我地今次stay係東京6日5夜都係住係呢間酒店，佢係位於東新宿嘅Hotel Sunroute Higashi Shinjuku。Sunroute係一個日本的連鎖酒店黎架，單單係東京都有8間酒店呀！我地係Expedia度book，入住的日期係12/4-17/4，房型係Economy Double Room，價錢扣埋優惠碼連稅係HK$5132.15 五晚，即係HK$1026.43 一晚。(好貴呀！)地址：7-27-9 Shinjuku Shinjuku-ku, Tokyo, Tokyo-to, 160-0022 Japan 酒店的外牆都好有日本個種簡約風格。 酒店大堂都有好大的空間比人執下喼。 仲有磅比人磅行李。(係日本太易買到行李超磅 XD) 有部兌換外幣的ATM添。========================= 等我介紹下間酒店房啦，呢個角度係由睡房望番去房門。 行到入黎沖涼房。貫切一般日本酒店房的作風，間房咁細都會堅持有浴缸！ 毛巾架係洗手盤的左面。 日用品都幾齊全！沖涼液、洗頭水、護髮素都係用Pola呢個牌子，佢係日本美容界的三大品牌之一黎架。風筒竟然唔係Panasonic，而係Tescom的Naturam負離子風筒。 睡房好細，放左兩個喼已經無位行啦。 睡床都好細呀，如果我地兩個再肥d都唔夠訓呀。日本酒店通常都會係床上放定睡衣。 係大門隔離的衣櫃好迷你呀，仲掛左支岩蘭草空氣清新噴霧，發現好多日本酒店的衣櫃都有空氣清新噴霧。 房仔細細，係書枱下面放左部Sharp嘅空氣潔淨機。 書枱下仲有個小書櫃＆茶几。========================= 酒店位於東新宿地鐵站隔離，而酒店旁邊就有個出口啦，馬路都唔洗過呀。而酒店大約10分鐘路程就有間Donki Donki驚安之殿堂啦，呢間Donki只有地面一層，好大間好好買呀。酒店附近都有好多食肆架。=========================東京市區的酒店真係好貴呀，但呢間Hotel Sunroute Higashi Shinjuku可取之處係超近地鐵站，過兩條馬路就係新宿歌舞伎町的area啦，Shopping 食野都好方便！旅遊日期：2018年4月12日- 2018年4月17日 =========================覺得呢篇blog幫到你，記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update！=========================《去東京玩》Day1 (超特別牛肉生日蛋糕,VR Zone玩Mario Kart,逃出人體實驗室)Day2 (築地食大和壽司,六本木睇東京鐵塔,Red Rock,Gram Pancake)Day3 (在新宿御苑抓住櫻花的尾巴,澀谷,秋葉原超正吉列牛)Day4 (淺草和服體驗,上野阿美橫丁,銀座沾麵)Day5 (富士急樂園FUJI-Q Highland,新宿雞肉火鍋推薦)Day6 (淺草附近超正鰻魚飯推介 - 鰻禅)住宿篇 (東新宿,Hotel Sunroute Higashi Shinjuku)
