今次去台灣(今年6月)比上次(今年1月)買多左野， 上面張圖係番香港前1晚影的，最後一日其實都買左好多野但無影到大集合。 太陽餅、洪瑞珍、糖村、港記個D唔再多講啦，之前的blog都提過。 今次都係化妝品、護膚品為主。 我地首先去台中，然後去台北，所以由台中講先。 (當時港紙兌台幣大約係1兌4) 1.康是美 地址：台中市西屯區福星路431號1-2樓 我係係台中逢甲夜市間康是美買的 廣源良菜瓜水 NT$189 1 pack(有2枝100ml)，加一蚊多一件，總共NT$190。 然後發現有地方賣$129 3枝100ml！ Biore 深層卸妝棉補充包 NT$89 台灣買平好多，卸得幾乾淨！ Lovemore 愛戀膜法 NT$299一盒 買一送一，4盒總共NT$598。 買左蘆薈絲瓜＆竹夢踏實＆酒粕酵母＆薏無反顧。 好薄好貼！我上一次的台灣haul文都有詳細講去台北嘆 之購物篇－化妝品＆護膚品 小三美日平價美妝 地址：台中市西屯區福星路373號 係台中逢甲夜市仲去左呢間買野 Schwarzkopf Osis+ Session Extreme Hold Hairspray 500ml NT$299 上次去台灣我男朋友都有買呢支hairspray $299係最抵價！ 2.美華泰流行生活館 地址：台中市中區台灣大道一段238號 係台中間酒店附近的美華泰買的。 MJ 超激長魔法睫毛膏瞬翹進化版 NT$340 MJ Mascara唔洗多講！係台灣買平好多！ 但我當時蠢左，屈臣氏開架牌子有85折，而美華泰無折，買貴左:( Aqualabel 經典保濕旅行組 NT$269 入面有： 保濕卸妝凝凍 60g 全效3D高保濕彈力霜 20g 濃密泡保濕洗面霜 60g 保濕潤膚水(清爽型) 75mL 一set野入面有齊哂卸妝、洗面膏、爽膚水、面霜， 所以就即刻買左啦！ 可惜屈臣氏開架牌子有85折，而美華泰無折，又買貴左:( 悠貝莉 氣壓充填式香水瓶 NT$162 平價/翻版的travelo，男朋友想帶香水出街噴就買左啦， 都ok好用，但個噴咀麻麻地，有時噴到佢隻手好濕。 森田藥粧 親水化妝棉 NT$39 薄薄地有D似麗的化妝棉，但係森田藥粧呢個係更棉質。 但我覺得張化妝棉窄左少少，一張唔夠用。 當時店內宣傳買滿唔知幾百就減幾十的價惠，我地特登買滿指定價錢， 埋單個陣竟然無減！我問收銀員點解，佢就話開架牌子唔計(搵笨)！ 然後佢就送左D試用裝比我地～但都彌補唔到我心靈的創傷:'( 4. POYA 寶雅 地址：宜蘭市光復路6號 係宜蘭行到好熱，就入左呢間寶雅shopping。 蒂巴蕾T透Magic全透明彈性絲襪NT$69，耐穿彈性絲襪NT$59 上一次去台灣的巴黎草莓買左T透個隻覺得好好著，所以今次一見到就入手左4條冬天著。 小鞋臣鞋刷-迷你 NT$35 男朋友係香港12蚊店搵唔到岩心水的鞋刷，點知係台灣比佢搵到， 但佢到而家都仲未用過lol。 愛黏一起紙膠帶 NT$32 覺得好靚，忍唔住就買左3卷 haha。 12mm透明磨沙bra帶 NT$29 著吊帶衫唔想露bra帶，Made in Taiwan見到平平地就買左。 用左好多次都仲未斷，但係易黃。 話說我係香港Miniso買的透明bra帶，用左幾次就斷左， Made in Taiwan同Made in China的分別就係咁啦。 4. 屈臣氏 地址：台北市大安區忠孝東路四段209號 地址：台北市萬華區武昌街二段37號 分別係忠孝敦化同西門町的屈臣氏買左野。我首先去左忠孝敦化間屈臣氏。 森田藥粧 高機能保濕精華面膜＆高保濕菁華露面膜 NT$299兩盒 凡購物，可以加NT$149換 NARUKO牛爾老師 紅薏仁面膜！ 個晚番酒店敷左張，覺得好貼面，所以最後一日去西門町間屈臣氏買野個陣再買左盒！ 係西門町間屈臣氏除左加多盒紅薏仁面膜，仲買左...... 森田藥粧集中潤白原液面膜＆青春露水潤面膜 NT$299 2盒 特別一提，我買的森田藥粧都有珍珠紙的，但唯獨粉紅色的集中潤白原液面膜無珍珠紙。 但係我比較懶所以無珍珠紙我覺得方便D :P 奇幻多彩彩色隱形眼鏡 月con 黑色 NT$100(有8折) 1片 嚴選drugstore中最平的月con，比想象中舒服。 Shiseido 睫毛夾 NT$150 惹我Neuve清爽吸油蜜粉 NT$136(有85折) 見到屈臣氏有85折 所以再買左件Aqualabel 經典保濕旅行組 NT$228.65(有85折) 5. 光南大批發 地址：台北市中正區許昌街40號 黛安娜日拋隱形眼鏡 黑色 NT$169 10片 又係嚴選台灣drugstore最平的day con，舒服！ 3M荳荳隱形貼 NT$139 台灣買平好多！香港1盒的價錢 係台灣買到2盒。 文具又係學生哥黎光南必買的野 香港D文具真係離譜地貴！ Plus 改錯帶芯 NT$19 Zebra Sarasa 啫喱筆 NT$25 Pilot HI-TEC-C 啫喱筆 NT$29 台灣風情 紙膠帶 NT$28 好有台灣特式 膠紙上面都係印住台灣的景點 所以想買黎送比小朋友 貼紙 NT$32 呢個唔係我買 係男朋友買的 佢買黎貼係送比我的card度 haha 6.巴黎草莓 地址：台北市萬華區漢中街50巷2號2樓 Octard Cover Foundation NT$240 我用黎做concealer 遮到黑眼圈紅印 但遮唔到暗瘡印 以下兩枝都係眉筆 NT$149&109 我唔記得價錢邊枝打邊枝啦 Solone眉筆 Etude house 眉筆 我買眉筆最重要係揀唔洗刨，而且有眉刷的。 兩枝都符合我的要求，而且價錢好平！ 永和三美人化妝海綿粉撲 NT$12 巴黎華莓買永和三美人的粉撲係最平！ 7. 86小鋪 地址：台北市萬華區中華路一段111巷18號1-2樓 Avon advance techniques dry ends serum NT$85 我用黎當髮尾油 陣味幾香 唔會太油 Smith's Rosebud Salve 萬用玫瑰花蕾膏 NT$130 我用黎當潤唇膏 好潤 幾香 8. Tomod's 地址：台北市大安區信義路二段174號 一出東門地鐵站，去永康街個陣見到就入左去買野。 纖美主張薏仁水＆紅豆水，1件NT$199，2件NT$338。 薏仁水的包裝寫有利身體的廢物代謝，潤白肌膚； 而紅豆水就寫話可以調適黎M的狀態，令氣色紅潤。 有無呢個功效我就唔肯定， 但沖水飲淡淡地無乜味，每朝飲杯，心理上覺得自己健康左haha －－－－－－－－－－－－－－－－－－－－－－－－－ 以上D相有D係台灣影，有D係番香港無耐影，有D係寫呢篇blog先影，所以相片質素參差，請見諒。 原來唔打出黎都唔知自己原來買左咁多野haha，希望呢篇blog可以令大家去台灣shopping有明確的預算啦！ 想收到個blog最新update 記得like Facebook Page https://www.facebook.com/fatbjai.travel/ 其他文章： 大家可以係menu bar度揀《去台灣嘆》的其他文章 去台灣嘆 之 Day1 (長榮航空,桃園機場去台中, 逢甲夜市) 去台灣嘆 之 Day2 (第二市場,太陽餅街,宮原眼科,台中去台北,蘋果工房) 去台灣嘆 之 Day3 (礁溪,宜蘭,溫泉魚,Afternoon Tea) 去台灣嘆 之 Day4 (永康街,度小月,府城,天天利) 去台灣嘆 之 台中住宿篇(理想與現實,Airbnb中伏) 去台灣嘆 之 台北住宿篇(凱撒大飯店) 去台灣嘆 之 戰利品篇 《去台北嘆》系列 一家去台北 之 住宿篇
