～今日的行程～ 6月30日：香港機場 -> 宿霧國際機場 -> Shangri-La's Mactan Resort & Spa -> 午：Acqua -> Resort的私人沙灘 -> 晚：Cowrie Cove's The Observatory繼上一次《快閃胡志明市》之後，我地又唔覺意買左張套票，快閃三日兩夜宿霧！同上次一樣又係搭早機去，今次比上次仲早左20分鐘添，係8:15am嘅機呀。 我地又係去環亞機場貴賓候機室 Plaza Premium Lounge免費食下野。 今次拎左呢罐韓國啤酒Black Beer Stout黎飲，只能說唔係我杯酒。 今日嘅天氣好好呀，希望宿霧都係咁好天啦。 我地今次又係搭國泰，最後班機都係要delay去8:50am，搞到我唔覺意係機場敗左個Furla袋仔。 8:40am我地終於登機啦。 藍藍天空高掛我的夢～ 我地又帶左隻熊仔一齊去旅行啦。 我地今次搭嘅機型係A330-300，座位係2-4-2咁分布，最岩情侶們兩個人坐窗邊的機型。 最後搞到9:30am終於起飛啦。 大家認到呢度係咩島嗎？ 今日咁好天氣，都好有旅行嘅mood呀。 又係同上次《快閃胡志明市》一樣嘅粥。 又係同上次《快閃胡志明市》一樣嘅西式早餐。 11:42am我地準備降落啦，離遠見到宿霧藍綠色嘅海，真係好期待呀。 見到眼前清澈綠色的海水，令我諗起我地嘅《去馬爾代夫嘆》，當然馬爾代夫會再清澈多10倍以上啦。 12:00pm降落左宿霧國際機場，比原定時間遲左一個鐘。宿霧同香港係無時差的。 麥克坦-宿霧國際機場 Mactan–Cebu International Airport，咁岩Mactan個字維修緊。 到達宿霧機場後，我地拎完行李打算離開禁區，點知出去係要過安檢的X光機，職員要求行李喼過X光機 (但竟然我地個背囊係唔洗過X光機)而且我手上的Furla紙袋竟然都要過機！之後職員就話我紙袋入面個袋要填申報表，個袋係香港機場買左HKD$2723，由於個袋價值超過USD$250，職員叫我地去圖中的Duty Cashier啦。之後，Duty Cashier個職員就想收我USD$100的稅 (接近HKD$800!)我地O左咀，之後職員就話比個半價我，只收USD$50 (接近HKD$400!!!!!)呢個時候已經有個韓妹都因為係韓國機場買左野而比緊關稅，而我地身上無USD$50，男友就俾職員駛去找換店兌錢交關稅。 呢個Duty Cashier的counter貼左用中英日韓四種語言的條例，內容只係寫帶外來物品入菲律賓境要比關稅，但完全無寫咩種類的物品要比稅、價錢幾多的物品要比稅、要比幾多稅？我當時上網search極都無相關的資料，亦都唔見有旅行社提醒旅客係香港機場買野入境菲律賓會被徵收關稅。男友兌完錢番黎之後，我就叫男友唔好比錢個職員住，好似有D唔對路！！！係呢個時候，又有另一個韓妹因為係韓國機場買左野而被徵收關稅，而佢都同我地一樣覺得無理由要比關稅。於是職員就話可以寄存件物品係度，離境個日先拎走。但係宿霧聽日就會起用新機場，我地又可以點搵得番呢個Duty Cashier拎返d野？職員話會比張收據我地，於是個韓妹就選擇左寄存件行李係度。我覺得咁樣不明不白就要放件野係度好唔合理，於是職員搵張有關關稅的單張比我地睇，發現單張的內容都係好含糊!於是有個高級D的職員就搵左幾本條例的法律書比我睇，內容都係無寫清楚咩物品係要比稅。高級職員就話：你黎到菲律賓就要遵守我地的條例，我地覺得乜野要比稅就要比稅！搞咁耐原來D條例係話d職員大哂！！咁我地只好選擇寄存件行李係度，但係要比寄存行李費。佢會根據你放幾多日，就收幾多錢。(好彩我地只係快閃3日)個職員話3日大約要比PHP$500 (約HKD$80)離境當日先比錢。(不過離境當日拎番個袋困難重重，將會係Day3再講！)p.s. 當時有搵酒店的職員幫手，但佢地都話唔清楚......p.s. 既然佢唔check背囊，我早知就放個紙袋去背囊度...... 搞到2點，我地都終於出發去Shangri-La's Mactan Resort & Spa，酒店有車免費接我地去酒店，成架shuttle只有我地兩個乘客！ 記得係機場拎埋呢張Globe的Traveler SIM呀，當時有個promo，只要預先係網上登記，然後係機場出示護照就會送一張Traveler SIM啦，我地各入左PHP$100入去。 大約15分鐘的車程就到達Shangri-La's Mactan Resort & Spa，我地今次係Expedia度買機票＋酒店住宿的旅遊套票，2人來回香港-宿霧的國泰機票＋2晚香格里拉酒店(包早餐)，總共係HK$8,174.78，除開每人係HK$4087.39。 我地check in個陣送左杯welcome drink，當時已經係2:30pm，但酒店竟然仲未有房！ (酒店check in時間係2:00pm已經開始！)(估唔到我地係機場搞左咁耐，黎到酒店都仲要等有房，今日真係黑仔！)