~今日的行程~ 6月8日:午:新峰肉骨茶-> Berjaya Times Square Theme Park -> Suria KLCC 行街 -> 晚:Ben's -> Petronas Twin Towers 雙子塔今日的行程都係好休閒, 訓到11點半先起身出去! 吉隆坡的交通好唔方便, 所以我地又係搭Uber黎呢間新峰肉骨茶 Sun Fong Bak Kut Teh, 而且有promo,呢程Uber係免費。 蝦米蔥油豆腐,MYR$12。 肉骨茶(正宗空煲),兩人的份量,MYR$31。 泰果香椰,即係椰青,MYR$8。 我地想健康d,所以嗌左碟青龍菜,MYR$18, Google一下,原來青龍菜係馬來西亞獨有的菜, 係一位叫做Lau Kuan的科學家係怡保的金馬倫高原培植出黎的菜, 標榜有機,唔用養藥。 叫左杯冬瓜羅漢果,MYR$4.5, 入面多好料呀。價錢未加上6%的稅,稅後總共食左MYR$81.75。========================= 之後我地就行去Berjaya Times Square 成功時代廣場, 廣場的5-8樓係一個室內的主題樂園 - Berjaya Times Square Theme Park, 佢係亞洲第二大的室內的主題樂園, 當時的成人入場費係MYR$51, 基本上d機動遊戲都係任玩的。 呢度有locker提供, d野大件&貴重的野可以鎖入去, MYR$5按金,最後可以拎番的。 由於放左相機入去, 之後都係用手機影相,質素會麻麻地。 除左入場費之外, 要比MYR$10買呢張eLoad Card, 入面有MYR$5係按金黎, 另外個MYR$5係比你用黎玩收費遊戲, 按金同用剩的錢都可以退架, 亦都可以隨時入錢落去玩更多收費遊戲。個樂園主要有兩個區域, 1. 位於5樓的Galaxy Station,適合13歲以上的人玩。 2. 位於7樓的Fantasy Garden,適合一家大細玩。 我地就緊係去Galaxy Station啦。 首先就玩呢個DNA Mixer。 望落普普通通咁, 就玩黎打下底先。 玩完先發現呢個DNA Mixer係轉到頭都暈, 尤其係佢倒轉個人的時候停留左一陣, 令到個腦充血, 又向前向後咁轉, 轉極都未轉完!估唔到我地一黎就玩左個咁勁的機動遊戲, 係場內會keep住聽到呢個DNA Mixer傳黎的尖叫聲。 男友玩完呢隻game,個頭唔係好舒服, 佢休息左一陣先玩到其他機動遊戲呀。 之後我地就玩呢個Spinning Orbit, 見佢好慢咁自轉+圍住個柱轉上去, 又好慢咁轉番落黎, 以為無乜野啦, 點知升到上去30米高停係度轉, 都有少少畏高的感覺。 之後就玩Dizzy Izzy, 個機動遊戲好似八爪魚咁, 一個爪carry 4架雙人位, 轉個陣個座位會大約45度咁斜, 速度都幾快地自轉+團住八爪魚轉, 都OK刺激的。 photo from http://berjayatimessquarethemeparkkl.com/galaxy-station/ 呢個Ooorts’ Express係其他樂園都好常見的機動遊的黎, 但覺得呢度的好似特別轉得快! 之後就玩呢個自費遊戲, 好似係MYR$4, 只可以單手捉住牛上面條繩, 另一隻手唔可以捉住其他野, 如果能夠係指定秒數內唔跌落黎,就會有獎品, 總共有3次機會。 男友話比想像中難玩好多, 當然佢最後係無贏到任何獎品。 呢度有幾個自費的4D/5D遊戲。 我地比呢個EXO 360 SIMULATOR吸引左, 價錢係MYR$20一個人, 可以兩個人一齊玩, 佢個座位真係有幾下會360度倒轉架。 photo from https://www.instagram.com/berjayatimessquarethemeparkkl/ 之後我地就玩呢個Supersonic Odyssey, 令我諗起西九龍中心以前的室內過山車。 