呢間真係超值得推薦啊！！😍當初最吸引小編係因為佢竟然有生酮麵底，就連進行緊低碳飲食既小編都覺得真心正，所以一定要去試啊😌😍TGIF既晚上九時去到都要等位，果真名不虛傳啊😳餐廳裡面既裝潢採用木系設計，一坐落去成個感覺好舒服～每枱都會附送一杯熱茶☕️同埋超脆口既印尼蝦片😋個人好鐘意食呢個蝦片，雖然都有啲熱氣但都食到唔停口😂唔講唔知原來呢間係食fusion菜，係由老闆娘向在印尼生活多年既婆婆取經，唔怪之得真係有啲印尼既感覺😛 🎀十三么 $68 (+$10 轉翠玉瓜麵拼粉絲) 呢度既菜式名其實都好過癮😜有十三飛十三么連大三元都有🤣對於唔係好識打麻雀既小編真係聽到一頭霧水啊🤯認真講返今次同閨密叫左個十三么💗好豐富裡面有手撕雞、雞叉燒、溏心蛋🥚最重要係轉左翠玉瓜麵拼粉絲底，亦係我最期待的😍湯底原來係用上雞隻經過數小時熬煮而成的～ 所以飲落味道好濃郁😋而翠玉瓜麵同粉絲完全索哂啲湯汁，食落好入味🥳呢個麵底太健康了，翠玉瓜係用新鮮既翠玉瓜製造，好岩生酮同低碳既朋友食😳手撕雞就好嫩滑，雞叉燒整體不過不失～個人覺得佢既溏心蛋整得幾好，小編同閨密仲叫多左半隻添🙆🏻♀️ 🎀老闆娘鵝肝煎蛋撈飯 $118 點擊圖片放大 +2 呢個真心性價比超高！！有四大塊既鵝肝，仲要每塊都煎得外脆內軟😋不過小編唔係好識食，唔算太鐘情於鵝肝，所以一塊已經好足夠了🙈相反閨密就好欣賞🥳所以自問好鐘意食鵝肝既呢個一定滿足到你😎而呢個撈飯入面有自家製既XO醬配埋辣蝦乾、辣菜蒲同煎太陽蛋，好惹味😆加埋自家製既醬油落去撈更添層次🥰 🎀吉列炸蠔 $32 因為賣哂西多雞翼所以叫左吉列炸蠔🥺但炸蠔都好有驚喜！！外皮炸得香脆，咬開仍非常juicy🥳一點兒都沒有油膩感～ 整體來講呢間真心性價比超高🤩極力推薦！！💕一定會回頭再食～而下次小編會想試下西多雞翼同埋佢既翠玉瓜麵拼四蔬底😳 ✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨ 📝十三姨 地址：旺角通菜街1M-1T號華發大廈地下C號舖 ✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨✨
