繼上篇blog講左係大三巴食左咩好西， 去澳門嘆 之 大三巴附近食好西 今篇就講下氹仔呢邊有乜食同買啦。 老老實實，係氹仔我地都主要係酒店附近出沒， 活動範圍都係金沙城中心同埋威尼斯人， 所以係氹仔都無食D咩正野。 1. 安德魯餅店 (好味度：★★★★☆) 聽聞KFC d葡撻其實就係瑪嘉烈葡撻，所以我地就特登去食安德魯的葡撻比較下！ 地址：路氹城金光大道望德聖母灣大馬路澳門威尼斯人度假村大運河購物中心臉譜街870號舖 個樣同KFC的葡撻好似樣，味道都好似，但覺得安德魯的葡撻比KFC好食D！！ $10/件 位於威尼斯人入面的安德魯餅店， 個格局都好似Pacific coffee, Starbucks咁， 買完野食就自己搵位坐， 同一般coffee shop無異。 行左成日， 坐係度食件撻休息下先。 間唔中運河上有貢多拉船經過， D船夫歌聲就會傳入黎， 佢地唱歌又幾好聽架喎！ 2.威尼斯人Food court 金沙城中心的food court選擇少，而且價錢貴D。 而威尼斯人的Food court選擇多好多，價錢都正常D，所以我地係度食左兩餐。 2a. 新加坡美食 (好味度：★★★☆☆) 前排去完新加坡旅行仲好掛住個度D野食， 所以忍唔住就試下呢間新加坡野。 娘惹叻沙$58 馬來椰漿飯$78 D野食係無係新加坡食個D咁好食架啦，但都唔差，可以一食的。 2b.皮塔餅 Pita Pan (好味度：★★★☆☆) 第2日臨離開澳門，再黎威尼斯人的Food court搵食。 事關呢兩日係澳門都無食過菜，所以就想食下沙律。 呢間Pita Pan係地中海菜黎的， salad有好幾款揀，我好似係叫左Fattoush salad，$92 入面有D面包粒、青瓜、甜椒等等， 好大碟，一個人係食唔哂！ 2c. Fatburger (好味度：★★★★☆) 我食沙律的同時， 男朋友就買左個burger食， 佢好似係叫左Original burger $50！ 呢個burger係好好食的！ 大家黎威尼斯人的Food court諗唔到食咩，就食呢間的burger 啦！ 氹仔就係食左咁多野啦。 以下我就講下有咩好買！ 威尼斯人店鋪林立， 吸引我的就係香港無，而呢度有的鋪頭啦， 無錯就係Charles＆Keith 同埋Bath & Body Works啦！ Charles＆Keith係新加坡的牌子， 之前新加坡的blog都介紹過，有小ck的稱號，而且價錢唔貴！ 可惜睇唔岩款，咩都無買到。 而Bath & Body Works係美國牌子， 忍唔住買左D野！ 買左2個蠟燭同5支消毒酒精。 超多味道揀，D味都好香， 有選擇困難症的你要小心啦，哈哈！ 蠟燭$218枝，消毒酒精$18枝， 當時有優惠，買咁多野都係$310。 係澳門shopping，好多時用港幣買野都係1兌1， 但我發現Zara旗下的鋪頭係會計番匯率！ 包括Zara、Bershka、Pull and Bear、Stradivarius等。 例如件產品係MOP$100，你用$100港紙比錢，佢會找番幾蚊澳門幣你， 變相件產品好似平左幾蚊，又多左幾蚊係澳門洗。 而且我覺得Zara係澳門同香港的價格都差唔多， 澳門的款式好似仲多D添。 下篇我會講下我地係澳門住的酒店。 想收到個blog最新update 記得like Facebook Page https://www.facebook.com/fatbjai.travel/ 其他文章： 去澳門嘆 之 大三巴附近食好西 去澳門嘆 之 威尼斯人有咩買同食 去澳門嘆 之 住宿篇(Conrad Macao)