當時酒店就送PHP$2000 credit比我地食下野先 (相當於約HK$318)。 於是我地就去左Acqua餐廳食野，呢度可以離遠望到海架。 叫左杯野飲。 男友叫左Chicken Wings，PHP$450，有6隻雞翼、薯條、酸瓜條、茄汁、BBQ醬。 我就叫左Prosciutto di Parma Panino 巴馬火腿意大利三文治，PHP$480。連10%服務費&tax後，總共係PHP$1,389.55，有剩嘅食野credit，仲可以留番係其他餐廳食添。 頭先等野食嘅時候去左酒店的私人沙灘睇下。 雖然今日個天好多雲，但個海都真係好靚呀。 黎個180度比大家睇。 食完野都仲要再等。。。最後我地4點先上到房，酒店房會係之後的blog詳細介紹，我地拿拿聲換泳衣去酒店的沙灘玩先。 我地落到黎已經4:30pm了，d雲比頭先多。 由於只有酒店客人先可以去呢個沙灘，所以人都唔會好多。 d沙都幾白幾幼。 呢個位影到遠處嘅涼亭，又影到d石，都幾靚。 我地無係度遊水，只係浸下腳。 個天好似越黎越黑啦。 我地都玩夠水，準備走啦。 沙灘有個資訊版介紹可以係沙灘見到嘅魚的種類、有咩魚仔係友善、具攻擊性要注意的。 呢度仲有個海洋保護中心Marine Conservation Kaakohan Center添。 黎一個180度的view先，當時個天勁暗！之後我地就返酒店房休息啦。 我地仲帶左即影即有去沙灘影相呀。 我地book左7點食晚餐，換左件靚衫就出發去酒店的Cowrie Cove餐廳。 頭先幅相太暗，官網嘅相係咁嘅。photo from http://www.golden-circle.com/thetable/restaurants-bars/shangri-la-mactan-resort-spa-cebu/cowrie-cove/ 而我地坐的位置要預先用email聯絡酒店去訂位嘅，就係上圖呢個涼亭位啦，呢個位叫做The Observatory，成個餐廳只有一個涼亭位炸，係海邊超高私隱度的位呀。 近影係咁嘅樣，只有一條路通去呢個涼亭，四圍都比海包圍住。 係涼亭望番去間餐聽，侍應要行一段路先可以送上食物。 好有係海中心食野嘅感覺！ 仲有種成個海都比我地霸哂嘅感覺。 食呢一餐都相當難忘，呢個涼亭位於海邊的小懸崖上面，當時落緊細雨，間唔中行雷閃電添，一路食一路感受大自然的威力咁！ 我地order左4道菜的Set Menu Seaman，PHP$8,500，計左10%服務費、VAT、Food Tax後，總共收左PHP$10,582.5。首先就黎左d麵包。雖然d相影出黎幾夠光，但係d菜式其實唔用電筒照係睇唔清架。 第一道菜就係Kinilaw style marinated mackerel with coconut, water jelly and calamansi granitee，即係醋漬鯖魚配椰子、水母、意式金桔刨冰。Kinilaw係菲律賓的一種烹調方式，用醋或酸性果汁去醃製海鮮。呢碟野食落去唔知點解好有薑味，魚好似啫喱咁的口感。 第二道菜係Confit Spanish Mackerel and Quinoa Salad, Organic Tomatoes, Ricotta, Lim，即係油封西班牙鯖魚配藜麥沙律、有機番茄、意大利鄉村芝士。Confit係一種源於法國古代的肉類保存方法，將肉類先用鹽醃製後，再將肉類浸泡在油脂中用低溫小火慢煮，令油脂將肉類完全包住，隔絕空氣以達到保存的功效。呢碟野舊魚食落幾滑，但口感普通，我地覺得配碗飯一齊食應該會好夾。 第二道菜係Roasted Beef Fillet, Poached Onion and Foie Gras Sauce，即係烤焗牛柳配水煮洋蔥和鵝肝醬。呢碟牛扒不得了，口感好嫩，配埋個鵝肝醬汁好正。 最後一道係甜品，Creamy Cheesecake and Strawberries，即係忌廉芝士蛋糕配士多啤梨雪糕。每碟菜都的的骰骰，賣相幾靚咁。 最後仲會送上一扎玫瑰花(但殘殘地)，個餐仲包埋支酒架，我地揀左白酒。 呢度個feel好浪漫呀。 總括黎講，係海邊食飯的體驗都好特別，特別係今晚海面並不風平浪靜，哈哈。旅遊日期：2018年6月30日- 2018年7月2日 =========================覺得呢篇blog幫到你，記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update！=========================《快閃宿霧》Day1 (差d被機場職員騙去$100美金! 閃電毛雨下在海中食超浪漫大餐!)Day2 (跳島Island Hopping,浮潛,超市必買手信,食菲式燒乳豬)Day3 (懶人頭盔潛水,國際明星賣廣告嘅宿霧平價牌子,宿霧新機場)住宿篇 (有私人沙灘嘅Resort - Shangri-La's Mactan Resort & Spa)
