其實係想係度分享下，本人使用過hotels.com不快o既經歷。 其實我用左咁耐各個酒店網，來來去去主要都係用agoda同hotels.com。hotels.com我訂左咁多次，出過兩次事。 第一次係去新加坡，臨出發前兩日，酒店send email來話我訂o既房裝修咁。嘩﹗收到咁突然o既消息咁係打電話去hotels.com問個究竟啦，客服就話打電話去酒店問下啦，我有提過佢我後日就出發ga。點知第2日都未覆我，我就再打去問啦，佢話因為我分開兩張訂單訂兩間房，而裝修咁o既就得一間，所以佢只可以幫我處理其中一間。我心裡十萬個粗口，因為我訂一間3人房，一間2人房，hotels.com可以兩個唔同o既房型一齊訂o既咩?????咁我當然同佢嘈啦，佢最後都係唔幫我處理埋另一間房ga~ 第二次，今日發生o既，事源係好耐之前hotelclub折埋左，佢有將佢d分用優惠卷o既方式過左去hotels.com。咁我就用個張coupon訂左台灣o既機票啦，但我行程改左，我就cancel左間酒店，當我再用返張coupon去訂第2間酒店，顯示唔可以再用。咁我就問客服，佢就話條款有寫明，我同佢睇條款得出o既定義有好大分別，咁則係佢o既條款唔清晰啦。我再同佢爭辯，佢俾我o既態度係...好hea我，隔住個電話都feel到佢反我白眼，好想收我線，態度好差。 我o既結論係，我會盡快用左我account入面o既分，之後停用hotels.com~88
