～今日的行程～4月12日：香港機場 -> 成田機場 -> VR Zone Shinjuku -> 晚餐：Ushikoi (牛恋 新宿店) 話說我地玩左個小比賽，中左兩張來回日本的HK Express機票，於是就換左去東京慶祝男友生日。 實不相瞞，我地係第一次搭HK Express，唔知係唔係人地講到咁差呢？ 我地搭8:45am的機去東京成田機場，8:30am就開始上機啦。 架機的座位分布係左排有三個位，右排都有三個位。 前面的放野位好細，只係岩岩放到部iPad。 由於無飛機餐食，一上機就立即戴蒸氣眼罩、保濕口罩、飛機枕，仲有拎我隻熊公仔攬住訓。HK Express d座位開頭係幾好坐，坐坐下就覺得腰酸背痛。 之前成日見朋友搭UO會被cancel或者delay，好好彩，我地同原定時間一樣，2:10pm到達東京成田機場。 最鐘意就係呢度可以180度望成田機場的停機坪。 今日多雲但都有陽光。 我地係網上買左Skyliner的飛，就可以黎呢間Skyliner & Keisei Information Center度換飛啦。 我地買左Skyliner來回飛＋72小時地鐵飛的套票，價錢係5400円一個人。Skyliner由成田機場出發，中途唔會停站，直達東京的市中心日暮里(呢個站可以轉乘JR線)，然後抵達終點站京成上野。我地係成田機場T2 & T3站上車，然後會係京成上野站落車， 臨搭Skyliner之前去呢間Doutor買d野食先。 買左呢種叫做Calzone的包，之前係意大利的比薩都食過Calzone，其實係夾埋左的Pizza黎架。 Calzone Shrimp & tuna pomodoro sauce，340円，係蝦＋吞拿魚＋蕃茄醬。 Skyliner的月台。 大把位任坐呀。 我地開餐啦。 拎隻熊仔出黎抖抖氣先。 落車之後，我地就由京成上野站行去上野御徒町站，然後搭地鐵去東新宿啦。 地圖望落去雖然好遠，但其實都係行呢d地下步道姐。 去到東新宿，我地就去Hotel Sunroute check in (遲d會詳細介紹間酒店房)，係酒店hea左陣就出發去玩啦。 經過部自動販賣機，買左支桃味可樂，130円。 係酒店行左大約15分鐘，黎到VR Zone Shinjuku玩VR遊戲。 我地買左4 tickets set，價錢係4400円一個人，可以係4個category(紅藍黃綠)入面，各選一隻VR Game黎玩。 呢個VR Zone 的裝修都好電競feel。 呢度有兩層架，好多遊戲都集中係二樓。 呢張地圖就list左當時有咩VR遊戲、屬於咩category、係咩位置，當時有18隻遊戲，我地玩左以下4款：紅色Immersive Horror Room Hospital Escape Terror團體合作game黎，一齊溝通合作，但要各自搵路逃出恐怖的人體實驗室，隻game幾恐怖下，有唔少的嚇人位，膽小勿玩！藍色Evangelion VR The Throne of Souls : Berserk新世紀福音戰士Eva的VR Game，隻game都係合作打angel，過程體感十足。黃色MARIO KART ARCADE GP VR係最多人排的遊戲 - Mario Kart，4個人加2個電腦一齊玩，會不斷轉場景，要用手去拎同放道具，都好好玩。綠色Steep Downhill Ski Simulator Ski Rodeo滑雪game，無限生命，兩分鐘內去到目的地為勝。 呢個就係滑雪game啦。 逃出恐怖的人體實驗室，排隊個陣聽到玩緊的人瘋狂發出尖叫聲，到我地玩個陣發現又真係幾惡怖，我都不停咁叫呀，而我地最後係逃出失敗架。 Mario Kart！ 超多人排隊玩Mario Kart呀。 終於到我地玩啦，職員會比條毛巾我防走光。 仲會戴上眼罩先，先至戴上VR眼鏡，好衛生呀。 要用手去拎同放道具，所以我隻右手會瘋狂fing下fing下，哈哈。 玩完VR遊戲，我地就係新宿周圍行下。點擊圖片放大 歌舞伎町係日本最大型的紅燈區之一。 呢條街都幾多野食，可惜今晚book左餐廳同男友慶祝生日。 經過呢間專賣紅薯甜品的Lapoppo Farm，就買左件紅薯食啦。 516円。 夜晚9:15pm，我地book左呢間Ushikoi (牛恋 新宿店)。地址：東京都 新宿区 歌舞伎町 2-45-8 HHKビル 1F 我地book左個牛肉生日蛋糕，職員會熄燈＆唱住生日歌送上黎添。 牛肉生日蛋糕真係非常特別呀，6000円。 牛恋的生日牌都非常靚呀。 廚師將d牛肉整成玫瑰花形，伴碟的花都好靚呀。 總共有兩層燒肉。 都唔錯d燒肉。 有三種醬用黎點燒肉食。野飲方面，叫左NANKO Plum Wine 紀州產 南高梅酒，430円，同埋White Peach Liqueur 福島產 白桃酒，430円。杯梅酒幾好飲的關係，我地每人再叫多一杯梅酒！ 座位都幾闊落。 牆上有好多應該係明星的簽名。一個牛肉生日蛋糕＋4杯酒，連稅總共食左8338円。 黎日本一定要食期間限定味道的哈根大師雪糕呀。 上面係櫻花味，超級甜，下面係紅豆麻薯味，紅豆＋麻薯＋雪糕呢個配搭好夾好好味。 仲買左支Tully's Coffee的Barista's Latte係for聽朝飲。 仲買左呢個用北海道牛乳產的蛋卷。 好好食！ 生日點少得食番件真的蛋糕。 去左呢間Keyuca買左一連3舊的蛋糕仔，1080円，有普通朱古力味、咖啡味、同黑朱古力味，都幾岩我地的口味。 旅遊日期：2018年4月12日- 2018年4月17日 =========================覺得呢篇blog幫到你，記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update！=========================《去東京玩》Day1 (超特別牛肉生日蛋糕,VR Zone玩Mario Kart,逃出人體實驗室)Day2 (築地食大和壽司,六本木睇東京鐵塔,Red Rock,Gram Pancake)Day3 (在新宿御苑抓住櫻花的尾巴,澀谷,秋葉原超正吉列牛)Day4 (淺草和服體驗,上野阿美橫丁,銀座沾麵)Day5 (富士急樂園FUJI-Q Highland,新宿雞肉火鍋推薦)Day6 (淺草附近超正鰻魚飯推介 - 鰻禅)住宿篇 (東新宿,Hotel Sunroute Higashi Shinjuku)
