我地今次快閃三日兩夜胡志明市係為左探親戚,順便周圍行下胡志明市,所以我地就揀左間位於市中心&親戚屋企的中間點的酒店啦。 最後我地揀左呢間四星級嘅Athena Hotel,去上一篇blog介紹嘅粉紅教堂&西貢中央郵局大約要15分鐘車程。唔好比門口d樓梯嚇親,一落車就有職員幫你搬行李上去架啦。地址:280 Tô Hiến Thành, Phường 15, Quận 10, Thành phố Hồ Chí Minh我地係Expedia度book,入住的日期係16/6-18/6,我地今次住豪d揀左套房,房型係Executive Suite,價錢扣埋優惠碼連稅係HK$1455.49 兩晚,即係HK$727.75 一晚。 酒店大堂好大,好多位置比人執行李。 櫃檯位置 (當時手震,影到濛濛地添) 我地住806號房。 呢度係梳妝台、茶几、雪櫃的組合。 好大嘅客廳呀。 我最鍾意呢度係用括形的落地大玻璃。 窗外飽覽胡志明市嘅城市景。 另一面就係睡房啦。 張床都幾大張。 張床對住部電視機,仲有個行李架添。 間房好大、好舒適呀。 浴室嘅浴缸位置係用透明玻璃,可以係睡床上睇到沖涼嘅情況。 浴室有全身鏡。 浴室咁大,可惜只有一個鋅盤,隔離係馬桶嘅位置。 淋浴的位置,仲備有按摩功能的噴水效果添!加分! Room service嘅menu,如果有多d越南菜就更加好啦。 酒店樓下都好多商鋪,幾熱鬧。我地呢個trip都係call Grab出入,所以都無行過附近有咩鋪頭。總括黎講,7百幾蚊一晚住到呢間咁大嘅套房係幾抵住!如果唔嫌呢到同市中心有少少距離嘅朋友,都好推介大家黎住。旅遊日期:2018年6月16日- 2018年6月18日 =========================覺得呢篇blog幫到你,記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update!=========================《快閃胡志明市》Day1 (越南人推薦嘅地道越南美食,Bui Vien Walking Street西貢酒吧街)Day2 (頭頓市即日來回,越南都有個耶穌像?胡志明市最出名法包、最高分越南菜推介!) Day3 (打卡勝地-粉紅教堂,胡志明市最高分的Pho - 錦麗總店)住宿篇 (Athena Hotel,套房都只係幾百蚊)其他文章:越南 網上簽證e-Visa申請分享 (內附注意事項)越南 落地簽證申請分享 (適合BNO,內附到達機場領證過程)