁！ 我地order左4道菜的Set Menu Seaman，詳細的review請睇Day1。 呢個set除左包一支紅/白酒外，仲會送一扎花添架，好浪漫呀。4）私人沙灘 Shangri-La's Mactan Resort & Spa最煞食嘅地方就係一個私人沙灘。 個私人沙灘只供住客使用，唔會太多遊客！ 更多沙灘的靚相請睇Day1。5）泳池呢間Resort總共有兩個泳池，分別係位於Resort中央的Main Pool and Water Slide，另一個泳池細d，係近Ocean Wing的 Ocean Wing Pool。 呢個就係Main Pool and Water Slide啦。 Main Pool and Water Slide顧名思義就係有個水上滑梯啦。 呢個細d的池就係Ocean Wing Pool啦，可以睇到海架。6）水上活動 Resort有個水上活動中心，由Scotty's Action Sports Network (SASN) 營運架，有水肺潛水、水上拖傘、香蕉船、水上電單車等等的收費活動玩。 有興奮可以黎水上活動中心度睇下有咩水上活動、時間表，睇岩活動就可以係度報名啦。 我地最後揀左好少見的頭盔潛水，我稱之為「懶人潛水」呀，因為佢實在比水肺潛水方便得多。唔洗識游水、唔洗識潛水、 唔洗孭好重嘅氧氣樽、唔洗咬住個呼吸器、唔洗著好緊嘅潛水衣、 口鼻可以同時呼吸， 戴埋眼鏡去潛水都無問題！更多海底的靚相請睇Day3。7）其他設施 呢度有個E-Zone。 有卓球、遊戲機、小食買。Resort其實仲有好多活動/設施都未仲發掘哂！ 呢度係Ocean Wing。 呢度係Main Wing，好有度假feel。 Main Wing的Lobby係好大，比Ocean Wing的Lobby大好多。 總括黎講，呢間resort雖然遲左2個鐘先比到酒店房我地，留左一個唔好的第一印象，但係resort的設施/活動一應俱全，係呢度hea返兩三日都無問題！旅遊日期：2018年6月30日- 2018年7月2日 =========================覺得呢篇blog幫到你，記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update！=========================《快閃宿霧》Day1 (差d被機場職員騙去$100美金! 閃電毛雨下在海中食超浪漫大餐!)Day2 (跳島Island Hopping,浮潛,超市必買手信,食菲式燒乳豬)Day3 (懶人頭盔潛水,國際明星賣廣告嘅宿霧平價牌子,宿霧新機場)住宿篇 (有私人沙灘嘅Resort - Shangri-La's Mactan Resort & Spa)
