～今日的行程～ 1月2日：汝矣島漢江公園 I SEOUL U -> 午：Krispy Kreme -> Emart超級市場 -> 樂天免稅店行街 -> 下午茶：神仙雪濃湯 -> 明洞行街食野 -> 晚：Two Plus (韓燒) 今日一早就搭地鐵去景福宮站， 因為我地係Kkday book左呢間西花韓服的景福宮韓服租借體驗。 我地無做足資料搜集， 去到店員同我地講星期二景福宮係休息架， 店員然後話可以免費改做其他日子， 好彩我地聽日夜晚機返香港， 所以就改做聽日的朝早黎借韓服啦。 (心諗：如果Kkday可以溫馨提示景福宮星期二休息就好啦，我地就唔洗摸門釘啦。) ========================= 今日無得著韓服， 於是我地就搭地鐵去汝矣渡口站， 去汝矣島漢江公園影I Seoul U的打卡地標。 當時有人影緊個地標， 於是我地就係格離影下汝矣島漢江公園。 係呢個咁空曠的公園食左陣西北風， 終於到我地影啦。 當時I Seoul U的地標前有個準備開放的市集攤檔阻住， 所以只好近距離影呢個打卡地標。 ========================= 之後我地見到間美國的連鎖冬甩店 - Krispy Kreme， 於是我地就入去食個Brunch先啦， 每人叫左個冬甩＆一杯野飲，每人₩4000。 上面個個冬甩係Glazed Chocolate Cake (單件₩1500)， 下面個個係Honey Bee Ring (單件₩1500)。 食完頭先個兩件冬甩， 覺得意猶未盡， 於是又買多兩件冬甩啦， 左面係Hershey's Cookie & Cream Doughnut ₩1800， 右面係Ghana Crunch Choco ₩1800， 呢間Krispy Kreme的冬甩真係幾正， 希望香港可以開番間啦。 ========================= 之後我地就去左Emart超級市場買野， 我地係Day1 Lotte Mart 樂天超市已經買左堆零食啦， 所以今次買的野唔會好多。 CJ Cheiljedang的甜蕃薯乾， ₩5980有3包， 佢口感淋淋地硬硬地，好奇怪， 所以我地最後食左2包就頂唔順，放到過期了。 Ottogi的叮叮甜辣雞， ₩1980， 男友覺得幾好食！ Ottogi的芝士即食麵，₩4980。 Chung Jung One的辣醬，₩8300有兩盒， 男友鐘意食辣，佢買黎加係d飯度撈黎食。 農心的炸醬麵，₩1240， 樂天的益力多味百力滋，₩4720 6盒， 每盒入面有兩包百力滋， 好好味，仲好適合拎黎做手信。 Orion的魚仔夾心蛋糕，₩4320， 魚仔形狀的蛋糕， 入面有煙韌的麻糬同紅豆餡， 超級好食！ Day1係樂天超市已經買左兩盒， 覺得好好食，於是買多一盒。 係Emart買完野之後， 就可以去鋪頭隔離的旅客服務中心度退稅。 我地總共買左₩31,520野， 係有退稅標誌的鋪頭買滿₩30,000就可以退稅， 退現金先可以即場退稅， 由於我地想退去信用卡， 就要番香港的時候係首爾機場度退， 最後退到₩2000。 ========================= 我地番酒店休息左一陣， 就去左明洞的Lotte Duty Free 樂天免稅店買野， 特別注意的係呢度標示的價錢都係美金， 呢度人頭湧湧，但點都唔及香港Sogo週年慶咁多人咁迫。 Too Cool For School的Egg Remedy Hair Pack，$32，有兩支洗頭水＆兩支hair mask，好香的蜜糖味。 Too Cool For School的Artclass by Rodin Shading，$11，三色修容粉，當時一袋二袋，買完無check袋，番到酒店先發現店員無放到件產品入袋，咁亂的情況真係要check清楚先離開。 雪花秀的Makeup Balancer #Light Pink，$47，係make up base黎。 Laneige的Double Clearing Cleansing Foam，$12，洗面膏。 Laneige的Skin Refiner Moisture，$20，爽膚水。 Saem的Secret Pure Nose Clear Kit 1.2.3，$14，黑頭鼻貼3步曲。 Saem的Secret Pure Steam Hair Mask，$23，蒸氣髮膜。 Innisfree的My Real Squeeze Mask Set，$17，面膜買一盒送一盒，共40塊，揀左提亮的白米＆補水的蘆薈。 3CE的Eye Shadow Palette #Up Close，$25，四色眼影盤好快比我跌碎左。 