想睇番西歐五國星馬畢業遊的行程，請睇行程篇 (27日景點行程分享,機票資料) ～今日的行程～ 5月23日：巴黎鐵塔 La Tour Eiffel 睇日景 -> 聖路易島 Île Saint-Louis -> 搭Ryanair飛往羅馬 今日最後一日係巴黎， 我地夜晚會係巴黎的Beauvais Airport搭Ryanair航空飛去羅馬的Ciampino Airport。 我琴晚住的酒店Hôtel La Comtesse係望到巴黎鐵塔， 我地起身影下相就check out啦， 然後放底行李係酒店就打算去巴黎鐵塔下的公園行下啦。 我地諗住午餐就買個包係巴黎鐵塔下野餐， 於是就去左酒店附近的一間麵包鋪叫做Du Pain et Vous， 地址：63 Avenue Bosquet, 75007 Paris。 佢側邊寫住Artisan Boulanger Pâtissier， 即係工匠麵包甜品師咁解。 當時係12:30pm，行左10分鐘就黎到巴黎鐵塔下啦， 今日天氣非常好，個天無乜雲。 我地每人買左個麵包，總共€7.3。 坐係巴黎鐵塔下野餐都幾寫意悠閒。 係鐵塔下坐左一個半鐘， 臨走影番張打卡相先。 圖片來源：Google Map 之後我地去左鐵塔附近的郵局寄名信片， 地址：37 Avenue Rapp, 75007 Paris。 寄明信片去香港的郵費係每張€1.3， 郵費上無寫上佢的價錢， 而郵費上的人物係象徵住法國的自由女神 - Marianne瑪麗安娜。 貼完郵費就張明信片投入郵局外的郵筒， D郵筒的樣非常低調， 如果唔係係郵局出面，都唔知佢係郵筒呀！ 右手面呢個甩哂色的郵筒其實係寫住Province - Etranger， 姐係for寄去其他省份&海外， 所以我地就要放明信片去呢個郵筒啦。 ========================= 之後我地番酒店拎行李， 然後就出發去聖路易島 Île Saint-Louis， 聖路易島係塞納河上面的兩個天然島之一， 島上最出名就係雪糕店， 最出名個兩間分別係Berthillon同埋Amorino。 我地搭地鐵去Pont Marie站， 然後要行座橋通去聖路易島。 最出名的Berthillon雪糕店星期一&二休息， 咁岩今日係星期二， 我地無緣試Berthillon雪糕啦。 其實島上有好多間自稱做Berthillon， 但都唔係最出名個間黎， 大家要小心留意呀！ 於是我就試呢間都算出名的Amorino雪糕啦， 地址：47 Rue Saint-Louis en l'Île, 75004 Paris 呢間邱比特logo的雪糕店係賣Gelato， 即係義式雪糕，特別之處係d雪糕所含有的空氣比普通雪糕低， 所以雪糕的密度會較高， 口感會綿密d、味道會濃郁d。 甜桶裝雪糕的賣相成朵花咁好靚！ 我地買左classique的size €4.7 + 一粒Macaron €1.8 = €6.5， 實際的賣相無menu張圖整得咁靚， 但都幾好食架。 ========================= 食完雪糕我地都差唔多夠鐘去巴黎的Beauvais Airport (BVA) ， 我地會搭廉航Ryanair 係9:15pm起飛 ， 11:20pm到達羅馬的Ciampino Airport (CIA)。 張機票每人€32.99， 我地每人另加左15kg行李 €18， 仲加左巴黎市區去Beauvais Airport 的shuttle車費 €15.9， 用信用卡比錢要加payment fee €2.68， 兩人加埋總共€136.46，當時匯率係HKD$1146.58，即係每人HKD$573.29。 BVA同埋CIA都係細機場黎，專做廉航機的航線。 另外，搭Ryanair記得要預先online checkin， 機場check in係要比€55 airport check-in fee！ 此外，當時BVA唔支援mobile boarding pass， 要print張boarding pass出黎上機， 如果唔係就要比€20的boarding card re-issue fee， 一年後的今日BVA已經支援mobile boarding pass， 但部分機場都仲要print張boarding pass，詳細睇呢個網， 好似我地咁去長途旅行， 旅行的中途boarding pass先至有， 去邊度搵影印鋪print boarding pass呢？ 我地當時係send email叫住緊個間酒店幫手print將boarding pass出黎， 佢地都好樂意幫手，到check out個陣就張boarding pass比我地。 Ryanair的其他收費大家可以去呢個網睇。 我地搭地鐵去Porte Maillot站， 有個出口會寫住Aeroport Beauvais， 就可以去到搭shuttle的地方啦。 我地到左shuttle的位置會見到隔離有棟Le Palais des Congrès， 佢係大型商場＋表演場館＋展覽中心， 早到的旅客都可以入去行下。 Shuttle的車程係75分鐘， 架shuttle都幾好坐， 係車上都訓左一陣。 巴黎Beauvais Airport真係好細， 個大堂一眼就望哂。 話說我地係英國的Bicester Village買左唔少野， 而我地每人剩係買左15kg的行李， 所以結果我地係超磅的， 於是我地唯有拎部分行李出黎hand carry。 當時係7:50pm， 我地去左上上圖右手面個間餐廳Le Restaurant du Faubourg買兩個法包食， 兩件加埋係€9.8。 入左禁區之後都差唔多要上機啦， 入面有間duty fee的鋪頭， 望兩眼就排隊上機！ 起飛前半個鐘，8:45pm就準備上機， 入閘個陣職員都會留意下你的hand carry行李會唔會太大件， 好彩我地都無事！ 但有D旅客的行李明顯太大就被人捉啦。 個個都拎一袋二袋的行李上機， 話說架機都幾乎無華人的面孔呀。 巴黎的旅程就完結啦！ 我地無買到揀位， 所以我同男友就被隨機分開左坐啦。 架機D座位就麻麻地好坐， 闊度都足夠， 唔滿意的地方係前面無位比人放野！ 原本預計11:20pm到達羅馬的Ciampino Airport， 點知10:50pm就已經降落到羅馬啦！ 早左半個鐘，非常抵讚！ 溫馨提示：法國同意大利係無時差架。 話說男朋友用特區護照，而我係用BNO， 我地過關的時候， 關員望一望我本passport就過得， 而男朋友...關員就首先碌一碌佢本passport， 然後望下部電腦 又望下佢本passport， 等左好耐先放男朋友走 (5分鐘到)， 好彩我地當時唔係好趕時間！ Facebook post有詳細的分享。 我地今晚會住機場附近的酒店， 叫做Hotel Palacavicchi， 原本我地諗住好似布吉個次咁拖喼行去酒店， 但係睇trip advisor的旅客話周圍都係高速公路 根本係行唔到去， 於是我地就email間酒店問下點去， 酒店就叫我地到左Ciampino Airport就打比佢地， 然後就會有司機黎接我地啦！ 而呢個免費shuttle服務剩係去到凌晨的1:30pm。 Btw，打比酒店個到都雞同鴨講咁， 機場個度無乜商店， 出面就係一個好大的停車場 好多車來來往往， 真係好難講自己的位置， 都係靠自己留意下D車寫D乜， 搵到酒店架shuttle。 張圖第二朝影的 我11:45pm就番到酒店啦， 下一個blog post再詳細review下間酒店啦！ 旅遊日期：2017年5月14日- 6月10日 ========================= 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！ ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish＆Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地－比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地：比薩斜塔＆五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰！原來有咁多野好玩！) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)
