今次肥啤🧸黎到將軍澳一間新開嘅餐室食野，主理人Chef Brook擁有豐富的廚藝經驗，曾經起高級酒店擔任主廚，並赴東南亞地區學習以西式手法烹製南洋美食，保留南洋風味之餘，亦加入港式元素，令口味更適合港人。 📌香茜胡椒花甲蜆湯配粉絲以新鮮花甲做主角，湯頭用左白胡椒、香茜、薑、芹菜和新鮮花甲熬煮而成。寒底寶寶表示白胡椒湯底夠晒鮮甜暖胃🥰❤️❤️粉絲底索左啲湯汁好入味～ 📌招牌蝦🦐湯粉配摻摻海蝦肉質爽口彈牙，蝦湯係蝦頭蝦殼等經烘焗後釋出蝦油再熬成高湯，香氣濃郁 📌椰香咖喱雞西多士以西式嘅咖喱包做藍本，同港式西多士crossover，超厚切西多士外層酥脆，口感鬆軟。西多搭配著充滿咖喱香氣的嫩滑雞肉內餡，創新得黎又幾夾😳 📌 招牌海蝦煎蛋撈麵選用泰國🇹🇭嘅新鮮大蝦🦐配以港式油麵同自家製嘅蔥油用上乾蔥、青蔥頭、芫荽頭、八角、肉桂等多種香料熬製而成，配埋隻燶邊太陽蛋🍳會唔會太邪惡👿 📌秘製士南雞翼運用左咸香帶甜嘅南乳醬同微辣惹味嘅士拉差辣椒醬，味道豐富。雞翼外皮香脆，肉質嫩滑入味 📌馬來沙嗲豬串加入左椰奶同花生🥜碎所做成的馬來西亞沙嗲醬，香濃惹味 📌 咖央豬肉鬆厚多士以咖央取代花生醬，咖央嘅椰香🥥同甜度恰到好處 📌虎咬獅🐯👹🦁因為個名好得意而揀左呢杯馬來西亞嘅地道飲品，由美祿同咖啡☕️調配而成，呢度採用左滴漏咖啡，令咖啡嘅香氣更加清香。美祿嘅甜度中和左咖啡嘅甘，平時唔飲咖啡嘅肥啤🧸覺得好易入口🥰📌美祿鮮蛋美祿+🥚，好似港式嘅和尚下海，營養度滿滿💯打入雞蛋後趁熱攪勻，口感滑捋捋。美祿嘅微甜可可味，令滾水加蛋變得順口，有冇勇者想挑戰下⁉️🤣 📍 山打根 (將軍澳)將軍澳澳南海岸唐俊街23號MONTEREY Place地下G12號舖