photo from https://www.instagram.com/berjayatimessquarethemeparkkl/ 原來佢係亞太地區最長(會多次倒轉)的過山車, 佢800米長,時速高達每小時80公里。 photo from https://www.instagram.com/berjayatimessquarethemeparkkl/ 呢個Supersonic Odyssey係幾刺激, 我地最後一連玩左兩次!(唔少遊客都會!) photo from http://berjayatimessquarethemeparkkl.com/galaxy-station/ 之後我地就玩呢個Robo Crash撞撞車, 撞下撞下都幾過癮。 ========================= 離開左Berjaya Times Square Theme Park之後, 我地就行下呢個Berjaya Times Square 成功時代廣場。 見到便利店有KitKat的雪糕,MYR$2.7, 於是就買黎試下。 覺得杯普通雪糕。 成功時代廣場其實都似大型版的西九龍中心, 都係d小店多。 Btw 條樓梯行過會有琴聲架。 之後我地就去左商場間超級市場Hero Market買手信零食! 地址:LG Floor, Berjaya Times Square, 1, Jalan Imbi, 55100 Kuala Lumpur, Malaysia。 阿波羅的朱古力威化餅,MYR$4,見佢個包裝懷舊所以買(屋企人都話以前的包裝都係咁),但係由於個包裝好易外露到塊餅,一但包野開左,d威化餅就好快淋哂! 然後買左馬來西亞的牌子Beryl's的朱古力,Fruity Dark Chocolate With Jackfruit Filling,MYR$5.9,Jackfruit係大樹菠蘿,見好少大樹菠蘿味的朱古力,緊係要買黎試下啦。 Fruity Dark Chocolate With Mango Filling,MYR$5.9,男友鐘意芒果,佢就買左芒果味啦。 左上個包係好達魚肉豆餅,黎馬來西亞必買的零食,淡淡魚味+豆味的脆片,MYR$1.8,超級平! 中間黃色包裝個個Chips More係的我童年回憶,MYR$3.39,小學個陣好鍾意佢地的朱古力曲奇,佢比香港常見藍色包裝的Chips Ahoy好食好多。唔知點解由十幾年前開始,香港超市就唔再賣Chip More啦! Twisties栗米條亦都係我童年回憶黎,MYR$1.9一包,又係唔知點解香港超市消失左佢地的蹤影。 馬來西亞牌子Julie's同Hershey's一齊出的Dark Chocolate Cookies,見咁特別就買黎試下,MYR$6.8。 當時廣場的大堂有d展覽。 模擬番舊時的市場攤檔。 d道具好似真的一樣。 令我諗起香港歷史博物館入面的展覽, 馬來西亞同香港舊時的市場攤檔都好相似。 之後我地就搭Uber去雙子塔Petronas Towers下的廣場 - Suria KLCC, 因為有promo,呢程Uber都係免費。 坐車途中見到呢棟大廈的燈光反射得好靚, 原來佢係大眾銀行 Public Bank的大廈黎。 ========================= 我地黎到雙子塔下的Suria KLCC啦。 入面都係賣名牌子多。 我地又去左叫做Cold Storage的超級市場買手信零食, 地址: Suria KLCC, Jalan Ampang, Kuala Lumpur City Centre, 50450 Kuala Lumpur, Wilayah Persekutuan Kuala Lumpur, Malaysia。 又係好達魚肉豆餅,今次見到有12包的獨立包裝的pack,最岩拎黎派比人,MYR$4.76 一pack 。 買左Maggi美極牌Asam Laksa亞參喇沙味的即食麵,MYR$5.77,亞參喇沙個湯底係酸的,我覺得大家值得買黎試下。 又見到馬來西亞牌子Julie's同Hershey's一齊出的產品,呢個係Chocolate Waffles,MYR$8.85。 