係2019的2月越南就推出左網上簽證(e-Visa)俾香港特區護照用，唔使好似以前去胡志明市咁要搵網上Agent幫手搞落地簽證！注1：BNO係無得申請網上簽證(e-Visa)，要搵網上Agent幫手搞落地簽證，請睇落地簽證申請分享。注2：如果你去富國島(Phu Quoc Island)，係免旅遊簽證架。新官網[內容2025年5月更新!]而家越南官方出咗個新網，流程同舊嘅差唔多但介面比較新，推薦大家用新網：https://evisa.gov.vn/ 首先撳Apply Now。 跟住碌落最底Tick晒佢再撳Next。 (按圖放大)黎到呢個畫面就要填你既個人資料同埋旅行資料，填完撳Next。 然後佢會出呢個畫面，撳Confirm。 禁完Review會出部分你啱啱填嘅資料，最好Cap低！確認所有資料正確就禁Payment。 e-Visa的價錢係USD$25，但其實個網會將美金兌換成越南盾收錢，根據當時嘅匯率USD$25係VND$633,000，黎到呢步就拎出你既信用卡準備俾錢。揀返你張卡嘅卡公司 (Visa/Master/JCB/Amex)。 輸入你既信用卡資料。 填填下佢會彈呢個Dialog出嚟，撳I agree，然後填完撳Continue。 俾完錢出呢句"Payment Successful"就成功啦，咁就要去email check下。 收到呢個email就即係成功俾錢，好心急既話就可以用個Application ID去https://evisa.gov.vn/e-visa/search check下status。 直到收到呢個email就表示你既e-Visa應該準備好啦！撳email條link或者去 https://evisa.gov.vn/e-visa/search 呢度就可以download e-Visa。 入到去填返上次收到既Application ID同你啲資料。跟住禁個Get e-Visa就download到架啦，記得旅行要print出黎呀，黑白或彩色打印都可以架。當時我地係2025年3月13號夜晚10點整嘅，我同安迪嘅e-Visa都係3月18號夜晚8點發出。舊官網首先上越南官方網上簽證的網站：https://evisa.xuatnhapcanh.gov.vn/en_US/web/guest/khai-thi-thuc-dien-tu/cap-thi-thuc-dien-tu 入到去就會見到呢個畫面，大致上都唔使理，tick一tick個格仔，然後禁Next就得。 (按圖放大)黎到呢個畫面就要填你既個人資料同埋旅行資料。2023年10月更新而家唔再係填Full name，而係分開填Surname姓同Given name名喇！同埋多咗好多資料要填，記得有*嘅就要填，冇*就可以跟上面張圖啦 禁完Review會出呢個Dialog，最好Cap低！ 確認所有資料正確就禁Payment。 e-Visa的價錢係USD$25，但其實個網會將美金兌換成越南盾收錢，根據當時嘅匯率USD$25係VND$613,000，黎到呢步就拎出你既信用卡準備俾錢。 輸入你既信用卡資料。 留意番比錢嘅時候，信用卡係收多過右上角寫嘅VND$613,000，因為個網用信用卡比錢係要收手續費架，當時收左我VND$636,846 (信用卡最後收左我HKD$204.79)，計返姐係比左VND$23,846手續費。 俾完錢出呢句"Successful payment!"就成功啦，咁就要去email check下。 收到呢個email就即係成功俾錢，好心急既話就可以用個Registration code去https://evisa.xuatnhapcanh.gov.vn/tra-cuu-thi-thuc check下status。 直到收到呢個email就表示你既e-Visa應該準備好啦！去 https://evisa.xuatnhapcanh.gov.vn/tra-cuu-thi-thuc 呢度就可以download e-Visa。 入到去填返上次收到既Registration code同你d資料。 跟住禁個綠色箭咀就download到架啦，記得旅行要print出黎呀，黑白或彩色打印都可以架。當時我地係2019年6月2號凌晨1點整嘅，我嘅e-Visa就係6月6號下午3點半發出，而安迪嘅e-Visa就係6月8號夜晚7點發出，都相差成兩日多d！[2023年1月更新]今次我地係2022年12月1號凌晨12點申請e-Visa，我係12月5號上午11點半收到e-Visa，而安迪係12月5號下午接近5點收到e-Visa，今次大家收到結果嘅時間都差唔多呀！[2023年10月更新]今次我地係2023年10月5號下午8點申請e-Visa，我係10月10號下午10點08分收到e-Visa，而安迪係10月10號下午10點19分收到e-Visa，今次大家收到結果嘅時間都差唔多呀！話說安迪張e-Visa既full name係先填名後填姓，例如Tai Man Chan，佢申請完之後就叫我試下先填姓後填名，例如Chan Tai Man。我地當日係搭越南航空 Vietnam Airlines，地勤會叫你出示e-Visa黎睇，而我個張係先填姓後填名，例如Chan Tai Man咁，地勤就話正確係要填Tai Man Chan，於是佢就打比越南航空問下比唔比我上機，過左幾分鐘後，越南航空的回覆係可以上機，但佢地唔擔保河內機場的入境處職員比唔比你入境。去到河內的時候，入境的過程都好順利，可以話係虛驚一場，但大家記得申請e-Visa的時候，最好都要先填名後填姓，例如Tai Man Chan。[2023年10月更新]而家唔再係填Full name，而係分開填Surname姓同Given name名喇！=========================覺得呢篇blog幫到你，記得like Facebook Page https://www.facebook.com/fatbjai.travel/follow Instagram: fatbjai.travelhttps://www.instagram.com/fatbjai.travel/收到個blog的最新update！=========================其他文章：越南 網上簽證e-Visa申請分享 (內附注意事項)越南 落地簽證申請分享 (適合BNO,內附到達機場領證過程)《快閃河內》Day1 (有種越南咖啡竟然由廣東人發明?!走入後巷食地道河內菜!)Day2 (有2000座小島嘅下龍灣,宏偉嘅鐘乳石洞,河內必食奧巴馬粉?蛋咖啡!)Day3 (河內酒店推薦Hanoi Marvellous Hotel & Spa,人氣Pho越南河粉店)《快閃胡志明市》Day1 (越南人推薦嘅地道越南美食,Bui Vien Walking Street西貢酒吧街)Day2 (頭頓市即日來回,越南都有個耶穌像?胡志明市最出名法包、最高分越南菜推介!) Day3 (打卡勝地-粉紅教堂,胡志明市最高分的Pho - 錦麗總店)住宿篇 (Athena Hotel，套房都只係幾百蚊)《去胡志明市玩🇻🇳》韓星CL一齊跨年倒數😱酒店room tour🏨必試越南煉奶咖啡☕️ EP1私藏打卡秘點📸必食法國大餐🍽 遊客熱點咖啡公寓值得去嗎?☕️ EP2我哋被困地道😱 越戰遺跡玩槍💣 必食足料越式法包🥖 初嘗巨型手榴彈形生果😯 EP3打卡粉紅教堂💒 買手信必去景點！食盡越南地道小食😋 係機場遇上黑店?! EP4