Nature Republic的Argan Essential Deep Care Hair Pack，$6，堅果精華油深層護理髮膜。 Nature Republic的Snail Solution Mask Sheet，$14，有30塊蝸牛精華面膜。 除左韓國的牌子之外， 唔知點解當時見到Les Merveilleuses LADURÉE的胭脂就忍唔住買啦，$47， 呢個係17號色。 盒碎粉就用哂， 於是就買左Laura Mercier的Mineral Finishing Powder #1 Transparent，$35， Laura Mercier最出名就係佢地的礦物定妝粉， 粉質好幼細。 以上呢兩件非韓國牌子的化妝品， 都要係番香港的時候，係韓國機場禁區內的Lotte Duty Free免稅品引渡場度拎架。 ========================= 之後我地就去左神仙雪濃湯 - 明洞店 (신선 설농탕 명동점) 食個下午茶先， 地址：首爾特別市中區明洞 2 街 2-2 韓國地址：서울특별시중구명동 2 가 2-2 雪濃湯黎之前， 我地就夾下d泡菜食啦， 係免費任夾的。 主角雪濃湯終於黎啦， 雪濃湯係由牛骨熬制而成的濃湯， 係韓國傳統的美食黎架。 呢間店有唔同口味的雪濃湯揀， 我地就揀左最普通個款雪濃湯，₩8000， 會跟埋一碗白飯添。 我地仲嗌左碟鐵板煎豆腐，₩10000。 ========================= 食完野我地就行下明洞，掃下街。 被呢間的芝士年糕吸引。 佢係一舊年糕一舊芝士卡啦卡啦咁串，₩3000。 去左隔離間Etude House買野： My Beauty Tool Brush 312，₩4500。 Silk Scarf Damage Protein Steam Hair Pack，₩3500。 Bling Bling Eye Stick #08 Ivory Baby Star & #11 Rose Star，各₩4000。 之後我地去左Lotte Young Plaza行街， 可以望番明洞個條滿布小食攤檔的大街。 去左呢間Chuu時裝店買左幾樣野， 首先有佢地的兔仔貼紙，₩1500，我用黎貼係個喼度。 另外買左一對耳環，₩9000。 仲有呢件好靚的喱士衫，₩21,600。 由於我地買的野加埋超過₩30,000， 可以退稅，最後退到₩2000。 我地又行番黎明洞呢條大街啦。 比呢檔明洞手工香腸吸引左。 呢碌腸₩4000。 最後係All Mask Story買左Dr. Jart+的面膜， 三盒面膜總共₩36,000， 最後退稅退到₩2000。 ========================= 我地搭地鐵去首爾站， 黎左Seoul Square商場的地庫， 呢間Two Plus韓燒店 (투뿔등심 서울스퀘어점)食晚餐。 地址：541 Namdaemunno 5(o)-ga, Jung-gu, Seoul, South Korea 韓文地址：서울시 중구 남대문로5가 541 서울스퀘어 B1층 Menu，我地叫左三款牛肉。 無記錯的話， 我地叫哂兩款1++等級的牛肉， 分別係Aged Striploin 紐約牛扒，₩38,000， 同埋Aged Tenderloin 牛柳，₩42,000， 各150g重。 仲叫左130g的生牛肉Beef Tartare，₩22,000， 有生蛋黃、雪梨＆蔥做配料， 但我地覺得前日係馬場洞食的生牛肉正d。 雖然我地剩係叫左三碟牛， 但侍應都上左五碟前菜。 侍應會幫你燒牛肉架。 我地叫左支Jeju Wit Ale飲， 係濟州的啤酒。 呢餐總共食左₩114,000。 當時Seoul Square商場放左好多發光的白玫瑰花， 好浪漫呀。 食完野我地就番去東大門的酒店啦， 又經過東大門設計廣場DDP。 旅遊日期：2017年12月30日- 2018年1月3日 ========================= 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram: fabjai.tavel https://www.instagram.com/fatbjai.travel/ 收到個blog的最新update！ =========================《去首爾玩》 Day1 (南山谷韓屋村,韓國必買零食,橋村炸雞,平壤麵屋) Day2 (建大Common Ground,梨大火飯,馬場洞食韓牛,樂天世界塔倒數) Day3 (江村鐵道單車,南怡島,陳玉華一隻雞) Day4 (汝矣島I SEOUL U打卡地標,明洞行街,韓牛) Day5a (景福宮韓服體驗,土俗村蔘雞湯) Day5b (去影樓影韓式CV相,首爾機場退稅步驟)
