5日4夜大阪之旅, 最後一晚我地就住係梅田的Intercontinental Hotel Osaka。 我地係Expedia度book 17/6號晚 Premium Suite, 價錢係$2774.98。 我地check in個陣仲upgrade左我地做Premium Corner Suite, 間房係有梅田景睇的! 而且仲邀請我地做會員, 送左每人一杯酒店的酒吧Adee的welcoming drink! 請睇:去大阪玩 之 Day4b (奈良,進擊的鹿,梅田Grand Front Osaka) ---------------------------------------- Intercontinental Hotel Osaka都幾近JR大阪站&地鐵梅田站, 佢位於Grand Front Osaka的北館上面, 酒店房位於21-26樓,居高臨下。 附近好多商場,我地係Grand Front Osaka同阪急百貨都有買野! ---------------------------------------- 房卡都充滿日本特色。 我地check in拎房已7點半, 打開房門有個長長的走廊先去到廳, 走廊有個凹位,其實係衣帽間的門口。 走廊的盡頭係廳,有張梳化,可以見到梅田的市景。 坐係梳化可以睇電視。 電視前面放左D柑 (酒店好照顧客人的健康) 另一面係工作枱, 工作枱格離有舊石上面放左D茶具 (間房modern得黎帶點傳統特色) 而且有多部電視機。 (即係坐係梳化 望前望右都可以睇電視) 真係一舊硬的東西黎。 可惜我無茶葉沖黎玩下。 From酒店官網 廳可以通去睡房。 床前面的景色。(房燈反哂光) 點擊圖片放大 我地就瘋狂對住個景影相,仲拎住奈良買的公仔。 一起身就係床到望到成個梅田 當然香港的樓景係靚好多。 睡房可以通去浴室 左面係沖涼的位置, 除左浴缸, 仲可以好似傳統日本人咁坐係木櫈度沖涼。 另一面係廁所。 衣帽間, 可以通去浴室, 鏡頭後面可以通去走廊。 除左浴袍,仲有浴衣款式的睡衣。 但係件浴衣太普通,女裝有個窿,所以我唔記得左影。 ------------------------------ 有好多酒,當然係收費的。 竟然有新加坡的TWG茶包,等我慢慢飲先! 仲有6粒capsules飲! 仲有少少簡介。 ------------------------------------- 點擊圖片放大 沖涼用品係用美國的牌子Agraria。 日用品都好齊全。 ------------------------------ 最後一晚影的戰利品! (未計last day&大阪機場的收穫) 我地準備check out! 見到呢張男友食爆谷的相, 先醒起我地係Best Western門口間7仔見到Garrett的爆谷賣! From https://www.japaholic.com/tw/article/gourmet/205540/ 係日本7仔同Garrett出的包裝爆谷! 我覺得口感味道同Garrett店賣的差唔多! 大家係日本可以留意下有無。 --------------------- 酒店附近有咩食可以睇去大阪玩 之 Day4b (奈良,進擊的鹿,梅田Grand Front Osaka) --------------------- 總括而言, 想係大阪住返晚靚酒店的話, Intercontinental Hotel Osaka都係推介的! ------------------------------ 想收到個blog最新update 記得like Facebook Page https://www.facebook.com/fatbjai.travel/ 其他文章: 去大阪玩 之 出發前先興奮 去大阪玩 之 Day1a(電話卡,兌錢,買ICOCA卡) 去大阪玩 之 Day1b(大阪城,黑門市場,固力果廣告板,Pablo) 去大阪玩 之 Day1c (新世界元祖串,章魚燒) 去大阪玩 之 Day2a(環球影城Universal Studios Japan) 去大阪玩 之 Day2b (東心斎橋,遠離遊客區食好西) 去大阪玩 之 Day3a (浴衣體驗,京都清水寺) 去大阪玩 之 Day3b (京都清水寺,浴衣體驗,釜座,丸善,Dalloyau,沾麵) 去大阪玩 之 Day4a (京都伏見稻荷大社,千本鳥居) 去大阪玩 之 Day4b (奈良,進擊的鹿,梅田Grand Front Osaka) 去大阪玩 之 Day5 (關西機場手信,JR大阪locker,Luke’s Lobster) 去大阪玩 之 住宿篇(Best Western大阪心齋橋) 去大阪玩 之 住宿篇(Intercontinental Osaka)