想睇番西歐五國星馬畢業遊的行程，請睇行程篇 (27日景點行程分享,機票資料) ～今日的行程～ 5月17日：Bicester Village Outlet行街 -> 午：itsu –> 晚：Five Guys 今日天氣麻麻地， 所以我地決定去Bicester Village，黎倫敦必去的Outlet行街。 我地大約9點半係酒店度食完個早餐就出發啦， 酒店我會再遲D介紹下。 我地搭地鐵去Marylebone站， 個度有火車去Bicester Village！ 來回兩程火車票每人要比£25.5， 當時大約$260港紙，都幾貴呀！ 搭火車之前諗住買支水飲， 於是係便利店揀左支貴少少的Evian £1.85， 點知Cashier的職員話買報紙會送水， 份報紙只不過£1.6！ 好彩我地揀左支貴水姐！ 架火車都幾好坐， 坐位前面有個枱仔比人放野。 搭左接近一個鍾就到達Bicester Village啦！ 當時個天都灰哂， 地下濕濕地落過雨黎。 跟住路牌同埋D人行就會去到Bicester Village， 進入Bicester Village之前會經過Guest Services， 大家記得入去拎VIP卡， 大部分的牌子＆產品都會有額外9折！ 大家只要係Google 搜尋 "bicester village vip card 2018"， 就會搵到好多VIP卡的邀請信， 到時出示番邀請信， 就會有Bicester Village的VIP卡架啦。 例如Mastercard的2018年VIP邀請信， 到時出示邀請信 & 一張Mastercard就有VIP卡。 https://vrdigitalprodcmsmedia.blob.core.windows.net/prd02-cos/2037/mastercard-mea-2018-vip-invite-en.pdf 除左拎VIP卡之外， 如果拎左好多隨身物品的話可以寄存係呢度。 我地準備去Shopping啦， 當時仲落緊毛毛雨添！ Bicester Village都幾大下， 去之前可以睇定想買的牌子係咩位置， https://www.bicestervillage.com/en/your-visit/village-map/ 等我影下部分的店鋪比大家睇下啦！ Michael Kors間鋪頭都幾大架 Longchamp鋪頭好細， 但超級多人！ Kate Spade間鋪頭位置幾乎最遠， 所以人流少D。 Bicester Village仲有超多的牌子， 例如Prada、Gucci、YSL、Tory Burch、 Coach、Jack Wills等等， 真係可以行足成日呀！ 行到大約2點， 我地終於都肚餓要食個lunch啦， 見到呢度有itsu， 我地係倫敦成日都見到呢間日式餐廳， 於是就想試下英國人成日食到的日本野係點架啦！ 另外，間餐廳標榜健康同埋eat beautiful， 所以D野食都用健康食材， 同埋賣相都好靚！ 我地買左個角切魚生丼 (Poke Salad on a Bed £7.55) & 照燒雞飯 (Chicken Teriyaki £7.09)， 連稅總共 £14.64。 同我地食開的賣相好唔同， 入面加左好多西式配料。 個照燒雞飯加左好多豆， 個醬超級咸， 好重口味呀！ 個魚生丼入面有吞拿魚＆三文魚魚生， 仲加左牛油果， 感覺好fusion， 如果少d洋蔥就更好味！ 雖然呢度係Outlet， 但D服務都非常好， 當時落緊毛毛雨， Tory Burch都會幫我地加層透明袋。 特別一讚的係，Coach的職員非常之nice， 服務好好，會同我地傾下計， D款式唔岩又會係櫃入面拎其他款比我地睇。 Michael Kors的職員亦都係幾nice， 當時我買左個錶， 同Cashier的職員戴的款一樣， 佢地都好開心咁同我地傾下計， 又會幫我較番岩個錶位。 相比我地之後係意大利去的The Mall Outlet， Bicester Village的服務係完全勝出！ 5:40pm我地買到咁上下決定離開， 火車5:48pm先到， 於是我地就去左Guest Services個度坐， 幾舒服又有班次睇。 原來係Bicester Village度買野係可以儲里數架！(唉...我地去完旅行先知) 只要係購物當日係Guest Services呢度出示番賺物的收據就可以儲里數， 以Asia Miles為例， 每消費滿£1，就可以儲到2里， 雖然唔係話儲到好多， 但有都好過無啦！ 我地總共買左咁多野！ 英國大部分的鋪頭買滿£20就可以退稅架啦， 我地係Bicester Village買的野都係Premier Tax Free 或 Global Blue呢兩間退稅公司， 要係歐洲最後一站先可以辦理退稅， 我地當時6月2號係瑞士蘇黎世機場退稅， 我全部都揀左退錢去信用卡。 