想睇番西歐五國星馬畢業遊的行程,請睇行程篇 (27日景點行程分享,機票資料) 我地係佛羅倫斯住左2晚, 住係一間民宿叫做Home Boutique Santa Maria Novella, 入住日期係25/5-27/5, 地址:Via Della Scala 67, Florence, 50123 Italy。 我地住的房型係Deluxe Double Room, Balcony, 係Expedia度book,用左優惠碼之後價錢係HK$1733.65 兩晚, 即係平均HK$866.825 一晚。 另外,每人每晚都會收取€1.5的稅, 以及每間房每晚€5的清潔費, 我地2人2晚總共要€16。 間民宿超近Florence Santa Maria Novella火車站, 好方便我地由羅馬搭火車黎佛羅倫斯 & 搭火車去威尼斯, 唔洗拖住個行咁遠呀! 另外由民宿行去佛羅倫斯的景點都好方便。 民宿係呢座building的3樓, 虛線的位置就係3樓啦。 我地當時禁門鐘叫Host落黎接我地, 因為大門要鎖匙入架。 最高個個就係民宿的門鐘啦。 話說呢D “唐樓” 係無lift架, 當時個Host幫我搬個喼上去, 男友就搬自己個喼上去, 雖然只係3樓高, 但男友表示拎住咁重的喼行3樓真係幾辛苦, 睇黎個Host日日都幫d guests搬喼都已經揀到一手好臂呀! 終於上到黎民宿啦。 Host沖左杯Espresso比我地飲。 當時Host招呼緊另一對guests, 我地就坐係度嘆下咖啡先。 Host的書櫃。 播緊意大利的黑白片。 Host招呼我地的時候會了解下我地黎佛羅倫斯想做D咩呀, 推薦我地去d咩景點, 佢仲會比個地圖我地, 圈左附近的景點,教我地點樣去行, 又會推介d 餐廳 & 雪糕店添, 個Host真係非常熱情啊! 原來民宿入面有兩層, 我地間房就係樓下。 當時係11點,上一個guest都未check out, 所以我地去完The Mall Outlet行街先至check in我地間房。 我地間房一入門口就係個走廊位。 浴室, 呢度都有坐浴桶Bidet, 係用黎比人洗屁股&下體架。 呢度都有旅行恩物 -暖爐架, 洗完的衫可以放上去烘乾。 間房有個露台都幾有度假feel。 間房放左d乾花都幾香。 張床隔離有個勁大的衣櫃。 睡床。 間房的空間都幾大,執喼無難度。 露台。 露台望的都係樓景。 放左d 凳&枱。 個感覺好悠閒。 第二日起身, Host會沖杯Espresso比你飲, 比d 餅乾你食, 了解下你今日有咩行程咁。 當時另一pair guests都起身準備出門口, Host都熱情地想沖杯Espresso比佢地飲, 可惜個對guests唔睬個Host, Host當然會有一絲失落啦, 比較cool的人就唔係好適合住民宿啦。 民宿的鎖匙,個鎖匙扣好靚呀。 p.s. 民宿的門都幾難開,但掌握到個方法就會開到。 上篇blog講過我地係洗衣鋪遇到個WiFi密碼好似點數卡d序號咁複雜, 其實民宿個WiFi密碼都唔係簡單好多, 唔通佛羅倫斯人都好驚比人撞到自己的WiFi密碼? 總括黎講,民宿的初體驗的感覺非常好, 係異地遇到一個咁熱情的當地人係非常之warm, 另外間民宿的地理位置好方便, 缺點係價錢以民宿黎講係偏貴, 而且無電梯, (我諗佛羅倫斯市區的住宿普遍都係無電梯? 發覺佛羅倫斯的樓都比較舊式d)。 下篇blog出發去威尼斯! Ciao ciao~ 旅遊日期:2017年5月14日- 6月10日 ========================= 覺得呢篇blog幫到你, 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update! ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish&Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地-比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地:比薩斜塔&五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰!原來有咁多野好玩!) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)