相信一講到關於扮靚靚好多姊妹們也會幫到自己做到啲嘅，例如：化妝、Set頭、卸妝護膚等，唔多唔少大家都識少少同有啲心得，在日常生活裏都可以應用到自己身上的。今次就同姊妹們講吓美甲不求人💪🏻💅🏻花甲DIY💅🏻我做得到你都做得到💪🏻咁可能你一聽就覺得唔係呀嗎？有啲難度喎？第一冇學過，第二唔識技巧點樣做啊？冇錯如果你有跟專業美甲導師學過專業技巧同程序你當然可以得心應手啦，但係如果你冇學過你又好想自己動手做？其實唔係唔得嘅，我哋由最簡單嘅修甲同搽甲油開始多加練習，慢慢挑戰去簡單啲嘅單色Soft Gel Nail然後先至越級挑戰去嘗試做單色Hard Gel Nail， 甚至乎花甲設計及水晶甲👍🏻無論你是學過定冇學過，同一道理都係簡單事情重複做，工多手藝自然精👍🏻👍🏻💅🏻💅🏻 是次介紹吓我呢款花甲設計💅🏻閃幻霧藤💅🏻 這款是光療樹脂啫哩甲美甲💅🏻並採用Hard Gel材料，因為本人係水甲容易指甲撕裂或斷掉，所以選用硬度高的Hard Gel比較保護力強，底色選用左浪漫的霧藤紫色以及裸粉色，而花甲設計配用咗粉紅、米色之貝殼片以及金線加少許閃片，令之整套花甲看起來除有閃幻感覺外🤩又富有浪漫溫柔嘅一面💅🏻😊好啱想有少少浮誇但又不失優雅嘅族群口味😁 好首先預備材料及工具：PH平衡液、底Gel、模型Gel、兩色甲油Gel、保護面層Gel 、Gel 掃筆、劃花掃筆、啫喱甲水、雨色貝殼片、金線膠、銀閃片、黏合Gel、Led 燈機、輕巧電動挫、幼沙挫、粗沙挫、海棉挫、小箝子、不起絲綿花、甲皮護理油等。 程序：首先修好甲型及長度後，用粗紗挫把真甲面挫花，不要挫得太深，適當便可👍🏻以免傷及甲床。然後用上PH平衡液，搽上薄薄的一層底Gel照Led 燈45秒，接着掃上模型Gel 第一層照Led 燈1分鐘， (份量請別太多或太厚，注意是要鋪平及滑)重複一次，即是模型Gel搽上兩層照Led 燈凝固後，用棉花沾啫喱水輕抹甲面，然後檢查甲面若有否凹凸不平或過厚地方，若有可用輕巧電動挫稍作打磨，然後用幼紗挫輕挫後⋯ 接着掃上已選兩隻色之指甲Gel 兩層，每一層也需照LED燈 1分鐘等之凝固。至於怎樣分配顏色放在十指甲之上，可隨你個人喜歡，以我較為喜歡把兩色隔開分佈😊 完成兩層底色油後，跟着便是花式設計部份：把兩款貝殼片放在指甲之上，利用黏合膠貼上，加上閃片掃上金線Gel後照Led燈45秒，接着掃上薄薄一層模型Gel作保護照Led燈1分鐘⋯ 然後保護面層Gel 照1分鐘，再用棉花沾上啫喱水抹每一隻指甲面及甲邊，最後用甲皮護理油搽在指甲外邊上輕輕打圈按摩深透便完成✅💅🏻💅🏻 今次呢款花甲設計你喜歡嗎？若然喜歡請給個讚並追蹤我吧😊我會陸續分享更多關於美的資訊及心🉐️給各位姊妹們😉
