去台灣已經係1月的事啦，D化妝品＆護膚品都用左差唔多5個月，可以做個 review啦。 (當時港紙兌台幣大約係1兌4) 我買的野唔多，剩係係屈臣氏、巴黎草苺、康是美同光南大批發買左化妝品＆護膚品。 1.屈臣氏 當時屈臣氏的開架彩妝有85折，咁岩我買的野都係開架彩妝 :P 我買左Sofina Primavista Long Keep Base UV， NT＄297.5 有SPF25 PA++ 支野用完唔會油淋淋，但我用左5個鐘以上塊面就會開始出油。 Sofina Primavista Liquid Foundation UV <Long Keep>，NT＄382.5 有SPF25 PA++ 遮瑕力都Ok，薄薄查一層已經足夠。 1028 Brownie Eyes，NT＄424.15 D色好實用，我最常用的係右上的金啡色。 點擊圖片放大 Revlon Parfumerie Scented Nail Enamel - African Tea Rose，NT$153 覺得有香味的指甲油好特別，個packaging又好靚，而且香港又唔見有就買左啦。 查左一層就好顯色，好好查，2-3分鐘就查完一隻手，都好快就乾。但D香味我就唔岩我，陣味有D俗。 Kiss Me 眼線筆，NT＄297.5 我支Kiss Me 眼線筆已經用完好耐，所以就係台灣買番支黎用。 我本身超級油眼，暫時得MJ同Kiss Me 眼線筆係岩我對眼。 2.巴黎草苺 防駝美背美胸衣 - 心機白 NT$399 我有駝背所以買左防駝背的美胸衣，著住佢係唔洗戴Bra的，佢有3個size揀，可能我揀唔岩size所以覺得唔係好舒服，所以我會拎左入面的胸墊出黎，然後當做衣服打底黎著。 其實我著左幾次only所以就睇唔到防駝背同美胸的功效。 永和三美人化妝海綿粉撲 NT$12 我平時都唔用海綿同粉撲，所以買左塊黎玩下，塊撲好軟熟，用黎洗面幾舒服。 Solone 30秒定妝慕絲眼線眼彩筆 Gel Like Smoody Pencil No.16 甜心粉 NT$159 用黎畫眼頭都幾靚。 筆芯好軟，用幾次就平左。 支筆外表係膠，初初疑惑可唔可用筆刨黎刨，原來係可以的。 後面仲有個柔軟棉棒用黎smudge開條眼線。 Miss Bowbow 撥撥小姐 隱形雙眼皮貼 月牙型溫和版(黃) NT$258 有42對。 網狀的雙眼皮貼，未試過用所以就買黎玩下，我技巧唔純熟，所以痴左出黎都唔係好自然。 蒂巴蕾T透Magic全透明彈性絲襪 黑色 NT$79 我見到好平所以買左對黎試下，佢係我想要透明度，而且唔緊又唔鬆，岩岩好的長度，著左幾次先爛！去台灣要買多幾對！ Victoria's Secret Hydrating Body Lotion - Such a Flirt NT$300 我見到平就買左支，個度無得試味的，純粹個名Such a Flirt吸引我，所以就揀左呢隻味，開左出黎好香好甜，係楊桃味。 VDL Festival Eye Shadow (Jelly) - 115 Bridal Shower 買左咁多野送的，原本諗住送的係唔好用，或者係D好難用的色，點知原來隻色好靚，係好淺好shimmer的啡色，而且好creamy，用黎做eye shadow的base係唔錯的。 3.康是美 Sofina Primavista Moisture Keep Base， NT＄298 有SPF25 PA++ 佢係杰身的，比Long Keep Base水潤，適合秋冬用。 行左幾間watsons都無，點知係康是美搵到。 Lovemore 愛戀膜法 蘆薈絲瓜沁潤面膜＆孟宗竹竹夢踏實面膜 NT＄299 (買一送一) 每盒有5片。 Lovemore的面膜好特別，除左面膜紙同珍珠紙之外，仲有塊藍色不織布。 懶惰的我就覺得有3層野好麻煩，但我朋友就覺得好好用，佢叫我去台灣再買多D。 4.光南大批發 Annie's Way - Honey Deep Moisturising Jelly Mask 蜂蜜深層保濕果凍面膜 NT$299 網上好多人都對Annie's Way敏感，我都不例外呀，用左3次都敏感，只好放棄佢，送左比無敏感的朋友用。 呢個trip我就買左咁多了，我今個月會再去台灣，遲D再同大家分享我點嘆啦。 想收到個blog最新update 記得like Facebook Page https://www.facebook.com/fatbjai.travel/ 其他文章： 去台北嘆 之 解謎篇 去台北嘆 之 酒店篇 去台北嘆 之 Day1a (中華航空, 廁所, 電話卡, 機場巴士, 台北車站) 去台北嘆 之 Day1b (漁人碼頭,情人橋,淡水老街,士林夜市) 去台北嘆 之 Day2a (平溪，放天燈，菁桐，許願竹) 去台北嘆 之 Day2b (九份，饒河街夜市) 去台北嘆 之 Day3 (度小月，Dazzling Cafe，阿毛，忠孝敦化，台北車站，西門町) 去台北嘆 之 Day4 (松山文創園區，誠品生活松菸，美麗華摩天輪，Bigtom) 去台北嘆 之購物篇－化妝品＆護膚品 《去台灣嘆》系列 一家去台北 之 住宿篇