買左兩條KitKat的朱古力,分別係Cookie & Cream,MYR$2.66,同埋 Peanut Butter味,MYR$2.85。 Nhabexims Vacuum Fried Jackfruit Chips 大樹菠蘿乾脆片,MYR$8.49,其實佢係越南出,但見到就想買黎食下。 Habbatus Qurma的Dates coated with Black Cumin Seed Oil,MYR$5.99,Date其實係椰棗黎,呢包係查左黑籽油係外層的椰棗。佢的口感好似紅棗,但就甜甜地,佢可以當成代糖,加入去飲品度,仲有止痰止咳的功效。 行完街,我地就去左間叫做Ben's的餐聽食野, 地址:Lot 140, First Floor, Kuala Lumpur City Centre, 50088 Kuala Lumpur。 由於張單已經甩哂色,我地都睇唔番叫左d咩。 呢杯係男友嗌的飲品。 我地兩個都分別叫左唔同的椰漿飯,所以賣相都好似,但配料唔同。 有兩舊肉的呢碟,好明顯就係男友架啦,有雞脾同埋軟殼蟹。 我呢碟就得一舊雞脾。 叫左碟薯格。 仲叫左碟馬來西亞style的沙律。 呢度的環境都好好坐。 呢度有款好岩吹水的card game放係枱度比人傾下計, 叫人唔好掛住玩電話, 拎幾張比大家睇下啦。 間餐廳會收加一服務費,總共食左MYR$140.8, 最後仲比左6張優惠券比我地 (使唔使設計得咁靚呀?!), 可惜我地後日返香港啦。 食完野我地就行下商場出面的KLCC Park。 但係個公園10點就會收,我地出到去都開始趕人走啦。 只好近近地影個雙子塔就算啦。 之後我地又係搭Uber番酒店,呢程Uber又係免費! 但當時係10點半,可能係繁忙時間, 等左3個字先有車接單! 旅遊日期:2017年5月14日- 6月10日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/follow Instagram: fabjai.tavel https://www.instagram.com/fatbjai.travel/收到個blog的最新update! ========================= 其他文章: 《西歐五國星馬畢業遊》 行程篇 (27日景點行程分享,機票資料) Day21 (點係香港機場hea遊4個鐘,新加坡酒店篇,Fragrance Hotel - Crystal) Day22 (新加坡酒店篇,Four Seasons Hotel Singapore,Grandma's新加坡菜,三巡海南雞) Day23 (聖淘沙,3D影相館,4D探險樂園,高速斜坡滑車,空中吊椅,亞洲最南點) Day24 (新加坡,Garden by the Bay,天天海南雞飯,小印度,哈芝巷) Day25 (樟宜機場退稅,馬印航空去吉隆坡,亞羅街,Shangri-La酒店分享) Day26 (Berjaya Times Square室內樂園,雙子塔,新峰肉骨茶) Day27 (吉隆坡影相打卡必去Kuala Lumpur City Gallery,茨廠街,保記沙河粉) Day28 (吉隆坡馬印航空番香港,退稅,吉隆坡Plaza Premium Lounge) 《去新加坡嘆》 去新加坡嘆 之 Day1a (樟宜機場,電話卡,兌錢) 去新加坡嘆 之 Day1b (聖淘沙,環球影城,Vivo City) 去新加坡嘆 之 Day2 (金沙購物中心,ION Orchard,牛車水,Maxwell Food Centre) 去新加坡嘆 之 Day3 (Merlion,牛車水寄明信片,Garden by the Bay,機場shopping) 去新加坡嘆 之 住宿篇 (Marina Bay Sands,無邊際泳池) 去新加坡嘆 之 住宿篇 (Ritz-carlton Millenia) 新加坡新地標 - Jewel 星耀樟宜+全世界機場內最高的瀡滑梯