今次黎澳門住Conrad (12月20號) 我地買package ，酒店連船飛係$1956。 金沙城中心有四間酒店 分別係Conrad、Holiday Inn、Sheraton、St Regis 明明最多人落車的係Holiday Inn同埋Sheraton， 但我地去到Conrad check in 的時候竟然無房！ 所以職員免費幫我地upgrade左做suite, 但晏D先有房， 我地當然無問題啦！ 然後我地store行李係酒店 就去大三巴食好西先啦 :P 去澳門嘆 之 大三巴附近食好西 我地6點先番到去酒店， 然後有職員帶我地上房， 仲問我地dinner會食咩 洗唔洗幫我地book之類。 一大開房門 發現間房比想像之中大呀！ 首先門口對出就有一個好闊的走廊，門口格離就有個廁所啦。 雖然浴室入面都有廁所，但呢個客廁都佈置得幾靚。 走廊，我身處的位置就有個茶几仔。 有部Nespresso咖啡機 有4粒capsules，Organic茶包....... 個杯岩岩好斟得滿杯咖啡。 廳有張飯枱，有度門通向睡房。 張飯枱好有屋企的感覺。 個廳好大 好寬敞 張梳化好大張 梳化格離發現左盒糖！ 原來係手工糖 係Conrad Macao的圖案 入到黎睡房 有張大床 窗邊有兩張凳 床對住部電視 另一面係張梳妝台 同埋沖涼房的入口 睡房同沖涼房中間 有個衣櫃 仲有張軟凳仔 終於黎到沖涼房啦 浴缸上面有部電視 可以一邊浸浴一邊睇電視 沖涼房入面仲有企缸同廁所 無乜特別 所以無影啦 浴缸上放住鴨仔 可以話係Conrad酒店的signature黎 仲可以帶番屋企tim 圖片From酒店官網 沖涼用品係用Aromatherapy Associates 的牌子 好貼心連女姓剃刀都有！加10分！ Check in 左房無幾耐 就有員工禁門鐘送左隻公仔比我地 送公仔都好似係Conrad的特色黎 除此之外，浴衣、拖鞋都會分男女！ 男士的拖鞋會寫住His 女士的拖鞋會寫住Her －－－－－－－－－－－－－－－－－－－－－－－－－－－－－－－－－－－－－ 交通方面 係澳門好多人都以旅遊巴代步， 金沙城住返氹仔碼頭都有旅遊巴， －氹仔碼頭搭去Conrad 就係正酒店門口落， －搭去氹仔碼頭的旅遊巴 就要行去Sheraton喜來登的酒店門口搭啦 (Conrad隔離就係Sheraton) －而去大三巴個邊呢？ 最近要行到去新濠天地先有 (好鬼遠！） 我地行左一次就放棄啦， 之後都係搭的士 或者 搭巴士去大三巴個頭。 －－－－－－－－－－－－－－－－－－－－－－－－－－－－－－－－－－－ 附近食咩好？ 參考番 去澳門嘆 之威尼斯人有咩買同食 p.s. 金沙城中心的food court麻麻地，去威尼斯人食好過。 －－－－－－－－－－－－－－－－－－－－－－－－－－－－－－－－－－－－ 總括黎講，呢間suite非常之正，三個字 - 非常大！ 想收到個blog最新update 記得like Facebook Page https://www.facebook.com/fatbjai.travel/ 其他文章： 去澳門嘆 之 大三巴附近食好西 去澳門嘆 之 威尼斯人有咩買同食 去澳門嘆 之 住宿篇(Conrad Macao)
