想睇番西歐五國星馬畢業遊的行程，請睇行程篇 (27日景點行程分享,機票資料) ～今日的行程～ 5月22日： 午：7eme vin (法國菜) -> 榮譽軍人院 L’hôtel des Invalides -> 比爾阿克姆橋 Pont de Bir-Hakeim 今日我地會Check out呢間Hotel R de Paris酒店， 朝早我地9:45am就係酒店食個早餐先啦， 酒店Review請睇呢個blog。 之後我地就去左酒店隔離的一間叫Diagonal的超級市場行下。 最吸引男友就係呢D零食腸啦！ 發現法國超市有好多Nespresso咖啡機的Capsule替代品。 連茶的Capsule都有！ 最後買左Auvernou的零食腸Roquefort & Noix味 (法國一款羊奶芝士&核桃味) €2.9， 番到香港見到百佳都有得賣呢個牌子的零食腸， 但無呢隻味。 我地仲買左Casa Ramon的Chorizo Secs (西班牙腸) €3.16。 買完野我地就番房執行李check out啦！ ========================= 我地之後搭地鐵去École Militaire站。 我地首先去La Comtesse酒店放底行李先， 呢間酒店的房係可以睇到巴黎鐵塔架！ 下篇blog會做一個詳細的review！ 由於未夠鐘check in， 我地就去左酒店附近的呢間叫7ème Vin的法國餐廳醫醫肚啦， 餐廳名的意思係7th Wine， 地址：68 avenue Bosquet, 75007 Paris, France 雖然餐廳名有個酒字， 但我地竟然無叫到酒飲。 侍應會拎成塊木板Menu比你睇， 都係第一次去餐廳唔係睇一本本的menu點餐。 叫左碟Snails Casserole Dish €9.5， 我地今次係巴黎去過的法國餐廳都會點法式田螺！ 呢個田螺夠香夠咸， 但係始終係Le Bistro Melrose 個種用一個個窿的盤裝住田螺的整法最好食。 Roasted Duck Filet with Raspberry Sauce €22， 烤鴨柳配紅桑子醬， 估唔到係串燒咁上， 雖然menu寫係鴨， 但望落同食落都似係雞黎， 味道就普通， 但D薯條係幾好食架。 Breast of Chicken Roasted with Tarragon Sauce €19 燒雞胸配龍蒿葉汁， 個賣相好特別，係有D藜麥飯架， 個龍蒿汁係好正，好creamy， 原來龍蒿係法國被稱為「四香草」之一。 最後3碟野總共食左€50.5。 間酒店3點先可以check in， 食完野就散下步啦， 行行下見到路邊種左玫瑰花， 好似係第一次見野生的玫瑰花。 呢度除處都望到巴黎鐵塔！ 好想快點check in間酒店呀。 ========================= 行左陣終於都3點啦， 我地間房係位於酒店的最高層！ 呢個係我地酒店房的景色， 比想像中近巴黎鐵塔呀。 下篇blog會詳細分享間酒店！ 我地係酒店瘋狂影相之後， 就打算行去睇下係酒店不遠處見到嘅好靚的金色頂建築物。 問左Google大神， 原來呢座建築物係榮譽軍人院 L'hôtel des Invalides， 係當時的法國國王路易十四係1670年下令建造嘅， 用黎接待同治療抗戰之後殘疾的軍人＆退伍軍人的醫院， 而法國國王拿破崙一世的陵墓都係放係呢度架。 榮譽軍人院的正面， 我地無入去參觀啦。 之後我地就行去比爾阿克姆橋 Pont de Bir-Hakeim。 係行黎呢座橋之前的紅綠燈位見到有三杯球賭錢黨， 顧名思義，有個莊家會拎住3個杯1個波， 然後佢會移動杯的位置， 跟住就會叫路人估個波係邊個位。 個莊家會故意移動得好明顯比你睇到波係邊個杯入面， 場內都有好幾個“梅”故意去落注買錯的位置， 你就會諗：唔係馬...咁明顯都買錯， 就成功吸引到你去落注啦， 你落左注之後， 個莊家就會變走個波去其他位置，令你輸錢啦。 所以大家可遠觀，不可落注呀。 電影《潛行兇間 Inception》其中一幕就係係比爾阿克姆橋 Pont de Bir-Hakeim取景啦， 個一幕大約係里安納度Leonardo DiCaprio進入左女主角的夢境， 去訓練女主角建造夢境的能力。 呢度係一個好岩影相的景點， 遊客唔會好多， 而且條橋都好長， 好易搵到無人的角度。 橋的上層係巴黎地鐵的6號線， 而下層的兩邊係行車，中間係單車徑黎， 所以大家影相都要小心睇車呀。 係比爾阿克姆橋度係望到巴黎鐵塔架！ 我地沿住條橋行， 橋的盡頭係地鐵Passy站， 我地諗住搭6號線經過比爾阿克姆橋的上層。 我地話咁快就上左地鐵啦， Passy去Bir-Hakeim站就正正係比爾阿克姆橋的上層， 但架地鐵實在行得太快啦。 好好彩都捕捉到係地鐵入面望到的巴黎鐵塔。 ========================= 酒店附近有間超級市場叫做Carrefour City， 中文就係家樂福啦，類似係法國的百佳。 我地今晚就諗住係家樂福買D野番酒店食就算， 因為我地打算影巴黎鐵塔的日落呀！ 我地旅行都無乜點食菜， 就買左2盒沙律粉啦。 上面個盒係雞＆Mimolette芝士凱撒沙律 €3.03， 下面個盒係火腿芝士香醋汁沙律 €5.09。 好鍾意飲茶就買左兩盒茶包， 呢盒係Twinings的茶包， The Vert Menthe Citron Vert 係檸檬薄荷葉味 €2.66 (20個茶包)。 一個法國牌子Compagnie Coloniale的茶包， Black Tea & Raspberry Chips 係紅桑子黑茶 €8.8 (25個茶包)， 甜甜地又有茶味，唔會好似759個隻Loyd茶包咁甜。 佢入面唔係獨立包裝， 不過係好高級用網狀的茶包！ 事後發現酒店房的茶包都係呢個牌子！ 男友買左最右手面個隻香體噴霧/止汗劑 €4.55， 係AXE呢個牌子的， 佢的香味比Nivea個類牌子的香味香好多， 之後係其他地方再見到呢個牌子 就買埋左面個兩支。 番到香港都見到有得賣，但D味就唔同。 係家樂福買完野就見到隔離街有間餅店叫做Lenôtre， 於是就買D cake仔做甜品啦。 地址：36, avenue de la Motte-Picquet 75007 Paris 個盒都靚靚仔仔。 買左兩件cake仔， 左面係拿破崙千層酥 Millefeuille €6.5。 右面係紅莓撻 Tartelette Framboise €6.9，黎到法國瘋狂試紅莓撻，試左3件個個都咁好食！ 然後見到一間叫做Naturalia的藥房， 就入去睇下野啦， 買左支Melvita的有機Damask玫瑰花水 200ml €11.5， 價錢平過香港一半！ 官網話佢係採用來自高原的有機大馬士革玫瑰，每支花水係由大約2千塊玫瑰花瓣，以單一方式蒸餾而成，令融於花水中的精油濃度更高。 ========================= 買完野我地就番酒店set定相機影日落啦！ 巴黎的日落真係好靚， 下篇文章會詳細分享係酒店房影到的相片， 密切留意！ ～Day9完～ 旅遊日期：2017年5月14日- 6月10日 ========================= 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！ ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish＆Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地－比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地：比薩斜塔＆五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰！原來有咁多野好玩！) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)
