介紹左我地Mercure Maldives Kooddoo Resort住的水上屋，同埋係resort四日三夜有咩好食之外，今次會同大家分享我地玩左d咩！1. 水上屋下面浮潛 黎馬爾代夫住Water Villa水上屋就係可以直接由間房行落去個大海浮潛睇魚仔。 我地係香港買左浮潛的用具，然後帶黎馬爾代夫。 浮潛的用具包括面罩＆呼吸管。 重有唔可以忽略我著住的水上運動鞋，因為海底好多沙＆珊瑚，唔著番對呢種水上運動鞋，腳板會好容易割花。仲有想係水底拍片，緊係唔少得Go Pro啦，我地當時用的係GoPro Hero5。 水上屋附近好多珊瑚，有珊瑚的地方就會有好多魚出沒，竟然比我地捕捉到好似Dory的藍黃色魚。 呢篇blog提及過，我地間房張枱下面係可以望到水底的玻璃，酒店特登放左d珊瑚係度，我地落去水上屋下面影下，果然有勁多唔同種類的魚仔出沒。 呢條魚的品種從來未見過，係灰色的魚，背部有d黃色啡色的紋，仲要影到佢一野撞落地下的一刻。 發現到另一條都好靚的黃藍間條魚。 仲發現到隻寄居蟹添。段Vlog有更多水上屋下面浮潛的片段。2. 浮潛Tour Mercure呢度有間SuvaDiva Divers Maldives的dive center比人報唔同的潛水課程，但我地就首先報左個浮潛玩下，熟習下水性先。個浮潛tour係USD$20一個人，另外要比10%服務費，仲有12%的稅，加加埋埋係USD$24.64一個人。 我地帶左係上網買的浮潛衫＆蛙鞋。 首先我地會坐船去浮潛的spot。 圖中著左一半浮潛衣的西人就係浮潛的教練啦。 今日的天氣非常好呀。 我地之前去沖繩都join過浮潛tour，個時覺得浮潛都幾輕鬆，點知黎到馬爾代夫係另一回事，一落海就勁大浪，我本身唔係好識游水，就算著左救生衣都搞唔掂 (沖繩個次救生衣都唔洗著)，完全跟唔上大隊的速度，然後教練就帶我去捉住救生圈(右上角係教練同我)，捉住教生圈就好d，起碼唔會漂走左。 由於我地得一部GoPro，但又想兩個人都浮住潛影相，於是淘左個好土炮feel的DC仔防水套，我地事前係屋企測試過防水套的防水能力，確定安全先冒險帶去浮潛，Touch wood最後都真係無入水。另外，本說明書雖然同一般淘寶野一樣無美學可言，但內容都好詳細，仲教人點執係水底影的圖添。 我用Canon G7X Mark II影的效果。 已經加強左張圖的銳利度。 以上呢三張係比較滿意的浮潛相。 而男友就用GoPro Hero5，影出黎的色會鮮艷d。 水流好急，都好難影到靚的片，都係用肉眼感受會靚10倍。呢段Vlog會有更多浮潛的片段3. 水肺潛水 浮潛之後的第二日，我地又黎到dive center，今日join左PADI Discover Scuba Diving 水肺潛水體驗班，PADI係一個世界上好知名的潛水訓練組織黎架。呢個水肺潛水體驗的課程就包括1 Lagoon/pool lesson & 1 boat dive - including certificate，即係包括一次水池上的課堂同埋一次水肺潛水，佢聲稱包括證書，但我地事後都收唔到證書 (雖然呢種體驗課程的證書無乜用嘅)。價錢係USD$130 一個人，另外要比10%服務費同埋12%稅，加加埋埋USD$160.16 一個人。 首先我地會去間房仔度上堂，教練都係琴日同我地浮潛個個西人黎架。由於落左水底係講唔到野，所以有好多溝通的手勢都要去學。另外水底的壓力同水面唔同，潛水的時候個耳仔會好痛(好似平時搭飛機都會有呢個情況)，但潛水會經常發生，教練會教我地點樣去equalize(平衡耳壓)。上完理論堂，我地就去房出面個個位置著上潛水＆氧氣筒，然後就落水練習頭先學左的手勢＆平衡耳壓的方法。教練覺得我地OK之後，我地就坐船出海水肺潛水啦，老實講我地第一次水肺潛水都幾緊張，最後我地連Go Pro都唔帶啦，覺得自己落到水底會搞唔掂，所以最後我地咩相都無影到。而且呢個係一對二的堂，唔係好似我地之前去沖繩&之後去大堡礁好商業化個種，唔會有個識潛水的攝影師係水底幫你影相。水肺潛水睇到的海洋生態係豐富好多，仲睇到幾隻海龜添！4. 水上運動 除左潛水＆浮潛之外，Resort仲有其他水上運動玩架，而水上運動就係呢位職員身後的屋仔度報嘅。收費的活動包括滑浪風帆Windsurfing課程、雙體船Catamaran課程、水上電單車Jet ski、橡皮艇Fun tube ride、黃昏釣魚團、出海睇海豚團、馬爾代夫小島遊的團、黃昏遊輪出海團。而免費的活動包括雙體船Catamaran、腳踏船 pedalo、獨木舟 Kayak、立式槳板運動Stand Up Paddle Board, SUP，我地最後一日check-out左間房，就玩下好少係香港見人玩的SUP啦，SUP係起源於夏威夷的一種運動黎架。 首先跪/企係塊槳板上面，然後用支槳去推動塊槳板。 我地都係右優的，支槳向左面撐就順手，但向右面撐就唔就手，可能係因為我地跪係度黎玩，企係度玩應該好d。段vlog入面會有我地玩Stand Up Paddle Board的片段。5. Spa 我地臨走個陣有少少時間，就試下resort的按摩啦，價錢係USD$110 一個人，仲要加10%服務費＆12%稅，加加埋埋USD$135.52 一個人，按完成身舒舒服服咁搭飛機離開resort啦。6. 其他 Resort的中央有個泳池，我地住水上屋，下面就係無敵大海，所以都無乜黎個泳池度玩。 呢度有d長椅比人曬下太陽。 呢度有間Pool Bar，d野飲應該唔包係Full Board入面。 呢度有個帳幕係度。 應該係比人用黎結婚影相？ 另外，有時會發現海入有面有鯊魚仔，係呢篇blog提及過Vistas餐廳下午五點會有餵小鯊魚的活動架。旅遊日期：2018年2月22日- 2018年2月27日 =========================覺得呢篇blog幫到你，記得like Facebook Page https://www.facebook.com/fatbjai.travel/follow Instagram: fabjai.tavelhttps://www.instagram.com/fatbjai.travel/收到個blog的最新update！=========================《去馬爾代夫嘆》Day1 (搭國泰去馬爾代夫,首都馬累Unima Grand酒店) Day2 (搭馬爾代夫航空內陸機去Kooddoo Island) Resort篇 (水上屋大解構,Mercure Maldives Kooddoo Resort) Resort篇 (係Resort小島上Full board有咩食 - Mercure Maldives Kooddoo Resort) Resort篇 (黎馬爾代夫有咩玩？- Mercure Maldives Kooddoo Resort) 馬累機場delay8小時番香港 直航變曼谷轉機遭遇