Global Blue退稅就相對方便D， 係counter登記完，6月5號信用卡就收到退稅的款項。 而Premier Tax Free就要張D單放入退稅信封 (個信封係購物完商鋪比你的)， 然後放入郵筒寄(個信封已免郵費)， 我地係7月13號信用卡先收到退稅的款項。 同大家分享下我地買左D乜啦！ 1. Michael Kors手錶， 玫瑰金超級靚呀， 又有D類似水晶的石係個錶面到， 折左係£152.1， Premier Tax Free退到 £16。 2. 男朋友係Armani 買左1 pack 兩條底褲，£19。 3. Jack Wills 買左3件T-shirts， 男友件Navy色的T-shirt £17，我個件£14， 白色呢件 £18， 3件加埋有8折，總共£39.2。 Premier Tax Free退到£2。 4. Gucci 太陽眼鏡 £90， Gucci要買滿£100先退到稅。 (唉，係巴黎唔見左呢副眼鏡！) 5. 係The Cosmetics Company Store 買左粒Mac的遮瑕霜， Studio Finish Concealer £11.25。 6. Prada Leather Credit Card Holder £85 Prada Luna Rossa 香水150ml £75， Global Blue總共退到£17.3。 7. Coach 粉藍色袋 £149.25， 呢個係幫朋友買的， Global Blue退到£15.4。 Coach 機師太陽眼鏡 £59.25， Global Blue退到£3.9。 8. Tory Burch 幫朋友買左呢個袋£269.1。 仲幫朋友買左個銀包 £129。 自己都買左個袋 £162.5， Premier Tax Free總共退到£66。 就買左以上咁多野啦！ 晚上我地就去左朋友推薦的Five Guys度食野， Five Guys其實係美國的快餐黎， 但係歐洲都會見佢的蹤影，包括英國、法國、德國、荷蘭等。 D漢堡包特別在於可以自己揀配料， 連奶昔都可以揀最多4種味溝埋一齊！ 我地酒店附近就有間Five Guys啦！ 地址：287/297 Pentonville Rd, Kings Cross, London N1 9NP 呢度D員工都好Enjoy番工咁， 員工們都有傾有笑， 唔好以為佢地只係掛住傾計， 佢地出餐都幾快手架。 男友的包係：Bacon煙肉,Ketchup茄汁,Mustard芥末醬,Mayo蛋黃醬,Lettuce生菜, Grilled Onion烤洋蔥, Pickle酸瓜, Mushroom蘑菇， 我的包係：Bacon煙肉, Tomato番茄, Mustard芥末醬, Mayo蛋黃醬,Grilled Onion烤洋蔥, Ketchup茄汁, Relish酸瓜醬， 各£9.5。 我地只係叫左一個regular size的Cajun Fries一齊食 £4.35 薯條超級多，好彩叫左一個姐， 呢個Cajun style的薯條，少少辣。 飲品方面，叫左一杯奶昔 £4.95， 揀左4種味，包括Chocolate, Banana, Oreo Cookies, Whipped Cream， 仲可以加煙肉粒係面添，超級正。 仲叫左杯任斟汽水 £2.95， 有好多可樂的口味，包括Orange, Cherry, Vanilla, Cherry Vanilla, Lime， 成十幾年都無飲過vanilla味的可樂！ 真係好好飲。 黎一個近鏡， 個包真係好正， 好大個， 仲要用錫紙黎包住。 食到超級飽！所有野連稅 £31.25。 ～Day4完～ 旅遊日期：2017年5月14日- 6月10日 ========================= 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！ ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish＆Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel)Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地－比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地：比薩斜塔＆五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰！原來有咁多野好玩！) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)
