到訪日期：2016/06/22 人數：2個 時間：1320(唔洗等位) 笑樂，應該去過左福岡，做過資料搜尋o既都聽過哩間野，係以食博多出名o既日式牛雜鍋而出名o既。我都係睇左網上好多bolgger介紹話非試不可而去試下食o既，而且曾經有第一次來福岡冇食到好可惜o既感覺，所以第2次來一定要食到。 我地兩個人叫左一個一人份同少少其他野食(有中文menu)，因為對哩煲野有少少保留。 講下個主菜先，其實入面牛雜唔多，得幾舊(一人份)，其他主要係菜同豆腐。 肉眼都會睇到舊牛雜癡住好大舊肥膏，食落口之後...應該唔會想食第2舊，對佢當初o既幻想冇曬。立即覺得香港o既牛雜做得好成功，其中一樣香港win到日本o既野^^ 另外，有馬肉刺身跟餐o既，人生第一次食，唔好話刺身，我連熟o既馬肉都未食過。食落去有少少"un"，我個人覺得麻麻地。 總結，除非你非食不可，如果想對佢有返少少幻想o既空間，建議唔洗去試，留返少少遺憾美。因為我覺得唔係哩間先整得唔啱我地香港人口味，而係哩款菜唔多啱我地香港人口味。 店舖資料 もつ鍋 笑楽 博多駅店 地址：福岡県福岡市博多区博多駅中央街1-1 JR博多シティ 10F 營業時間：「平日」1100~2300，「金.土.日.祝日前日」1100~0000 #九州#福岡#博多#牛雜鍋#もつ鍋#笑樂#推介#美食
